4-5(sat) SALUTE TO A LEGEND (2)

除o左“被動”地靠睇電視台/ 聽電台播特備節目o黎懷念哥哥, 我呢幾日亦開始o左運用自己o既資源安排o左一系列o既“SALUTE TO A LEGEND”節目! 首先係前幾日同朋友“搶購”(真係有“搶”o既成份o架…係俾兩個男人搶o左兩本我o地本來唔係十分想買o既雜誌; 但係俾人咁“截o左胡”當然唔忿氣啦…搞到我o地要周圍去搵番o個本雜誌) o左兩本所謂爆哥哥“自殺之迷”o既“吹水”雜誌.

跟住就係同朋友仔去K唱番一系列o既哥哥經典金曲…無錯, 我o地真係o係呢個“非常時期”去o左唱K…名為“勇氣GO! 唱K之旅”! 其實我o地逢親去K, 唱完一輪新歌, 就例必輪到“老餅K”時段! 不過今次就主力重溫番哥哥o既經典金曲…相信呢幾排, 大部份其他K房o既朋友都係做緊同一樣o野!

嘩, 大佬! 哥哥真係型到不得了, 尤其佢唱快歌o既時候, o個種節奏感真係無人能及! 無論係“MONICA”, 定係“不?的風”,“側面”,“打開信箱”,“無心睡眠”,“H2O”等; 隻隻都充份表現到佢o既音樂感同埋舞蹈細胞!

好少會讚人“型"或“靚仔”, 不過睇番哥哥o既80年代look, 尤其係佢o係“儂本多情”o既俊朗造型...真係不得不講句: 掂呀! 渾身帥氣呀!

不過後期o個d中性(尤其係女性) 打扮, 仲有“大熱長髮”look, 我就真係不敢恭維喇! 至於佢最近期o既mv, 就係幫TWINS首“你最紅”扮演3叔公; 呢個MV我確係第一次睇, 哥哥個樣除o左有d憔悴之外, 仲有d“委屈”囉…始終同d妹妹仔都係格格不入! 所以都係點番佢o個d 80年代o既歌曲比較穩陣!

再返屋企睇番佢d特輯o既片段, 最正o個part都係播番84年勁歌總選, 哥哥勁歌熱舞咁唱出得獎歌“MONICA”! 哥哥佢真係好可以帶動氣氛, 台下面o既其他歌手好似阿倫, 梅姐, 仲有當時已經好誇張o既蔡楓華, 都跟住拍子為佢拍和…現場氣氛無得頂! 最正仲係佢o個班唔知係歌迷定係dancer, 超級齊整地o係佢後面拿住d“繩球”做出各樣動作, 後來仲砌出“M-O-N-I-C-A”字樣, 跟住仲有短裙美女出o黎踢腿添, 好“啦啦隊”feel! 嘩…真係好勁呀!

當然更加唔少得要提一提呢幾日o係唔同o既節目?播過o既一個經典片段…就係哥哥o係84年o既“星光熠熠”?跳o既“鴛鴦舞”…左邊身做男人, 右邊身做女人, 仲要自己同自己跳舞; 真係唔跳到精神分裂先出奇! 不過佢扮女人o個種嫵媚, 真係無男星能及!