10-30(sat) 郭富城舞台寶典@舞林大會2004

尋日去o左睇“郭富城舞台寶典@舞林大會2004演唱會”…今次呢個演唱會真係唔可以唔講, 因為真係好…好…睇! 我唔係講反話, 真係好好睇!

大家可能會覺得好奇怪, 以我平時睇親演唱會之後俾o既comment都咁“蝦薯”, 有咩可能會講出呢d讚美o既說話? 原因只得一個: 因為真係好好睇…如果佢可以成場都唔講o野o既話, 我會列佢入我呢5年o黎睇o既演唱會?面最好睇o既一個!

尋日有個同事知道我話去睇城城, 佢就話:“連郭富城你都睇?” 無錯…我知佢人氣下滑, 我亦都覺得佢非常之out…但我至少可以肯定o既係: 睇佢o既演唱會一定唔會悶, 事關次次睇親佢o既演出都一定有上佳o既視覺效果…因為無可否認, 現今樂壇之中, 佢仍然係舞台表演o既皇者!

新一代o既我諗係得容祖兒比較跳得,“上一代”o既鄭秀文同埋許志安呢幾年都好似有d力不從心, 即使有快歌都唔見佢o地再跳勁舞, 只係randomly“un”幾o下!

相反城城仍然可以又唱又跳 (唱得好唔好見仁見智…但可以肯定o既係比起大部份現今香港歌手o黎講確實唔算差, 同埋比起佢早年進步o左好多! 如果要我rank“4大天王”o既歌藝, 由7,8年前開始, 我已經排“呀皇”o係第2, 因為自從華仔變成一個“咪咀之王”之後, 佢疏於練習自然退步, 比人o地從後趕上…至於黎明…), 成個演唱會o既歌舞編排算係好目不暇給, 同埋成個flow都好好! (放心, 我從來都唔係佢o既fans, “4大天王”?面, 學友當然最掂, 華仔個人都好過佢好多, 而黎明至少我都o係“程朗”時期覺得佢型過…但係城城我就真係從來無喜歡過! 所以今次純粹係客觀o既讚美!)

對上一次睇演唱會覺得有歌精舞勁o既感覺, 相信係年頭睇葉蒨文o個次! 原來人上o左年紀, 都唔係一定跳唔郁…佢兩個就係最好o既例子!

不過我都好恐防今次會係城城o既最後一次演唱會, 佢d人氣跌成咁, 我都唔知佢會唔會再有機會開個唱…所以點都要捧o下場!

個同事好驚訝我連郭富城都睇之下, 我俾佢o既答案係: “如果佢可以唔講o野o既話, 其實佢o既演唱會會好好睇!” 個同事都好認同咁話: “咁又係, 咁你唯有希望佢唔好講o野!”

估唔到佢今次真係如我所願, 講少o左好多o野! 一開場o個頭一個鐘, 佢真係無講過o野…o個一part真係好好睇…如果齋係佢9:30開始發聲之前, 我會俾佢個演唱會95分 (其實俾夠佢100分都得, 只要佢唔好講o野!)

我諗佢跳舞同埋舞台上o既演繹, 就唔洗我多講…即使唔係特別喜歡佢o既人, 都一定會認同佢真係跳得好好, 渾身是勁!

另外一樣一定要讚o既就係佢今次個唱揀o既歌, 可能佢話明係“郭富城舞台寶典”, 紀念佢踏上紅館舞台10週年, 所以佢真係唱盡佢所有最hit o既歌; 同埋可能佢都明白, 依家個個都係靠“食老本”而發圍 (克勤係最佳例子)…人人都鍾意聽番d舊歌, 所以佢今次醒喇! 抵佢掂!

(因為呢篇review太長, 所以我將佢cut開o左一半, 明天再續-“騎著電單車的黑皮褸”)