9-25(sat) 我本善良

睇o左幾集“我本善良”…果然係充滿倫敦景色, 直頭好似拍旅遊特輯咁! 佢o地都好落本o下, 又河畔, 又皇宮外, 又唐人街, 又trafalgar square, 全部實地取景…我諗當時佢o地都留o左o係o個度好耐!

大家要睇就快d睇, 因為我諗下幾集就會講佢o地返番香港, 要到中段先會再去番倫敦!

我覺得英國一定係全世界變得全慢o既地方, 十年如一日, d景點一d都無變, 除o左可能唐人街d酒樓轉o左幾間之外! 我諗唔止係十年不變, 應該一百年前都係差唔多咁o既樣!

雖然我係一個電視精, 但我又真係無咩點睇過呢套劇…因為當時我覺得太慘太heavy, 唔係幾想睇! 同埋同期o個幾套戲, 好似“人在邊緣”同“今生無悔”咁, 都係呢隻style, 所以睇得多都悶!

但係依家睇番原來都幾有戲味, 節奏都幾明快, 同埋雖然過o左14年, 但一d都唔覺得out!

不過為o左慳時間, 我不斷咁fast forward o黎睇…但係因為o個個年代o既電視劇無字幕, 所以有d位都睇到一頭霧水…!

溫兆倫當時確係ok有型o既…係唔知佢點解依家變成咁o者! 其實佢變成咁都唔係依家o既事…當年睇“第三類法庭”已經覺得佢有d騎呢…但以為佢劇情需要o者…點知佢之後又發生同陳梅馨追數事件, 再之後同郭羨妮又搞到核核突突咁…真係懷念以前有型o既佢!

我一路都以為佢會同邵美琪+黎美嫻展開一段三角戀, 但原來係黎美嫻死o左之後佢先會同邵美琪一齊…哎! 個編劇真係唔識增加個劇o既戲味…要展開一個爭奪“發瘟”戰先令人肉緊o架嘛!

仲有, o個兩隻主題曲&插曲“笑看風雲變”同埋“心仍是冷”真係幾好聽! 唔知發瘟隻 “沒有你之後”係咪都係插曲之一呢? 當年我o地都買左呢餅帶o黎聽…唔怪知得佢可以有雙白金!

不停咁嘗試search“我本善良”o既劇情, 居然無咩相關o既網頁, 連tvb都無…點解會咁o架? 淨係search到一個好簡單o既劇情大綱, 我諗我要出動我d陳年“香港電視”去睇番每集劇情先得:

“齊喬正表面上是殷實商，實則是黑道梟雄。喬正一直視養子齊浩男如己出，而浩男亦以作為喬正之接班人為榮。

正義警察蔣定邦一直是喬正的死對頭，他為了將喬正繩之以法，努力追查及蒐集罪證，最後終於將浩男送入監獄，最後卻發現浩男竟是自己與前妻簡慧心之骨肉，痛心疾首之餘，更與喬正展開一場親子爭奪戰!的士司機石常春享有齊人之福，與喬正是掛名兄弟，因宿怨多年不相往來。偏偏春之女兒石伊明與浩男相戀，長子石家榮娶喬正之女浩兒為妻，而小兒子家豪亦戀上喬正之情婦方寧。

正是不是冤家不聚頭，三個家庭展開一段段人性善惡的爭持，穿插著浪漫糾纏的激情，高潮迭起，好戲連場......”

o岩o岩睇節目表, 原來下個禮拜深夜會重播我舊年好鍾意睇o既“律政新人王”…點算呀…咁多o野睇, 我睇得邊樣呀?!