9-8(wed) 奧運金牌手大匯演

尋晚真係一如我之前所講, 碌倒返屋企睇“奧運金牌手大匯演”!

我覺得一開場o個d解放軍步操都幾grand o下! 仲有奏國歌同埋升國旗都莊嚴得令人肅然起敬…無錯…我都話我係好愛國o架咯!

臨尾放煙花亦都放得幾靚, 個場館上面影落去都幾似真正o個d奧運場館, 好有型!

d金牌選手唱歌雖然大部份都唱得唔多好, 但佢o地勝在人氣夠, 唱成點反應都咁好!

劉翔唱歌真係好掂喎…上次o係“大飲茶”聽o左少少佢同古巨基o係上海唱同一隻歌, 已經覺得佢唱得好好; 今次聽晒成隻, 我直頭覺得佢唱得好過古巨基…事關佢無咁造作同埋過份肉緊! 應該俾佢自己solo一隻歌啦!

反而羅雪娟就真係騰晒雞咁, 仲唱到走晒音…所以話, 雖然佢o地係世界冠軍, 但要o係萬幾人面前表演自己唔多擅長o既項目, 都會幾怯o下!