H-E-J-N-O-M <=> 芒姐再現之...舊日的足跡+英倫遊記

芒姐再現網址: "http://hejnom.blogspot.com/"... 前身為"芒姐.diaryland.com"

星期日, 5月 23, 2004

5-23(sun) 黃凱芹夢幻傾情演唱會1

尋晚終於睇o左o個個開極都開唔成o既黃凱芹演唱會…拖o左成個月, 最終都有8成入座率, 算佢執到啦!

個演唱會就真係唔該晒喇...簡直大失所望! 近期d80年代尾歌星走返出o黎開演唱會, 都係超級唔掂! 係葉蒨文叫做比較有水準…其他o個d我只可以同佢o地講句: “唔該晒!” 簡直污辱o左我最喜愛o既80年代!”

上次之陳慧嫻又係咁, 今次阿chris又係咁…成個演唱會悶都抽筋, 仲要講埋d好攞膽o既說話, 感覺好out得好陰公, 引證o左不進則退o既定律, 仲要係退得好犀利o個隻!

今次阿chris呢個“千呼萬喚”o既演唱會, postpone o左一個月亦唔見得有咩咁精彩囉…如果佢用o左呢額外o既一個月去構思o左個咁o既run-down出o黎…我真係戥佢可悲!

其實佢d歌我又唔係真係好熟, 係識佢o個幾首好hit o既來來去去關於“傷感”呀, “雨天”呀o既歌…佢d歌好鍾意圍繞呢個主題…又或者其實係圍繞呢個主題o既歌先會hit! 但係02年佢復出搞o既演唱會, 的確係好想好想睇…或者係因為一個80年代情意結, 又可能係因為真係“好久不見”, 所以很是掛念! 可惜o個時佢一個月內連開兩次o既演唱會, 我居然都身在英倫無得睇…好唔甘心呀…我記得我o個時仲寫o左一篇有關呢個演唱會o既日記! 每次d好想好想睇o既o野, 都唔知點解會無得睇…呢個係我o既宿命!

o個時睇佢個演唱會vcd, 真係好精彩o架喎…d歌又好聽, 個編排都唔錯, 仲有d嘉賓勁正…當年o既“寶麗金3小花”, 仲有額外附送o既周慧豹媽媽唱o左半首“情未了!

今次d精彩環節無晒不特止, d嘉賓亦都好唔掂! 佢仲要自己構思o左個咩歌舞劇喎…最怕就係d演唱會裏面加插歌舞劇o架喇…次次都好難睇, 好騎呢! 上次02年easter梅姐o個個“極夢幻演唱會”, 又係整o左個咩歌舞劇…成場大家都悶都不停咁去廁所, 係到後尾跳返出個劇唱番佢d經典快歌, 大家先至醒番!

今次個演唱會又係叫“夢幻傾情演唱會”…原來一有d咩“夢幻”o既字眼就真係會搞到好夢幻…下次見到呢d名記住提我千祈唔好買飛睇! 免得睇完之後個人都變得好“夢幻”, 唔知自己睇o左d咩?!

(關於個咁精彩o既演唱會我仲有好多o野想講呀…聽日再講埋佢)