H-E-J-N-O-M <=> 芒姐再現之...舊日的足跡+英倫遊記

芒姐再現網址: "http://hejnom.blogspot.com/"... 前身為"芒姐.diaryland.com"

星期六, 8月 16, 2003

8-16(sat) 大提琴與點三八

嘩! 頭先o岩o岩轉台去亞視…居然俾我發現o左佢無啦啦重播緊幾乎係亞視最經典o既青春劇 –“大提琴與點三八”…跟住睇番個節目表, 發現原來已經做o左幾日…又miss o左開頭…哎! 點解會咁o架?! 我幾年前熱切期待佢重播o既時候, 佢又唔播…依家我毫無準備下, 佢居然失驚無神咁播o左幾集都唔通知我…有無搞錯呀?!

雖然呢套劇我多年前已經睇o左n次, o係大約7, 8年前佢亦都係不停咁重播…尤其係朝早o既6點檔; 但係已經好耐無睇過…咁多年後睇番, 應該會有好唔同o既感覺…所以我呢幾年一路都好希望可以重溫番!

每次同d對“電視劇”(尤其係亞視劇) 略有認識o既朋友仔講起亞視經典劇, 大家都一定會提起“大提琴與點三八”! 即使係無咩睇亞視o既朋友, 都somehow會睇過呢套劇或對佢有印象…可見呢套劇對我o地呢個年幾o既朋友有幾咁大o既影響力!



我諗最大o既原因係大家o個期通常都仲會留o係屋企睇電視! 我當年作為一個小學生…睇電視已經睇到成“精”o既地步好耐! 我記得佢首播時咁o岩係考緊final, 當時已經係靠電視節目推動我去讀書o架喇; 所以發現o左夜晚7點有套咁好睇o既戲o既時候, 就迫自己7點前讀好晒d書 (雖然當年讀書都真係幾求其…一邊睇電視, 一邊玩game boy, 再一邊同同學仔煲o下粥…再間唔中望o下本書); 仲記得睇到10幾集o既時候, 無線開始7:30首播更經典o既“今生無悔”…兩邊都咁好睇, 好難取捨呀! 當然, 最後緊係“左右逢源”, 錄o左佢o黎睇咪得囉!

呢個劇o既劇情可能係老土d, 不過老土o既o野從來都受o架啦! 仲要有當年好受落o既“九十年代亞視版twins”…同為89年亞姐o既萬2蚊同埋潔儀姐姐! 佢兩個真係幾cutie…當年幾乎所有亞視o既青春劇, 都會有佢兩個份! 另外仲有得睇當時戲假情真但又襯到絕o既“亞視金童玉女”– 呂頌賢 & 萬綺雯! o個個年代o既亞視, 呂頌賢確係最紅+ 最“四正”o既小生! 我都好鍾意睇佢o既“中環英雄”同埋“勝者為王”…當然唔少得呢套“大提琴”啦! 仲有當年好核突 + 個角色好克人僧o既劉錦玲! 同埋有當年勁hit o既“你知道我在等你嗎”大提琴版聽添!



至於最有共鳴o既一點…係劇中o既funny媽咪 – 琴姐, 一日到晚都o係度玩game boy, 仲話要aim at玩到升火箭…而當時o係電視機旁邊o個位電視迷小朋友, 正係o係度玩緊game boy, 仲要係佢咁多年都仍然咁鍾情o既遊戲 –TETRIS! 又係一邊睇, 一邊死玩爛玩…務求要玩到升火箭! 依家睇番真係好有親切感…好懷念! 好想可以玩番…可惜我個game boy已經壞o左10年!

本來以為今個禮拜做完我最喜愛o既“律政新人王”, 下兩個禮拜上埋o個兩套完全唔掂o既新劇…我就會無晒牽掛, 可以專心一意咁去溫書…點知, 依家我又再重拾我o既電視寄託…好忙呀我! “大提琴與點三八”喎…點可以唔睇呀?下一套, 我希望可以睇“藍月亮”…因為個個都話好睇, 但係我未睇過呀!

重溫呢套劇…我諗最吸引o既並唔係佢o既劇情, 而係佢所勾起o既童年回憶!

一句講晒: 情意結!!!