8-19(thurs) 雅典奧運, 無線number1

講開奧運, 我覺得今屆無線揀o個d主持都唔錯…我唔係指坐o係一廠o個幾位 (o個幾個就除o左肥谷同楊婉儀之外, 其他我全部都唔知佢o地做緊咩?!)...

胡杏兒齋主持個10點幾o既時段, 仲要不停咁食螺絲, 完全係可有可無o個隻!

馬德鐘亦都唔多覺有咩用途…除o左因為佢呢期紅所以要擺佢o係度之外!

至於同李克勤一樣“流住無線o既血”o既“2001年度最受歡迎男歌星”許志安仲奇怪, 成日亂拋書包, 但好明顯佢都唔多熟奧運, 仲要晚晚咁坐o係度 (有時甚至得閒到晏晝三點o個part都見佢主持埋)…真係見到佢就辛苦!

不過點辛苦都唔夠亞視o個班主持辛苦…佢o地居然o係新聞部派兩位當紅主持o黎, 見o個兩位姐姐繆美詩同埋張慧慈主持完新聞, 隔半個鐘又o係奧運節目出現…真係踩足全日, 連休息都無得點休, 確係洗人唔洗本!

但係佢o地呢邊個感覺就好似pro過無線一d, 至少螺絲位少d…不過可觀性同娛樂性亦相繼減低! 另外個主持黃子雄就好似無線o個邊o既主持咁亂o翕24, 個樣好認真, 但就講錯晒d o野…例如前日我咁o岩聽到佢話:“我o地依家訪問o下o岩o岩由瑞典返o黎o既杜挺豪先!” 跟住杜挺豪個樣係好尷尬咁唔知糾正佢好定唔糾正佢好?! 仲要佢最終一直都無發現自己將雅典講成瑞典!

反而我覺得一定要讚o既係o係雅典o個邊做現場採訪o既兩位主持界新丁…葉璇同方力申!

雖然有報紙勁彈佢o地o既表現, 話葉璇不停咁爭o野講同曬英文, 又話佢兩個不和, 仲有人將片段放上網俾大家聽…我以為我無聊o者, 點知又再有人比我無聊10倍!

其實當日直播開幕禮時我都有睇到o個part…以我所見佢o地真係似研究緊之後o既對白多過真係開緊片…無咩火藥味! 葉璇當時又笑笑口, 方力申不嬲亦都算幾有風度o個隻…我唔覺得佢o地咁大個人如果真係俾人寸完, 事後仲要拗係我寸你定你寸我咁低能! 不過咁樣播o左出o黎, 又確係蝦碌o左d…但都幾好笑!

至於話葉璇搶o野講, 咁我覺得佢當日又真係多o野講o左d, 同埋3句唔埋兩句就叫o下Myolie, 都唔知佢兩個係咪真係咁friend…就算係都唔洗擺晒出o黎呀?! 而佢平時o既表現亦都係比較aggressive…我相信d人真係會唔多鍾意佢! 但係我真係幾buy佢英文同國語都講得咁掂, 仲要係好好聽o個隻…反而d廣東話就比較怪! 同埋佢作為一個第一次做採訪o既新人, 表現真係幾好! 又進取, 又搵到好多人訪問, 仲可以放低藝人o既身份…事關做記者其實真係幾“wear”爛塊面, 又要同人爭位又要睇人面色…仲要佢平時係比人追住o黎訪問o個個, 今次要調轉自己做主動去搵人訪問, 其實都唔係咁容易! 我覺得佢真係做得好好喎!

“再生緣”之前, 我真係唔多buy佢; 但今次係繼兩年前o既“再生緣”之後, 我再度非常欣賞佢! 我終於明白無線當年點解會力捧佢…因為的確係一個可造之材!

另外方力申亦都做得幾好, 表現恰到好處, 睇得人好舒服! 佢雖然唔係話口才好好, 但係做游泳項目o既旁述同埋訪問都非佢莫屬! 而且佢講o野幾不慍不火, 謙虛有禮…好似一個好乖o既小朋友咁! 見佢對住李啟淦講o野不停咁“李教練”前“李教練”後, 相信呢種小朋友會十分博得老師o既喜愛!

而呀Wendy姐其實都ok呀, 勝在幾搞笑! 聽佢以甩甩cut cut o既英文同國語去做訪問已經夠搞笑,仲要佢成日問d選手認唔認得佢, 跟住又夾硬話“Oh! You still remember me!”…唔通人o地話唔remember咩?!