12-23(mon) 本周大事回顧

話咁快就返o左o黎香港一個禮拜, 感覺既熟悉又陌生…表面上一切都無咩點變, 但事實有好多o野又變o左好多…真係唔知點講!

我之前話過遲d會寫埋回港飛機旅程第二部份, 但相信有排都唔會完成到…都話o係香港“太多o野做”, 根本寫唔到日記o架啦! 不過為免太耐冇update o係海外o既朋友, 我都會得閒簡單咁講o下我o係香港o既生活點滴…

其實o係呢短短o既一個禮拜, 我都唔知自己做過d咩o野…時差都搞o左好幾日…日日瞓到5點, 由天光瞓到天黑…咩都唔洗做! 再加上一有番電視睇, 我就好自然會冇晒d時間; 再加上我d好友幫我錄o既“東華”同埋“台慶”錄影帶, 仲有自己珍藏o既陳年錄影帶…簡直係日日冇天光都唔洗瞓!

再簡短咁講o下我呢幾日o黎做o左d咩啦…首先係約o左幾班朋友出o黎相聚, 唱o左兩次k, 打o左一次邊爐, 食o左一次壽司, 剪o左一次頭髮, 睇o左一次“東華” (雖然有d悶, 但係有d位仍然好好笑…例如“全台藝員卡拉之星”…騎呢到爆, 笑到我死)…!

仲有兩日就聖誕節, o係呢度祝所有o既朋友聖誕快樂!