H-E-J-N-O-M <=> 芒姐再現之...舊日的足跡+英倫遊記

芒姐再現網址: "http://hejnom.blogspot.com/"... 前身為"芒姐.diaryland.com"

星期四, 8月 07, 2003

8-7(thurs) 黃馬

“黃馬”終於殺到, 當然d咩會考新聞…緊係要讓步啦! o係呢幾個禮拜, 有咩o野係緊要得過黃馬呀?!


(名副其實o既黃馬)

我o地o個年o既會考就撞正“風之后”為香港拿第1面 (亦都係以“香港”名義參加奧遫既最後一面) 奧運金牌選手凱旋而歸o既大新聞, 而被迫“讓路”; 今年就因為黃馬登陸香江而搶晒風頭! 不過其實近幾年會考o既報導已經愈來愈少篇幅, 唔似得10多年前敢-“會考大過天”…差不多全日o既新聞都係去採訪d狀元或者其他相關報導!

近幾年已經無人再有興趣去睇d狀元o既報導, 因為1年實在出太多個; 加上睇o左咁多年, 咩都悶啦! 呢幾年仲要係千篇一律到採訪完狀元, 跟住就去d聯招中心, 跟住例牌去埋莊啟程…你o翕都o翕得出條route! 記得兩年前暑假o係星島做記者o既時候, 見到報紙o既trend已經轉晒去報導d“特別背景”會考生, 例如新移民或者殘障人士…因為10優狀元對香港人o黎講…已經無晒新意! 而香港人最講求o既o野: 正是“新意”!

我本身一d都唔係足球fans (淨係會o係d大型賽事, 好似世界盃o既時候, 先會留意?;同埋“捕”o係個電視前面感染o下個眾志成城o既熱烈氣氛!)…如果唔係皇馬o黎香港顯技, 我分分鐘連呢支球隊有咩人都唔係太知 (依家都只係知比較出名o個幾位)! 見到d妹妹仔o係個機場度叫到聲嘶力竭, 又跑又追…仲有d球迷為o左去睇佢o地踢波, 搞到大熱天時要?幾晚街 (最終仲要未必買到飛喎!)…明我就真係唔係幾明o架喇, 學Dodo姐話齋:“波我就真係無咩興趣睇…成晚男人追住個波四圍走, 都好無厘頭o者!” (睇呢段新聞o既時候覺得好搞笑, Do姐果然係有佢o既point, 仲好抵死添…所以要quote出o黎同大家分享!)!

話就話我未必能夠理解佢o地o既行為, 但一方面我又好欣賞佢o地對自己興趣o既堅持同執著…鍾意咪鍾意囉, 無得解o架! 旁人睇o黎瘋狂o既行為, 只要自己鍾意, 又無傷害到人…Why not?! 如果樣樣o野都驚人o地唔知點睇你而唔敢去做…人生仲有咩樂趣呀?!

D咁“瘋狂”o既行為, 我係就係做唔到o架喇…因為我係走冷漠路線o架嘛 (雖然有人又會話叫我唔好再扮喇, 睇穿o左我內?其實係熱情o個隻喎…是但啦! 我唔理你睇唔睇穿我…總之我堅持我係走“冷漠派”o既路線!)…但係我對於自己o既興趣o既瘋狂程度, 其實可能都不惶多攘: 例如我對電視o既著迷程度, 相信睇得呢個日記o既人都會略知一二啦; 依家可能係沉迷寫日記啦...不過我相信人人都要搵個地方去抒發自己o既感受, 只係用o既方法同渠道唔同o者! o係呢度發表我o既偉論, 既可娛人亦可娛己, 仲可以練?d中文添…何樂而不為?!

橫掂都唔可能一日廿四小時都坐o係度讀書o架啦, 唔寫o下o野可能都會用o左d時間o黎上?網, 或者做其他o野…總之, 時間係自己分配o既o者…最緊要係可以搵到個平衡, 咁先可以有個balanced life o架嘛! (哎! 夠喇…愈講愈“禪”, 都係時候收聲!)

人生最緊要都係開心o者, 得閒有人讚?我個日記好睇,“讚”?我抵死, 我都會好開心o架! 最怕就係d人yim yim悶悶, 盲目跟風, 人話有興趣佢又話有趣…咁就真係乏味喇!