11-1(mon) 瘋狂電視迷

多得獎門人推介o左一套咁好睇o既劇集俾我, 搞到我晚晚唔“目訓”o係度追“我本善良”…死啦! 我依家嚴重上o左癮…點算?! 雖然套劇有d parts都幾out, 對白亦都幾“手羅”膽…但係又真係幾有戲味, 個故事又真係寫得幾好…80年代-90年代果然係電視劇o既最輝煌時刻!

依家除o左迷上o左當年o既溫兆倫, 亦都迷上埋當年好有個性好有型o既邵美琪…齊浩男同石伊明, 除o左角色人物性格有型之外, 個名都好有型!

搞到我不停咁o係度search關於“我本善良”同埋佢兩個o既資料…點解會咁o架? 點解我成日都會o係d“irrelevant”o既年代, 愛上o左唔係屬於呢個年代o既o野!

好似94年我第一次睇到“IQ成熟時”, 就瘋狂o地迷上呢套戲, 同埋迷上鄧藹琳…可惜呢d o野全部都係屬於上一個年代, 永遠都係wrong timing! 更加可惜o既係當年仲未流行internet, 要搵關於一d唔屬於o個個年代o既人同埋事o既資料, 真係難過登天! 我摷盡我o既雜誌存貨, 都唔係搵到好多資料! 所以internet o既普及o係呢方面真係幫到我好多, 要搵呢d資料亦都方便好多…亦都令我知道原來呢個世界有好多比我更瘋狂o既電視迷!

依家要搵資料就容易好多…只要上網click o下就搞掂! 香港o既網頁就唔係太多, 但係大陸o既真係多不勝數…可能真係因為內地地大脈搏, 咩人都有, 所以好容易搵到知音人! 佢o地寫o既o野仲好dee-till, 文筆又好, 仲好有見地添…嘩! 睇得我好開心…睇極都睇唔完!



推介兩個我覺得幾正o既:
http://qingxian-world.51.net/deric/sufans/03/a11.htm
(呢個分析得幾好: 心中永?的No.1——《我本善良》)

http://dali.flashchina.net/public_html_flash/3530.html
(呢個就好精美: 自製“我本善良”主題曲+精彩片段…我都睇o左3次…因為隻歌真係幾好聽!)

不過o個d劇情介紹或者d作者自己寫o既觀後感實在太詳盡, 直頭好似依家“tvb週刊”o既劇情簡介咁dee-till! 睇o左少少已經唔多對路, 因為直頭每一句對白+表情都寫埋出o黎…咁樣睇戲好無癮o架嘛…所以我決定bookmark起佢唔睇住!

再跟住就係睇o左好多有關我兩個“新偶像”溫兆倫同邵美琪o既o野…大多數都係d人對佢o地o既觀感同埋佢o地o既呢廿年o黎o既事蹟! 但係就愈睇愈心o翕…!

(下期再講)