5-5(mon) 我病了

我病了…我終於病了! 今日係離開香港第10日…我唔係o係“自我隔離”o既最後1日先發現自已“lai” o野咁邪呀? 唔好嚇我呀! 但我確實由尋日開始喉嚨仔好痛, 跟住今日仲咳埋添…病徵完全吻合! 我會唔會就咁就死o左o架? 好驚呀…我唔想“嚇死異鄉”呀!!!

最慘係今日原本約o左朋友去另一個ｃｉｔｙ玩, 但因為我病到聲都變埋, 被迫要取消…掃晒興, 真係唔好意思! 不過大家又唔洗太擔心…我?o左10個鐘之後已經好番d, 之後仲同朋友去o左唐人街食晏添! 病都要走動o下o架嘛… 屈o係房對病情無咩幫助o架…大家話係咪?!

呢兩日終於有機會開始睇我帶o左o黎o既一系列vcd…期待o左好耐, 終於有時間開o黎睇喇! 今次帶o左好多精彩vcd, 預備若然要被隔離, 都唔會悶親嘛! 今期“精選”o左好多哥哥o既舊電影 + 演唱會vcd…大家知我呢期幾咁捧哥哥o架啦! 好多謝親愛o既同學仔o係我臨走前特登送o左“張國榮告別演唱會”,“緣份”同埋 “淘氣雙子星”o既vcd俾我…全部都係我最想要o既! 亦都要多謝其他曾經買vcd俾我o既“善長人翁”…因為我執拾時毅然發現我個vcd 架上, 有一半o既vcd都係朋友送俾我o既! 多謝晒各位師主“慷慨解囊”…簡直係“善有善報, 福有油雞”!

剛剛“煲” 完o左80年代經典配撘 -- 張國榮+張曼玉o既“緣份”… “你我相隔多麼遠…那年那天可相見…”(我一d都唔覺得呢首歌好聽…齋音樂都好d, 有人唱o既版本好怪雞!)! 套劇本身亦一如所料地毫無劇情可言, 故事超級無聊…尤其佢o個個經典“地鐵緣份遊戲”…真係相信當時睇都覺得“娘”, 簡直搵戲o黎做! 阿梅姐當時把雞仔聲 (即exactly係唱“IQ博士”o個把聲…原來佢唔係扮聲唱o既) 亦都超級難聽…佢依家真係無論把聲同個樣都好o左10倍, 完全違反自然定律! 睇呢套戲可以話係純為o左睇人…哥哥同曼玉都算幾賞心悅目o既, 仲有就係80年代o既一切, 我都好喜歡回味! 尤其係當時地鐵o既景觀, 仲係四蚊一程o既地鐵單程飛, 賣飛o個架機…唔知大家仲記唔記得? 一切一切都好值得回味, 可以話係“集體回憶80年代”!