8-18(wed) 奧運又黎喇!

以為做完“九五至尊”可以早目訓番d…唔記得o左原來接住落o黎係兩個禮拜唔停咁播我最鍾意睇o既節目—奧運!

好多人都唔信我會咁鍾意睇奧運呢d體育節目; 以我呢d咁唔運動既人, 無咩理由會咁為佢著迷!

其實我由細到大都好鍾意睇奧運, 我諗最大o既原因又係o個個:“眾志成城”!

相信大家都會認同奧運有種好眾志成城o既感覺, 大家好團結咁為o左自己o既國家同埋喜愛o既運動員打氣…有時仲會興奮到o係電視機旁邊大叫出o黎!

仲要因為時差關係, 奧運通常都係深宵直播, 對於我呢d幾夜都唔願目訓o既人, 實在係最好o既節目! (相信大家都應該記得我最鍾意睇深宵o既籌款節目o架嘛!)

同埋呢d基本上變成全城 (甚至係全球) o既大事, 唔睇o下簡直會同社會脫節! 而且通常都會o係全城熱播o既氣氛感染之下亦都投入起o黎…所以我o係世界盃其間都會受到全城足球熱o既感染之下睇o下d賽事…但係平時就真係好少會睇!

最好睇o既項目依然係跳水, 其次就係體操! 游水同跑步有時都幾好睇o既, 不過要睇心情同埋睇o下有d咩參賽者…好似禮拜1晚凌晨無啦啦坐o左o係度睇游水直播…又覺得非常吸引喎! 跟住仲要見到中國選手o係第一線忽然游o左出o黎, 得埋個冠軍, 就更加興奮…終於係坐o左o係度睇到唔願目訓!

但係呢兩樣項目主要係講速度, 無咁多招式可以玩到, 所以相對o黎講我都係覺得跳水同埋體操兩樣可觀性多d!

第一日比賽見到郭晶晶同吳敏霞輕易咁贏到比賽, 都好戥佢高興…畢竟真係好似睇住佢大咁! 由96年阿特蘭大奧運開始見佢參加, 到上屆都贏唔到個金牌, la口la面…好似好慘咁! 相反前財爺夫人伏明霞就擺明係好命o架喇, 參加3次就贏足3次, 仲要次次個焦點都o係佢度!

我當時都係佢o既支持者, 當然寧願佢贏好過郭晶晶贏啦…當年佢o地參加完悉尼奧運o黎香港表演o既時候, 我o地曾經瘋狂到諗住排隊去拿飛, 但係後尾知道有太多人, 根本無可能拿到飛先唯有放棄! 但係無幾耐居然傳出話佢同做得佢老豆o既松叔叔拍拖, 仲奉子成婚添…真係即刻覺得佢cheap晒! 當然, 佢o地可能係真心相愛o既, 但係都未免會令人有第二d想法…總之, 佢以前俾我o既好印象已經全線幻滅晒!