9-14(tues) 劉華演唱會…andy go andy go go!

上個禮拜5晚又去o左睇演唱會, 今次係去睇劉華!

其實齋係講個演唱會o既內容同埋場景設計, 真係算幾唔錯o既, 又多variety又落本, 個舞台設計亦都算係我近期睇咁多個演唱會最掂o既一個…可惜我唔係特別喜歡華仔!

每次去睇佢演唱會我都唔知點解會超級眼“目訓”, 我相信係唔關佢事o既, 只不過真係每次都遇著我咁o岩好累o者??! 我記得唔知96定98年, 我直頭睇到不由自主地“目訓”著o左…o徙晒!

華仔個人我都覺得幾ok o既 (以藝人o黎講), 但佢o既歌藝就真係完全不敢恭維喇…仲有每況愈下o既跡象添!

今次佢唱慢歌都唔算話太差, 係有d唔夠氣同埋聲沙囉…但以佢唱現場o既“經驗”…算係咁o架喇!

但正如我去睇之前已經有朋友同我講過, 佢唱快歌o個陣狀態好似仲好過唱慢歌…照理應該索晒氣同埋無晒聲o架嘛! 所以我o地好有理由相信佢唱快歌o個幾part係“咪嘴”o既…如果唔係無理由會咁!

至於佢d歌我只係頂多buy到92年, 之後偶然都有d係ok o既, 但係到o左1998-2002年o既階段, 佢d歌就真係無一首掂, 仲要全部都差唔多, 無一首有特色! o個幾年佢拿金曲o個d歌真係永遠都係12首之中最難聽o既! 到舊年先開始好番少少, 尤其係我去年推介過o既自傳式歌曲“17歲”…我幾鍾意!

好彩佢今次都唱好多舊歌, 好似“情感的禁區”, “可不可以”同埋“愛不完”等…當然唔少得最經典o既“一起走過的日子”啦!

成個演唱會我最吃不消o既就係佢d fans o既過份熱情…就算坐到山頂都叫足全場, 仲要又係鄙視你唔叫o個隻! 佢d fans真係好掂…大合唱直頭係好似合唱團練過咁齊! 特別係一齊唱“常言道”o個陣! 仲有佢哎一句: “andy go andy go go”, d歌迷就好齊咁回番一句: “andy go andy go go”…