10-9(sat) 青出於藍

又想講一套戲, 一套做o左4個禮拜, 將近完o既戲! 呢期連踩三場, 又要睇“我本善良”, 又要睇“青出於藍”, 再加埋“律政新人王”…所以真係好忙…忙住睇電視!

其實套“青出於藍”都幾好睇o既, 好睇在佢低能呀嘛! 有時睇d戲低低能能, 唔洗點用腦都幾好…胡亂咁恥笑o下d劇情, 都睇得人幾開心o既!

不嬲都幾buy青春劇, 尤其係校園片! 雖然隨住年紀漸長, 已經唔係太有代入感, 由細個睇d大哥哥大姐姐, 變到依家係睇d小朋友!

我o個一代o既校園片, 相信大部份都係由克勤擔剛…估唔到過o左差唔多廿年, 隻主題曲仍然搵佢唱…證明佢真係一個“校園小王子”!

原來呢套戲又係梅小青監製, 唔怪得知又搵返克勤唱啦! 15年前o個套“淘氣雙子星”, 亦都係佢一手力捧克勤同阿paul去擔綱演出, 仲有佢逢開戲必預埋o既阿妹梅小惠…不過“淘氣雙子星”真係好好睇, 即使10幾年後重睇番都唔覺娘!

但係呢套“青出於藍”就早o係佢宣傳o既時候, 已經覺得娘到爆! 事關佢o個個水蛇春學校名, 其實一d都唔新穎…早o係十幾年前, 亞視套“點解阿sir係隻鬼”已經創作o左一個超長校名“聖法蘭亞根遜馬可勃羅德聖會亞洲至善堂司馬昭昭博士夫人第一紀念中學” (雖然我都係2000年重播時先第一次睇呢個劇…但都覺得幾有趣, 幾好睇!)…今次“青出於藍”只係執人口水尾!

十幾年前可能就係得意o既, 但十幾年後又照版煮碗整個“三水漁農業職工會尹兩燦慈善基金尹丁寶瑞紀念中學”…好娘囉! 個名又削過人o地o個個好多! 懶係諧音“搵兩餐”同“搵丁補水”…cheap cheap o地咁! 仲要o係個劇度任何人無論校長, 老師, 學生都成日唔放過每個機會無啦啦o翕o下個校名…直頭老土當有趣!

最抵死係佢o地改個校名叫“wdps”, 又講校長去“買”d運動叻o既學生返o黎催谷學校聲譽, 而死對頭o個間學校仲要叫“聖喇拔”…名眼人都知佢影射緊邊間學校啦!

本來諗住睇o下cookies o個幾塊餅碎…點知佢o地佔戲仲少過d無線茄呢啡…真係好慘情! gloria真係好唔掂, angela就其實做得幾好o既, 幾反叛, 幾似d時下d o靚妹, 而我個人就比較喜歡helena…平平凡凡咁, 同佢個角色“透明”一樣…況且佢當年o係cookies亦都根本係演緊呢個角色!

最難頂o既係搵阿yu去做萬人迷, 全班最索o個個…真係完全無說服力! 除o左高同埋似(扮)sammi之外, 我完全搵唔到佢有咩過人之處!

反而阿roy做得幾好…幾自然! 同埋個劇情居然咁抵死又係講佢藏毒…係咪夾定o黎宣傳o架?!

d劇情就又係老老土土o個d, 其實校園片廿年都唔會點變 (基本上係佢o地無咩進步囉!)…某程度上“IQ成熟時”o既劇情仲in過佢好多!

d學生又一d都唔吸引…好彩佢今次個主線放o係先生度! 但係d先生都有d難頂…尤其係我最怕o個個好似小學生講o野o既楊思琦老師…佢真係去做番先生會好過做戲!

曾經迷倒所有我o地個年代o既學生o既“刑偵”最佳拍檔-大勇同jessie, 狀態亦都大不如前!

畢竟歲月真係催人o既…大勇d頭髮起碼少o左一半, 仲要懶型咁gel起佢…好可怕! D電車軌又點遮都遮唔到! 仲要成日睇到佢個男士纖體廣告話佢好鍾意食“su-SEE”…真係聽到都想笑! 其實當年佢o既髮線都有少少向後移o架喇, 但起碼佢個頭吹得靚, 遮掩到少少缺點…再加上人紅自然靚o既定律…所以佢當年都算幾有型!

至於“車匙”, 佢當年雖然個look好求其, 著o既衫o係花園街都見過, 我仲買o左一件添…但係佢o個時個樣自然好多…依家唔知點解好artificial…我唔係話佢整過容o既, 但係真係有d怪囉!

反而歐楊波比係最順眼o個個! 我當年好喜歡o既大勇同jessie, 點解會變成咁o架?!