11-7(sun) 騎著電單車的黑皮褸…真人版!

根據一輪research+網友提供資料後, 我終於證實o左原來“我本善良”係o係95年台慶獲得類似叫“80/90年代我最喜愛電視劇集選舉”o既第一位(or第三位…唔多清楚)…可惜我幾乎有晒近10年o既台慶錄影帶, 唯獨係無keep住o個年 (註: 應該係劉華講“杏加橙”o個年)…無得重溫番! 返hku睇明週都唔覺有呢d資料…我諗真係要出動我d陳年香港電視 (但係呢樣俾返hku睇雜誌更大工程)...

原來呢套劇當年(甚至依家)真係好受觀迎…o係網上面亦都真係好多人談論 (唔知點解當初search唔到)…仲話係佢o地咁多年o黎覺得最好睇o既劇…唔怪得知可以得獎咁巴閉啦!

我仲o係屋企o既“私家影院”度重溫o左80-90年代好幾年o既經典台慶, 因為無線曾經o係30週年台慶時, 重播o左某幾年o既台慶…我當時錄起o左!

睇番87年台慶, 見到當時仲係青春少艾o既money姐同梅小惠等人表演繩索雜技 (唔知點解年年…至少我睇o個幾年…都有梅小惠表演雜技或者高難度動作…唔通佢身手非常不凡?); 再到90年, 更加有當時紅極一時o既齊浩男列入8大 (定10大?) 司儀行列…幾勁呀! 而佢o既表現亦都真係唔差, 口才好, 反應快…最緊要有型嘛! (當時!)

依家你話俾人聽鍾意溫兆倫, 簡直笑大人個口啦 (最主要係因為佢近年o黎形象真係太差!)…再睇番02年o既台慶, 溫兆倫又出番o黎…雖然仍然俾佢“maan”車邊列入當家小生行列, 有得同撈家+郭晉安等 (呢兩位小生當年都係o係佢主演o既“城市故事”?面做配角jar…但係依家…真係要再講句:“10年人事幾翻新”!)一齊o係最尾小生花旦表演環節度唱歌…但係已經要企到最邊邊, 同埋要以d好誇張o既表情去搶鏡但係都無人理佢!

一連睇o左兩屆台慶, 睇到個咁大o既contrast…見到當年無線最紅o既小生搞成咁, 真係不得不再嘆句: “一剎那光輝唔係永恆” (紅唇皇子, 借你o既名句o黎用一用呀唔該!)!

而02年齊浩男o既打扮, 仍然係已經變到超out o既蓋過籮黑皮褸+黑皮褲…好明顯佢仲停留o係“騎著電單車的黑皮褸”o既年代! 好慘!