6-13(sun) 奧運六星

我終於睇番晒前o個幾個禮拜錄影o左o既節目, 其中一個係幾個禮拜前無線懶盛大咁搞o個個“迎接奧運show”…ok好睇呀, 同埋真係幾人強馬壯囉!

最搞笑係o個幾個“奧運六星”囉, 真係各有各騎呢…除o左林峰同吳卓羲比較alright! 無線真係唔放過每一個機會去力捧佢o地…所以依家唔理大show小show, 都會見到佢o地o既蹤影, 咩“奧運6星”又係佢o地,“the best team”又係佢o地…簡直媲美當年力捧o既“無線5虎”(可惜90年代再捧o既“新5虎”就捧極都捧唔起)! 仲有得錄歌拍mv, 務求令d人唔鍾意都睇到鍾意為止!

講番o個個奧運show呀, 有一part就係俾呢6星表演唱歌跳舞! D人話dancer出身o既吳卓羲應該表現最好, 但係我睇完之後覺得林峰仲跳得好過佢! 唱就當然唔洗講都係林峰唱得最好, 畢竟人o地都算係半個歌手呀! 抵佢o係6個之中永遠都係企中間, 連點聖火都由佢代表其他6星…係威d o既! 所以話, 好多o野都係有果都必有因o既! 抵佢咁寸囉!

最唔掂當然仍然係o個個高威利 (馬國明), 都年近30, 仲要同d o靚仔扮青春…最幣佢真係完全無潛質呀嘛! 真係唔明點解無線要捧佢? 嘩! 睇佢跳舞簡直係極具娛樂性, 完全無beat可言…其他o個幾個最多係唔記得某d舞步o者, 佢就成part舞無一步係跟到beat o既! 人o地舉高手佢就放低, 人o地放低佢又舉高…最搞笑係有一度我見到佢不停咁偷望隔離個人, 但係望完都仍然係跟唔到…真係so sorry!

陳鍵鋒唱就唱得ok, 但係跳舞就…都有d搞笑囉! 唔係話佢跟唔到拍子, 而係佢好似食o左軟骨散咁, 四肢乏力, 姐手姐腳咁! 跳呢d舞應該係“力的表現” o黎o架嘛! 或者佢真係適合去繡花多d!

另外個黎諾懿就跳到好似個鐵甲人咁, 個黃宗澤就從來都係最克人憎樣o個個…懶得戚咁但又唔係跳得好! 佢俾我o既感覺就永遠都係好mk (旺角) 囉!

所以話, 真係抵林峰排頭位o既!

(最邪係o岩o岩打完呢篇o野開電視…見到無線居然重播緊呢個show囉…真係好邪呀! 平時除o左港姐同埋台慶, 其他大show通常都唔會重播o架嘛! )

o岩o岩睇廣告見到下個禮拜“皆大歡喜”有鄭中基…嘩! 好期待呀! 鄭中基係呢幾年唯一一個我睇佢d節目會引到我笑o既人 (我係o個d即使睇周星星o既戲都唔多會笑o既人)…佢真係新一代o既笑匠…掂呀! 當年第一次睇佢主持“爆笑急轉彎”已經覺得佢好有喜劇細胞…好欣賞佢 (係個樣衰d囉)!

今次佢做“皆大”, 簡直係must watch呀!