7-31(thurs) 紅唇王子

o岩o岩睇完“大飲茶”o既一代紅唇王子“菜瘋華”訪問, 真係戥佢坎坷! 學瘋子o既佢話齋:“10日10夜, 連一個公仔面都無…一個80年代o既天王巨星, 點會發生d咁o既事?”跟住一輪“瘋人瘋語”, 又“孫子兵法”, 又話攞“綜援”係佢一個“策略”等等…真係覺得好可悲! 曾經紅透半邊天, 今日居然淪落到如此田地…就算佢當年曾經講錯過d咩, 都唔deserve咁大o既“報應”o卦?! 時下o既年青歌手咪仲口不擇言…又“邪不能勝正”, 又“輸俾死物都唔會輸俾o靚妹”等等…紅唇王子當年o既瘋人瘋語, 都唔算太太太過份o者 (儘管我依家都算係半個哥哥fans!)!

但最大劑o既係, 睇完佢個訪問, 再o係同一個節目睇到當年以佢首本名曲“絕對空虛”參加新秀, 仲極力模仿佢個“鋤地”台風o既黎天王o既訪問…居然有幾分相似o既感覺…又係有d亂兜圈, 甚至有時“語無倫次”(又或者係佢o地兩人o既招牌答問題方式)…當然阿黎生講o野你都勉強可能明d o既…蔡生o個d就真係得啖笑囉!

各方黎生o既fans…真係sorry呀吓…但係我確係覺得有d似!

呢排講開“紅唇王子”, 又講開“青春劇”…都係時候講o下其中一套我最鍾意睇o既經典陳年青春劇- “IQ時熟時”! 不過, 等下一篇先啦!