4-1(thurs) 4月1日

今日係4月1日愚人節.

相信無人會唔記得去年o既今日發生過咩事…簡直就係愚人節?面o既一個最大整古…

好記得舊年我都有o係呢度同大家講過…當日我係?到前所未有咁晏, 到晚間新聞我都未起身; 一起身首先發現“香港變o左個疫埠”, 跟手居然見到淘大E座o既住客俾人封鎖o左, 無幾耐仲俾人送埋入鯉魚門渡假營!

到食完飯, 就收到朋友o既電話話哥哥跳樓死o左…第1個反應係:“唔係呀嘩?!” 之後諗諗o下, 又唔係太過出奇o既, 不過個心好唔安落囉!

往後o既幾個禮拜, 就係咁睇o個d哥哥o既紀念特輯, 同埋自己睇番d私伙錄影帶…仲記得舊年睇到一半o既“甜甜廿四味”…好到喉唔到心肺!



真係話咁快又一年, 今日特登o係上完course後走去文華酒店睇o下…懷緬一下我們最愛的哥哥…!

成條干諾道都塞實晒, 文華至康樂廣場一帶都擠滿晒人, 全部都係去悼念哥哥…我都有特登走去影番幾張相, 見證o下呢個咁值得紀念o既場面!

跟住行去康樂廣場睇下一個張國榮燭光紀念集會…可能因為o個度對正文華, 仲o係正佢外甥女公司樓下添!