8-3(sun) 廿年人事幾翻身 - IQ成熟時3

(續前篇)



每次睇呢套劇, 見到當年o既“白馬王子”變成今日o既“瘋人”, 都會有好大感慨…都唔好話唔坎坷!至於其他主角, 亦唔見得有太好o既“下場”…我一向幾buy o既鍾保羅, 相信大家都會記得佢o係我o地小學年代已經跳樓死o左; 另一主角莊靜而, 當時可謂“迷倒眾生”(我個人認為當時o既佢有d似依家o既“阿嬌”)… 我諗睇呢套劇o既男生, 90%都係會buy“花洒”莊靜而…反而女仔就通常會喜歡硬朗o既“朱仔”鄧藹霖!



但係莊靜而亦都可以話係靚得最短暫o既女藝員, 佢o係80年代初真係好靚, 好清純…但唔知點解到o左80年代尾, 佢又忽然間好似老o左廿年咁; 好記得大約o係89年睇亞視o既“還看今朝”, 佢個look已經變o左個師奶…絕對難以想像o係唔夠10年前o既“IQ時熟時”?面個青春學生妹就係佢…又係一大可惜!



其實每次睇呢套劇, 都會有唔同o既感覺! 第一次睇係F3 o既時候…睇佢講d F6姐姐點樣“領導學校”, 點樣爭入大學, 好似好遙遠o既事…亦都好似睇緊人o地o既故事咁…唔係太有共鳴(雖然都覺得好好睇!)!

到第二次睇時, 已經入o左大學, 睇番d高中生o既故事, 彷彿見番幾年前o既自己…好多o野都好似曾經經歷過, 所以份外有共鳴!

到今次睇番, 已經係大學都畢埋業o既時候…距離中學o既青蔥校園生活好似已經有一段好長o既日子…再睇番呢d中學生“勾心鬥角”小故事, 就好似睇緊一d“小朋友o既故事”…不過都仍然咁cutie, 仍然會發出會心微笑!



除o左每次睇都會有唔同感覺 + 感概之外; 正如我之前所講, 每次都會搵到一d新o既驚喜…

第一次o既驚喜絕對係套劇本身, 第二次睇就係o係第一集發現o左當時飾演“臨記”o既星爺…唔細心留意, 都唔會發現原來佢曾經o係呢套劇出過一個鏡頭咁大把…係飾演收“保護費”o既“黑同學”! 今次再睇又居然o係某一集度發現o左一個好熟面口o既人, 覺得佢好似星爺電影裡面成日出現o既“田雞”…初時都唔肯定係咪佢, 但之後居然發現佢o係戲入面都係叫“田雞”…咁就真係無走雞啦! 唔知阿星爺同佢係咪o係呢度認識o既呢?!



仲有大結局佢o地成班同學唱俾miss woo聽o個隻歌…我當年聽以為係佢o地自己創作o既添…因為之前未聽過…但又無理由個個都記得晒歌詞又識唱晒咁勁o架?! 後尾o係網上面search o下…原來真係有呢隻, 當時應該仲幾hit(雖然隻歌都有d怪音), 如果唔係點會揀呢隻歌o黎唱啦…即係好似近年o既“告別校園時”咁!



別了校園 (顧嘉煇編曲/盧國沾詞)

匆匆歲月，平時大家輕輕鬆鬆多麼美妙。
黑板有字，埋頭用心向學 ，不知光陰飛去。
剩下只得分與秒，低聲講再會，面上一絲苦笑。
朋情與友義只盼心中永繞，恨我不知珍惜，舊時一起的快樂，
際此別離，無言祝福你，面對將來，崎嶇世途風雨飄飄，
得你教導，承蒙耐心，孜孜悉心把我照料，
沾得雨露，從前萬般錯誤今天終於改正了，
但是今天分開了，他朝可有人，就像你肯指引。
前途與世面，苦我知得太少，
但我感激師長，舊時悉心的教導，際此哭別時，離巢的小燕，
別了校園，崎嶇世途風雨飄飄。