H-E-J-N-O-M <=> 芒姐再現之...舊日的足跡+英倫遊記

芒姐再現網址: "http://hejnom.blogspot.com/"... 前身為"芒姐.diaryland.com"

星期五, 8月 01, 2003

8-1(fri) 隆重登場 - IQ成熟時

其實有部份內容, 係之前o係英國睇vcd時已經打落o架喇…不過一路都未有機會post上o黎! 但係睇完一套咁好o既劇, 又點可以唔向大家介紹呢?! 所以, 點都要o係呢度“勁雞推介”一下!

之前一口氣“chur” 晒成套“乘風破浪”之後, 即刻好想再開埋套“IQ成熟時”o黎睇…因為兩者個style好相似 (雖然“乘風破浪”老土百倍)! 最想睇番都係楊詩蒂點解會o係6年之內變老o左咁多, 直頭好似老o左廿年咁…不過可能佢因為要演活呢個老師角色, 所以特登打扮得老成d啦…真係唔知…但係覺得佢好似成個樣都變o左d?!



其實由上年9月去到英國第一日, 已經好想開呢套“IQ” o黎睇, 但係因為驚睇晒之後會無o左個寄託, 所以基於“save the best for last”o既原因, 一直都只係睇o左半集…之後就停o左! 之後借o左俾d朋友仔睇, 連不時唔多buy呢類劇o既朋友都讚不絕口…更加令我有衝動要?番出o黎睇!
基本上, 呢套劇我都睇o左好多次, 但每次都會有驚喜!

第一次係1994年o既暑假…有晚深夜1點幾睇睇o下無記o既“翡翠音樂幹線”, 忽然無聊轉o下台…點知俾我睇到一套咁趣怪o既陳年校園劇…當時淨係認得莊靜而, 鍾保羅, 同埋當時o既“紅唇王子”蔡楓華, 其他人我全部都唔識! 但係只係睇o左一集, 我已經俾呢套劇吸引o左…我仲記得第二日我要番大陸, 但都特登o係酒店等到一點幾, 睇埋呢套劇先[目訓], 因為真係好cutie!



之後就當然係迷上o左呢套劇啦, 成個暑假係咁由頭追到落尾…套劇播完之後…仲好若有所失添! (仲要衰在亞視每次重播完“IQ成熟時”, 都接住播一套同類型 + 基乎“原班人馬”, 但係無o左我最鍾意o既鄧藹霖o既“青春三重奏”…完全被比下去, 非當無癮!)

(下期續)