H-E-J-N-O-M <=> 芒姐再現之...舊日的足跡+英倫遊記

芒姐再現網址: "http://hejnom.blogspot.com/"... 前身為"芒姐.diaryland.com"

星期日, 8月 15, 2004

8-15(sun) 95至尊

呢排晚晚追深宵重播劇“九五至尊”…搞到晚晚無2點都唔願上床?覺!

前晚終於做o左大結局…都好, 以後唔洗追!

呢套劇又係我去o左英國o個時首播o既好戲…唔知點解o個一年我miss o左咁多套好睇o既電視劇, 反而返到o黎之後又無咩好戲上o既? 係咪玩我?!

聽聞佢上年首播o既時候一度收視好過“呀旺”…呢隻劇種又確係幾得意o既…d演員亦都做得幾唔錯o下 (除o左o個位演技浮誇到你以為佢做緊舞台劇o既林韋辰先生…我終於明白點解佢做o左10幾年都紅唔起! 同埋o個個不停模仿劉華但又死口唔認扮人o地o既江華)!

不過個結局就真係唔掂囉, 又兒戲又幼稚, 仲幾唔合理…有d虎頭蛇尾囉!

但係總括o黎講都ok有趣o既, 雖然“莫探員”o既“棟篤神探”好似好笑過佢!