8-10(sun) 非典型球迷

估唔到大家對我o個隻“黃馬”都咁有興趣…不停咁有朋友send message o黎問我究竟o係邊度搵o既…答案係: 我只係randomly search到!

作為一個“非典型”球迷 (more appropriately係“典型非球迷”), 我都唔知係咪癲o左?! 前日眼都無眨咁睇晒成場比賽, 跟住尋晚TVB足本重播, 我居然可以癲到又睇多次! 平時你叫我坐定定咁睇晒一場球賽, 跟本已經係難上加難…即使係睇世界盃final, 我都可以睇到一半?著o左…就足以證明我有幾愛呢項活動啦! 但係今次我居然發o左癲咁連睇兩次, 仲仍然覺得好好睇…真係有病!

究竟呀23號仔碧咸兄o係代表英格蘭出賽時, 仲會唔會著23號呢?! 我諗唔會o架呵?! 咁佢著幾多號呀? 仲有, 好多d足球術語, 好似“插花”呀,“笠死”呀…我全部都係一知半解! 有無d朋友仔可以詳細咁解釋o下俾孤陋寡聞o既我聽呢?!