8-8(fri) 4:2-香港人的驕傲

嘩! 勁~勁~勁! 真係好勁!

原來成班男人追住個波四圍走, 其實一d都唔無厘頭o架…仲可以好好睇添! 今日o個場香港十年難得一見o既足球盛事, 真係令我呢個“非球迷”對足球賽事大大改觀, 直頭嘆為觀止!

從來未試過可以“全神貫注”咁睇晒成場球賽, 即使係世界盃決賽, 我往往都係睇睇?忍唔住走o左去做第二d o野! 但係今次o既90分鐘?面, 完全係目不暇給…尤其係上半場, 真係粒粒巨星, 基乎連眼都唔敢眨!

中港聯隊o既表現就簡直令人喜出望外啦! 本來諗住以港隊o既實力, 簡直係“小學生”同“大學生”鬥, 都唔知要輸幾多球…尤其見一開場無耐就俾人入o左第1球, 跟住未到15分鐘又入多球, 諗住之後實有排數啦! 如果繼續係咁平均6分鐘入1球, 到完場咪要輸成15球?! 其實輸幾多球都無咩所謂, 只要唔好輸得太離譜, 就已經算有個交代喇! 輸少當贏嘛…如果中港聯可以入到1球, 就真係要還神…香港聽晚直頭應該放煙花啦!

本來諗住開住冷氣舒舒服服咁坐o係梳化度睇, 但係因為實在太緊湊, 一開場已經忍唔住冒住幅射o既危險, 全場企o左o係個電視機隔離睇! 仲要d球員走去邊, 我對眼就跟到去邊, 成場都係咁跟住…前所未有地全情投入; 好似我平時睇勁歌總選或港姐o既“認真”態度!

港隊o係上半場破蛋o既時候, 簡直高興得叫o左出o黎, 仲拍晒手掌…從未試過睇一場波睇得咁投入! 到後尾港隊居然可以入到第2球, 真係發夢都估唔到! 本來可以o係黃馬手上?到1球, 都已經係贏o左咁款o架啦; 居然未到下半場再整多粒…好勁呀! 拉到個比數咁近, 之後仲可以守足成個下半場…簡直係香港人的驕傲!!!

今次o既球賽完值回票價啦…香港呢個城市, 好似好耐都無試過咁好氣氛!

我諗我o個件“23號球衣”, 都係時候?番出o黎贈o下興! 呢期全城都為23號著迷 (不過佢最好唔好叫阿成龍大哥簽名囉, 完全無taste…簡直搞cheap晒自己!), 我都應該順應潮流著住佢去遊o下街, ?個彩! 仲記唔記得我o個件因為天氣熱得滯, 無心插柳地o係英國“皇室堡”買o既“白色超薄護翼23號衫仔”呀? (唔知我講咩o既朋友, 請自己refer to “6月1日o既皇室堡的故事”) 我帶o左佢返o黎香港, 首先就係俾人問我係咪諗住著o黎“反/支持23條”?! 跟住呢期就俾人以為我係因為支持碧咸而買呢件衫…但係其實我買o個時, 佢好似仲未轉會!

咁究竟我揀呢件23號有咩特別原因呢?! 其實只不過係因為全場淨係得呢個lum把…我根本就無得揀, 只係咁o岩得咁橋! 亦都同我o既歲數無關!