5-1(thurs) 本週精彩節目回顧

各位朋友, 好耐無見! 放心, 雖然我“唔見o左”一陣子, 但我唔係俾英國政府拎o左去荒島隔離十日…只不過係o岩o岩返到o黎, 又要忙搬屋, 又要忙執拾, 又要忙相約o係香港o黎o既朋友仔見面…正因為呢d一連串o既超精彩節目, 所以每晚都無時間寫o野! 再加上依家呢度無得上網, 所以呢排連email都無咩時間check!

長話短說, 我會一連幾日o係呢度將過去一個禮拜要講o既o野盡快講番晒!

今次再離開香港, 我o既“搭飛機恐懼症”都因為搭飛機次數o係短時間內急劇增加而好轉o左好多! At least今次都再次可以睇到雜誌, 食得落一部份飛機餐 (主力係甜品), 玩到遊戲…雖然降落時依舊有d作嘔feel, 但起碼無真係嘔出o黎, 已經好俾面! 加上今次SARS事件, 架機得一半人都唔夠, 我可以一個人霸兩個位…有d人仲一人霸4個位, 成個人瞓o左o係度...前所未有咁free!

virgin d位出晒名迫, 今次係我咁大個人坐飛機以來最free o既一次, 放晒d o野o係隔離位, 周圍又無迫滿人; 仲可以一邊用自己個screen玩遊戲, 一邊開埋隔離位個screen o黎播戲 (雖然今次完全無好戲睇)…真係想點就點! 不過今次架機無上次o個架咁好玩…d戲無得自己揀o黎播, 又無得fast forward & rewind…原來我上次坐o左架超新機?! 不過今次都仲ok o既, 雖然無好戲睇, 但起碼仲有我最鍾意玩o既 “一成不變”game – TETRIS是也! 另外仲玩o左N舖“打馬吊”同埋d MARIO GAMES! (不過每個MARIO GAME唔洗5分鐘就輸晒, 萬試萬靈…我都係無天份o架喇…玩番TETRIS吧啦!)

嘩! 今次架機唔知係咪因為太少人, 好飄囉! 尤其係起機落機o既時候, 好驚!

雖然我“戀上了口罩”, 但係要o係飛機度全程帶住個口罩根本就係無可能…太辛苦喇! 尤其係要瞓覺o個時, 真係焗到透唔到氣…所以我最終都除o左! 落到機, 本來都有帶番個口罩, 但係入到機場見到人人都以真面目示人, 根本就無一個係“朦面超人”, 所以我都唯有脫下我o既面具…費事d人以為我有事!

去到海關, 諗住佢實會問我一連串問題o黎刁難我o地呢d被“歧視”o既一群…點知…出奇地輕描淡寫, 比上次更簡單, 連一個關於SARS o既問題都無問過…等我仲諗o左一大堆對白同佢講…“sai”晒! 反而o係香港出境仲多造作o野搞…又探熱, 又循例問長問短…都係做俾人睇o既戲一場o者…雖然就唔夠“高官掃街”o個場show咁好睇!