10-14(fri) 我本善良之旅 (下)
哎…返到o黎倫敦, 主力遊覽景點o個日居然落大雨, 咩興都掃晒! 其實落雨係倫敦生活o既重要一環, 幾乎兩日一小雨, 三日一大雨! 可能我當年走之前係夏天, 比較風和日麗...但依家已步入冬天, o個種不停下雨, 凍到抽筋, 三點天黑o既回憶又返埋o黎...係不太討好, 但我依然喜歡倫敦o個種深沉o既感覺...雖然人o既心情, 亦會隨住天氣而變得moody d!
因為落大雨, 好多景點都影唔到, 或者冒住雨去到影兩張就算...都好, 唔洗成日俾人話我"濫影"!
![](http://i8.photobucket.com/albums/a45/monjeh/0510bogae-neon.jpg)
當然, 雖然係落大雨, 但都要去晒所有"我本善良"景點...包括石常春跳出o黎o個個地鐵站, 即"瞬間看地球"成日影住o既piccadilly circus噴水池位置; 仲有取景最多o既唐人街...個騎呢電話亭啦, 伊明一家原有o既舖頭位置 (即金門行) 啦, 浩男去幫人剪彩o既唐人街的士高門口, 仲有沿泰晤士河一帶...
![](http://i8.photobucket.com/albums/a45/monjeh/0510bogae-fountain.jpg)
("瞬間看地球"位)
![](http://i8.photobucket.com/albums/a45/monjeh/0510bogae-shop.jpg)
(伊明間舖頭…唔知點解摺o左?)
![](http://i8.photobucket.com/albums/a45/monjeh/0510bogae-kill.jpg)
(我個人認為呢個係浩男被追殺o既位置)
![](http://i8.photobucket.com/albums/a45/monjeh/0510bogae-gerrand.jpg)
(呢個路牌o係倫敦o個幾集成日都有影…因為正是唐人街位處o既地方)
...而最騎呢o既係, 我搭火車時真係有個外籍姐姐無啦啦請我食朱古力, 佢話佢有一排朱古力食唔晒, 夾硬要請我食半排...其實我真係唔多想食, 不過禮貌上, 都食o左一格...之後我諗起, "我本善良"有一幕係講齊浩男o係河畔見到另外個黑幫頭子, 個叔叔又係請佢食朱古力, 但係佢猶疑好耐都唔肯食, 個叔叔話佢最大缺點係太大疑心, 跟住自己食一粒俾佢睇, 浩男先夠膽食...但最終個叔叔走o左之後, 佢都係lur番出o黎 (意思係佢永遠都唔會信人)! 但係, 我就咁食o左囉...不過到無死到!
![](http://i8.photobucket.com/albums/a45/monjeh/0510bogae-tvbshop.jpg)
(英倫唐人街的tvb影視會…以前日日都會行o黎睇o下有咩戲出! 不過唔係租o黎睇喎…純粹係想過o下癮o者!)
![](http://i8.photobucket.com/albums/a45/monjeh/0510bogae-poster.jpg)
(哈哈…o個期o岩o岩推出“我本善良”vcd, 所以唐人街o既tvb影視會都post左呢張“粗製濫造”poster o係門口…我真係到依家都唔明…點解唔可以用番當時o既劇照?! 齊浩男同石伊明個造型…係完全錯晒囉!)