H-E-J-N-O-M <=> 芒姐再現之...舊日的足跡+英倫遊記

芒姐再現網址: "http://hejnom.blogspot.com/"... 前身為"芒姐.diaryland.com"

星期一, 8月 11, 2003

8-11(mon) 給香港小姐

上個禮拜日睇o左一場“鬧劇”show…正是一年一度o既香港小姐!

今年o既港姐準決賽可以話係咁多年o黎最entertaining o既一年, 一邊睇show, 一邊笑到我死…但係絕大部份o既時間都係鄙視地恥笑, 因為真係“騎呢”到爆!

一開頭本來以為會幾好睇咁, 因為第1次o係TVB個將軍澳新電視城做港姐show, 個景又幾靚幾grand (準決賽o黎講); 點知…真係俾佢個opening呃?喇! 有呀“玉米糕”同d佳麗跳舞開場o個part都叫做ok (雖然好明顯佢o地全部被比下去), 之後仲有埋我好鍾意o既超鬼馬中基&克勤做mc; 但係住後d環節…真係好似做馬騮戲一樣!

首先最大o既問題係今年d佳麗一d唔吸引, 仲有d嚇人; 跟住就係安排俾佢o地o既所謂“才藝表演”, 騎呢到極點…我仲以為係馬戲班表演添!

d佳麗一出場自我介紹已經o黎d“怪招”…講完自己最滿意自己邊部份, 跟住就要做埋d“nau來nau去”o既怪動作; 真係好怪…怪到無影!

再o黎就係d騎呢才藝表演…舊年搞完今年又再下一城 (諗落舊年都好似唔係第1次搞o架喇…其實96年“李山山”o個屆都試過有類似o既分組才藝比賽, 不過往後o個幾屆就停o左)! 但係舊年都叫做搞得ok好睇呀…雖然唱歌o既依舊5音不全 (但係上年有克勤同佳麗唱“高妹”, 起碼車輪式一氣過聽o左6次之後, 都覺得隻歌幾好聽…尤其係克勤自己唱o既版本!), 但係至少無d奇怪低能白痴話劇做o左出o黎!

嘩! o個段話劇真係笑到我呀…以為自已睇緊ETV添, 但係ETV d小演員做戲都好似無咁生硬! 個劇情同d對白真係老土到不能想像…無線d編劇真係想玩死d港姐! 記得舊年嘉碧儀+其他佳麗都做得幾ok o架喎, 仲即場喊晒咁…雖然都有d悶; 但係好過今次o既低能“小學話劇”好多!

之後d問答環節亦一如以往地乏味, 仲要表露晒d佳麗o既“高度智慧”! 有位佳麗o既咩“睇足球, 睇皇馬; 食燒鵝, 在香港”口號…真係聽都未聽過, 不過都叫做有d創意呀…正所謂“只要有創意, 我愛蔡一智”嘛; 總好過“阿水”個妹o既“啞口無言”呀!

作為標準電視迷+超級大show fans, 港姐呢d一年一度o既TVB盛事我從來都唔會錯過; 但係到準決賽都分唔清d佳麗邊個打邊個, 就證明o左今屆實在太唔吸引…可以話係繼2000年劉慧蘊o個屆之後最唔掂o既一次! 本來因為上年估中o左3甲, 諗住今年學人上網去買o下邊個贏, 但係依家睇o黎都唔洗喇, 大家亦都唔好問我有咩心水…因為d人我分都未分得太清!

算吧啦…港姐呢d大show, 通常都係一年好睇, 一年唔好睇; 甚至係好睇一年, 唔好睇兩年! 本人心水推介: 首推91年o既“外景廠景縱橫交錯”, 跟住就係94年o既treasure island, 仲有96, 99同埋舊年都算ok好睇…最重要係呢幾屆d佳麗質素都幾好嘛; 但係今年無論係佳麗定係節目質素…都可謂創新低!

0 Comments:

發佈留言

<< Home