H-E-J-N-O-M <=> 芒姐再現之...舊日的足跡+英倫遊記

3-18(sat) 舊日的足跡+英倫遊記

2006-03-18T17:51:00.000+08:00

舊日的足跡+英倫遊記正逐步上載中...

最新內容請到: http://hejnom.blogspot.com

"芒姐@蘋果"請到: http://hejnom2.blogspot.com

10-14(fri) 我本善良之旅 (下)

2005-10-14T03:39:00.000+08:00

哎…返到o黎倫敦, 主力遊覽景點o個日居然落大雨, 咩興都掃晒! 其實落雨係倫敦生活o既重要一環, 幾乎兩日一小雨, 三日一大雨! 可能我當年走之前係夏天, 比較風和日麗...但依家已步入冬天, o個種不停下雨, 凍到抽筋, 三點天黑o既回憶又返埋o黎...係不太討好, 但我依然喜歡倫敦o個種深沉o既感覺...雖然人o既心情, 亦會隨住天氣而變得moody d!

因為落大雨, 好多景點都影唔到, 或者冒住雨去到影兩張就算...都好, 唔洗成日俾人話我"濫影"!

當然, 雖然係落大雨, 但都要去晒所有"我本善良"景點...包括石常春跳出o黎o個個地鐵站, 即"瞬間看地球"成日影住o既piccadilly circus噴水池位置; 仲有取景最多o既唐人街...個騎呢電話亭啦, 伊明一家原有o既舖頭位置 (即金門行) 啦, 浩男去幫人剪彩o既唐人街的士高門口, 仲有沿泰晤士河一帶...

("瞬間看地球"位)

(伊明間舖頭…唔知點解摺o左?)

(我個人認為呢個係浩男被追殺o既位置)

(呢個路牌o係倫敦o個幾集成日都有影…因為正是唐人街位處o既地方)

...而最騎呢o既係, 我搭火車時真係有個外籍姐姐無啦啦請我食朱古力, 佢話佢有一排朱古力食唔晒, 夾硬要請我食半排...其實我真係唔多想食, 不過禮貌上, 都食o左一格...之後我諗起, "我本善良"有一幕係講齊浩男o係河畔見到另外個黑幫頭子, 個叔叔又係請佢食朱古力, 但係佢猶疑好耐都唔肯食, 個叔叔話佢最大缺點係太大疑心, 跟住自己食一粒俾佢睇, 浩男先夠膽食...但最終個叔叔走o左之後, 佢都係lur番出o黎 (意思係佢永遠都唔會信人)! 但係, 我就咁食o左囉...不過到無死到!

(英倫唐人街的tvb影視會…以前日日都會行o黎睇o下有咩戲出! 不過唔係租o黎睇喎…純粹係想過o下癮o者!)

(哈哈…o個期o岩o岩推出“我本善良”vcd, 所以唐人街o既tvb影視會都post左呢張“粗製濫造”poster o係門口…我真係到依家都唔明…點解唔可以用番當時o既劇照?! 齊浩男同石伊明個造型…係完全錯晒囉!)

10-13(thurs) 我本善良之旅 (中)

2005-10-13T03:37:00.000+08:00

又係一篇寫於火車上的日記...今次係由newcastle搭番三個鐘火車落london, 同去o個程相反, 今日全程天陰陰...天氣真係會好影響人o既心情, 做咩都提唔起勁!

今次去newcastle, 亦都係上得最北o既一次...其實我覺得呢個城市同其他英國城市好似cambridge, oxford, bristol, even bath都差唔多, d建築物同埋城市外觀亦都無咩大分別, 係城市規劃比較完善d, 市內仲有地下鐵添...不過就小型過london好多, 仲原始好多! 本身個城市好似有待開發一樣, 發展中o既新市鎮...有如廿年前o既沙田! 同埋其實佢係一個幾typical英國o既城市...但悶o左d囉! 要玩要hea, 都係留o係倫敦多姿多采d!

不過估唔到o係咁細個城市都有"中國城"(唐人街), 仲有d似倫敦條唐人街, 不過細一半倒啦...d中國菜都幾好味, o個間"太子閣"拍得住我勁推介o既倫敦唐人街"金龍軒"! 我終於明白點解我當年o係倫敦一整年都食中國菜...因為英國真係無咩其他o野好食! 仲有當你有幾個人一齊, 中餐叫"食送"食飯又確係"溫馨"+"溫暖"o既選擇...尤其當你身在異地o既時候選! 同埋o係物價指數高企下, 中菜都算relatively抵...而且當你食o左一餐炸著條已經熱氣死, 不能再食多一餐西餐! 所以turn out大家就晚晚去唐人街開飯喇!

唔關事o既london snapshots:

10-12(wed) 我本善良之旅 (上)

2005-10-12T03:34:00.000+08:00

呢篇日記, 又再次好"型"咁寫於由london往newcastle的火車旅程上, 同上次唔同o既係...今次旅程多o左一位剛o黎到倫敦o既朋友同我一齊上路...! 今次又俾我o地霸到個四人位連一張"木台", 又有位擺行李, 又可以好方便咁寫o野...好正! 成程車三個鐘, 同坐eurostar往返倫敦巴黎一樣...北上紐卡素全程風和日麗...晒到我要戴埋頂帽...o係咁o既環境下又真係幾咁心曠神怡o下! 一邊望住窗外美麗景色一邊寫日記, 都係o個個字: "型"!

o係巴黎返到o黎倫敦, 標誌著"日落巴黎"之旅o既完結, "我本善良"之旅o既開始...睇完"我本善良", 再重遊一次佢d景點, 又另有一番風味! 所以寫緊呢篇日記o既同時, 我部mp3亦同時播緊"沒有你之後", 仲有草蜢o既"歲月燃燒"...再順道搭多兩首溫兆倫o個期o既舊歌"從未試過擁有"同埋"仍是痛在我心的你"...兩者都係"今生無悔"插曲...咁當然再順道聽埋黎明o既另外兩首插曲"對不起我愛你"同埋"人在黎明"!

(被炸後o既russel square tube station)

兩年後再次返o黎倫敦, 見番d熟悉o既景物, "劫後餘生"o既英國, 別有一番滋味...係一種"這麼近那麼遠"o既感覺...景物依舊, 但人面全非...好似好遙遠, 但一切又重現眼前! 好似好陌生, 但其實又好熟悉...就好似我o個時o黎o左倫敦幾個月, 聖誕返香港時o個種感覺!

重遊舊地...e.g. 俾炸蛋炸過o既king's cross, russel square, tavistock square等以前日日返學都會經過o既地方...以前住過o既gower street或者russel square o既hall...望入個已經完成裝修o既hall, 見到佢仲整o左個懶係新o既玻璃窗+屋頂, 中間有幾條"天橋型物體", 懶in咁...不過只限門口o個part, 同整間hall反而有d格格不入!

衰就衰在物價指數依然高企 (好似仲高企o左d添), 嘩! d酒店貴到呀...同樣價錢住巴黎可以住得靚好多! 最衰就係去過巴黎啦...d酒店咁舒服 (其實係d好細+不太high的酒店, 但都幾decent), 搞到我因為大比較之下, 更加覺得倫敦d所謂酒店(其實係b&b)勁核突, 慘不忍睹 (不過已經比我再之前住過o個d要share bathroom o既b&b好好多)...!

10-11(tues) 日落巴黎之旅 (下)

2005-10-11T03:28:00.000+08:00

今次呢個trip就真係勁食, 雖然無去"breakfast under eiffel", 但都食o左好多美食...仲要一日到晚都o黎個full course, 每日都捧住個肚返酒店! 今次d酒店都自幾ok (以佢不太貴o既價錢論), d床又大張, 服務亦都ok! 本來驚言語不通好難搵到d路, 但佢d路原來出奇地易搵, 比起英國d map易睇d添呀! 同埋行兩步就有metro, 都幾方便!

(兩種味道不同但都咁好味o既鹹甜crepe)

個個都叫我o黎法國記得買多幾個LV, 可惜我又係十萬個都無一個o既"不喜歡shopping的女性"...我都知我奇怪o架喇! 不過唔shopping有樣好, 可以慳番好多錢去食好o野, 亦都慳番好多時間...很好呀! 反而我去旅行係鍾意胡亂咁周圍行...行到邊睇到邊...連車我都唔多鍾意搭!

留耐o左發現其實巴黎同倫敦個感覺都幾相似, 總之就係他他條條, 優哉悠哉咁, 同埋兩者都係有條河o係中間, 再以一大堆橋串連兩岸! 如果之前已經有睇開我"英倫遊記"o既朋友, 都會記得我對"橋"o既情意結...兩年前離開倫敦前o既夏天, 除o左培養出晚晚食"哈根大師"o既習慣, 亦培養o左一個行橋o既習慣...好鍾意o係條泰晤士河係咁行, 由東行到西, 見橋過橋...沿途風光真係好優美, 同維多利亞港相比係另一種美!

亦因為o係巴黎最尾o個日一個人好"逍遙"咁遊覽, 無拘無束地鍾意行去邊就行去邊, 連map都唔睇胡亂咁行, 反而發現o左新大陸...就係發現巴黎同倫敦都係圍住兩岸o既景色最美, d museums呀, 羅浮宮呀, 國會呀, 鐵塔呀...n個景點呀...都係沿河而建, 夜晚著晒燈再加埋d觀光船o既燈光, 真係好靚...

我又係漫無目的咁沿住河行, 再見橋就過, 大大話話都橫過o左4,5條橋, 亦都叫做做o左遊客要做ｏ既ｏ野...去過o下d"名勝"! 一個人逍遙遊又係另一種樂趣...不過如果日日係咁可能都會有d悶o既...但一日半日真係好過癮, 有種好carefree的感覺!

唯一唔好就係言語不通...好唔鍾意o個種文盲+啞o既感覺! 去完法國覺得自己d英文都差o左, 因為永遠講唔一句完整o既句子! 如果唔係因為呢樣o野, 我驚我會愛上巴黎多過倫敦...事關d酒店平d又靚d, 搞到我籬o左o係酒店都唔願出街! 巴黎d路又易搵d, 通常沿住一條大路行, 見馬路就過, 見彎就轉, 地圖都唔洗睇! 頂多就算迷路咪跳入個metro度...好刺激, 好好玩...呢d唔知自己下一步去o左邊o既感覺, 好鬼死鍾意! 又係o個句: 好carefree!

今次成功地跳出metro亂行一輪搵到o既景點: bascilica...行完一輪斜路加公園再搵到間教堂...好有成功感! 其實呢個地方次次去法國都有o黎...大約知道個地理環境先搵到...都唔係咩偉大o既事蹟! 但我覺得係威就係威囉...hoho! 同埋唔知點解, 我硬係覺得"日落巴黎"音樂特輯有一幕o係呢度取景...有無人可以話我聽係咪呢?

今次仲有個得著就係之前次次都係跟人o黎法國, 巴黎個地圖我望都無望過, 邊個地方住處邊dud我完全唔知...去完今次"日落巴黎"之旅, 我大約都對巴黎每個地方o係邊有d印象...原來認識o左一個地方, 就會對佢更感興趣! tvb係時候重播哥哥o既"日落巴黎"特輯俾我睇喇!

10-10(mon) 日落巴黎之旅 (上)

2005-10-10T03:27:00.000+08:00

寫於搭遲了一班由巴黎往倫敦的eurostar上...

話咁快就已經完成o左五日四夜o既 "日落巴黎"之旅! 正如大家所料, o係毫無expectation之下, 反而幾好玩!

o係火車上一邊欣賞沿途風光, 一邊寫o下o野的確係一件賞心樂事...記得對上一次做呢樣o野, 已經係兩年幾前一個人去bristol探同學仔o既回程火車上...即刻覺得自己型o左兩下!

又係塞翁失馬o既一個上佳例子, 我依家一個人霸四個位, 仲有張"木台"俾我寫o野...感覺異常得戚! 唔係因為我俾多o左錢而有豪華位坐, 只係因為我之前貪玩, 見o係酒店check out之後仲有時間, 就唔埋背住d行李鬼咁死重都要周圍胡亂咁行多陣, 點知就行耐o左, 又搵唔到地鐵站跳落去, 於是就miss左班車! 其實我入閘時係仲有6分鐘先開車, 但佢都唔俾我上...咁算囉...天意! 但塞翁失馬, 反而有一卡無咁逼人o既火車坐! 等我可以好舒服咁寫o野! 斜對面個哥哥仲型, o係度打電腦! o黎巴黎o個程就反而逼到抽筋, 拿住兩件行李差d連腳都無位擺...隔離又有人坐, 逼住晒...好彩當日我o岩o岩落機累到抽筋, 全程三個鐘由頭"目訓"到落尾, 話咁快就到o左!

今次已經係我第三次去法國, 感覺同之前兩次都幾唔同...唔可以話係改觀o既, 因為之前兩次其實都係走馬看花, 一日起兩日止, 仲要係趕緊去好多名勝o個隻...所以完全唔enjoy! 我成日都覺得, 要真正去"感受"一個地方, 一定要住上一段時間, 就算唔係都要好他條咁生活番3,5,7日...感受o下當地o既生活, 了解o下o個個地方o既文化!

因為大部份所謂"名勝"都去過一兩次, 今次o係無參觀景點o既"壓力"之下, 遊覽得份外輕鬆; "目訓"到12點先起身 (邊有人去旅行去成咁?), 跟住去食個lunch, 周圍行兩行, 行到累就坐o係條街度食個tea (意思係街上o既cafe...好欣賞法國d餐廳全部到僭建出o左條街度, 好似屋企d露台咁, 但就o係條街上面...我完全理解佢呢個設計:

(見到路中心“gug”o左出o黎o個part嗎?)

因為確係令人心曠神怡! 坐o係條街好他條地歎茶, 再望o下走在街上o既行人...好有一種"undo"o既感覺! 最鍾意歐洲o個種人人都好"undo"o既感覺! 哈哈! 即使weekdays兩三點, d cafe都鬼死咁多人!

(由天光…坐到天黑…!)

但我唔明究竟呢d僭建area係咪合法o既呢? 如果係, 咁點解其他商舖唔跟住潛建埋出去呢? 定係只准餐廳僭建呢? 真係一個謎! 不過有一樣o野可以肯定, 就係法國人同我一樣, 都係咁鍾意坐o係條街度食o野...即使無遮無擋, 齋有張"木台"同椅放o係條街度, 佢o地都照"食塵"可也!

食完tea又起身行兩行, 跟住又食晚飯喇; 食完又再行兩行, 又返酒店抖, 真係寫意到唔恨!

呢d先係去旅行o架嘛! 其實又係個"家家有求"o既phenomenun, 有d人去旅行鍾意有咁多景點睇咁多景點, 我就係少數 (唔知少唔少...同我share同一理念o既朋友可以話我知!) 鍾意hea下, 鍾意"目訓"到幾點就幾點, 跟住隨意周圍行o下, 行到累就食o下tea, 就係咁o架喇...如果去旅行都要去到趕頭趕命咁辛苦...我寧願唔去!

(另一間“gug”出o黎cafe)

7-31 (sun) “妙手”又o黎喇!

2005-07-31T02:53:00.000+08:00

又做“妙手”喇…原來對上一輯已經係5年前, 時間真係過得好快! 一聽到隻主題音樂, 就會諗番起第一次睇呢套戲o個時…我記得係1998年9月, o個時o岩o岩入大學, 仲好似係orientation緊…有一日成個o’camp group去附近一間舊式酒樓食晚飯, 個電視就係響起呢隻音樂, 然後就一邊食飯一邊睇“妙手1”喇(又係記埋d無關痛癢o既o野…但我都唔想o架!)! 跟住第2輯應該係2000年year3 o個時播, 我o地仲話好首尾呼應, 一入大學播第1輯, 到差唔多大學畢業就播第2輯! 但係估唔到今次一等就等o左5年…奇就奇在d人個個個樣都仲係差唔多, keep得幾好喎!

上個禮拜六睇到“妙手仁心3”o既製作特輯…好期待, 畢竟我都係鍾意睇d講有關professionals o既戲…同埋睇o左兩輯都有感情o既! 而且好似有講番2003年影響整個香港o既sars, 都幾有趣! 仲有因為有我的“偶像”-邵美琪, 同埋我幾buy o既廖碧兒…佢o既陽光笑容的確係令人見到都幾咁高興, 好可愛…所以話, “笑一笑世界更美妙…iu”! 仲好似有一段感情線又係陳豪配廖碧兒…我覺得佢o地真係幾襯, 同埋兩個我都幾鍾意!

仲有, 吳美珩做d professional o既角色絕對適合過佢做d好似“開心賓館”o既癲dug角色好多…雖然次次都係要做專業人士, 但係如果為o左擴闊戲路而做一d唔適合o既角色, 咁不如“故步自封”吧啦…情況就好似陳慧珊一樣…佢個style太pro喇…只係可以做律師/醫生等pro o既角色!

o個個製作特輯由廖碧兒主持, 佢d中文真係進步o左好多, 不過要做主持好認真咁講中文仍然係有d怪! 仲有監製戚其義個look都勁騎呢…好不修篇幅, 著鞋唔著襪, 仲要鬍鬚lug dug…我直頭覺得有d樣衰! 同埋監製“壹號皇庭”/“妙手”呢d關於中產專業人士o既戲, 始終都係鄧特希拿手d!

我覺得鄧特希一手創造o既兩個“(律師/醫生)專業”神話 (“壹號皇庭”/“妙手仁心”), 其中一大特色係隻主題曲係齋音樂, 無人唱…咁樣反而型好多…佢o係營造呢d“high-ca”格調又真係有一手o既!

我最唔鍾意就係今次為o左令劇情更加“緊湊”, 搞到個個醫生自己都要有病, 又cancer, 又情緒病, 又死人…唔係咁好囉!

仲有, 我唔明點解次次邵美琪都要被安排搞姊弟戀, 唔係吳奇隆就曹永廉…兩個除o左年紀細之外, 個樣都好細! 係咪因為佢同鄭伊健o既戀情太過深入民心, 所以餐餐都要佢搞姊弟戀…一唔係就要做d只係細佢10多年o既吳唱k/佘詩曼/郭羨妮o既呀媽…咁倒不如搵番佢當年o既“黃金搭檔”溫兆倫, o係10幾年後同佢再次配成一對啦! (sorry, 係…又係溫兆倫+邵美琪…好明顯我仍然係太obsessed with “我本善良”o既齊浩男+石伊明!)

曹永廉個角色感覺依然好廢…而不得不承認, 邵美琪個樣真係老過佢好多 (雖然以佢呢個年紀, 都算keep得ok o既)!

7-30(sat) 葉璇專欄

2005-07-30T02:51:00.000+08:00

(續前篇)

尋日篇“葉璇@有線娛樂新聞台”出o左之後, 居然收到讀者朋友o既回應…原來除o左我之外, 其實香港都仲有人係buy葉璇o既, 仲話好同意我所講o既o野…oh, I’m not alone!!! 真係“英雄所見略同”喇! 其實我都有好幾個朋友同我一樣幾欣賞葉璇…未必係欣賞佢個人, 但至少欣賞佢o既頭腦同埋才藝…咁當然, 同o係內地欣賞佢o既朋友人數完全無得比!

上期仲講開原來葉璇有o係內地一份報紙寫專欄, 一個禮拜一篇…都幾好睇喎, 文筆亦都唔錯 (至少o係藝人o既standard o黎講)!

總共有成十幾篇, 好似仲未連載完…特別挑選o左一篇我覺得比較有意思o既post o黎呢度 (尤其欣賞佢最尾o個段…幾有sense), 其他o既文章如果大家有興趣, 可以自己click入條link度睇…

(葉璇專欄@南方聲屏報)

[15/5]何處是家(下)

我直到很後來從朋友的口中才意識到十三歲的女孩兒一個人在美國紐約住是件不大容易的事。你首先要自己做飯吃，要到菜市場買菜和砍價，而且要自己洗衣服，交水電煤氣費；要不斷地打掃不斷被弄亂了的屋子，安裝壞了的燈泡；要因?房東逼遷或隔牆有賊等種種原因不停地搬家；然後還有數不清的無盡安寧的夜......你甚至可能會變得太習慣而享受獨處，從而即便是身處人群之中也感受不到別人的存在。

所以在十九歲的時候來到香港無線電視臺這個“家”?以後，會有一刻的不知所措，因?愕然發覺怎?周圍到處都是人，而且每個人都在關注你，指正你，愛護你，抨擊你。實在地受寵若驚......這樣極端地環境逆轉會令有些人無所適從，但也會令我這樣的人受益匪淺。雖然在剛開始的時還辨不清戲?戲外的真?，但每天有戲?的父母對你噓寒問暖，有戲?的朋友?你兩肋插刀，還有戲?的戀人與你生死與共，這樣的日日夜夜就好像給你一片空白的情感人生忽然間添加上最繽紛的樂章，令你沈醉其間難以自拔，叫我怎?不愛上這個“家”。

就像過往的年月?一樣，無論是溫馨的還是孤清的家，都只是旅程?的一個段落，要歸於記憶的，而記憶又總歸是美好的。七月?要離開“無線”這個家，儘管是一年前就安排好了的，但仿佛也是注定了的，不是人力可?而去鋪排的。到時候又會有新的“家”和家人，又會是另一番新氣象了。

這些年?這許多個“家”的舊去新來會令人學會了不執著於某一件事或某一個人。每當你放不下一件事或一個人的時候，只要想想這個人不過湊巧是這個人罷了，這件事不過湊巧是這件事罷了，往後還會有很多個這樣的“湊巧”的，這樣想就會放下和自在了。事無大事不必犯傻，何處是家？處處是家。

7-29(fri) 葉璇@有線娛樂新聞台

2005-07-29T02:50:00.000+08:00

上個禮拜睇有線娛樂新聞台o既“再睇星期五”, 又有驚喜! 事關居然無啦啦見到葉璇…係呀, 我承認我係幾欣賞佢o架…雖然香港大部份人都唔buy佢, 但我真係幾欣賞佢o既talent同埋頭腦…o係新一代女藝人之中, 佢係算有學問同埋有腦o架喎…仲有佢o既語言天份, 同埋最掂o既係佢一路都好清楚自己想要d咩, 好識表現自已同埋爭取佢想要o既o野…姑勿論你話佢cheap又好咩都好啦, 至少佢咁年輕就目標清晰, 仲比同年紀o既人成熟好多…!

真係估唔到會o係有線見到佢, 原來話咁快已經7月, 佢亦已經約滿o左無線! 其實即使o係無線o既年代, 我都好似無咩睇過佢o既訪問…反而今次無啦啦居然睇到吳君如同森美訪問佢…幾新鮮o下! 本來o個日一開電視, 發現miss o左半part…好彩有線o既“重播重播再重播”特色, o係呢d時候就大派用場…miss o左又可以再睇番…我直頭坐定定望住個電視, 因為成日節目充滿笑位!

整個節目都幾精彩o下, 事關極度好笑…吳君如同森美係有一手o既…有d說話如果出自第二個人把口, 大家可能會覺得寸, 但如果由吳君如講, 又好似無傷大雅喎! 好似佢問葉璇當年剛由大陸去美國, 有無唔記得慣o左?o左o係街度, 或者著o左d三個骨絲襪…確實十分抵死…仲幾賤o下…但由吳君如呢d咁o既人把口講出o黎, 只係會覺得好好笑而唔覺得太刻薄…! 成個節目充滿住笑位…笑爆咀! 仲有, 佢一開始就話: “呀…姓葉o個d…葉子楣呀, 葉玉卿呀, 個個都係好大 (仲要做埋動作)…係好大把頭髮”…真係活生生的把我笑死!

同埋佢o地以為葉璇講話自己拍過部“雲海慾公寓”…其實佢係想講“雲海玉弓緣”…又係一大笑位!

呢期o係網上面都有睇到好多關於葉璇o既資料, 再睇埋呢個節目, 發覺呢個小妹妹o既一生真係幾傳奇! 13歲開始就自己同自己住…我諗真係佢o既經歷令到佢咁成熟同埋咁進取…因為由細到大都要靠自己, 所以好知道自己下一步要做咩! 跟住19歲未到就返o左香港參加華裔小姐, 仲得到冠軍…係有佢o既優勝之處o既!

最唔明就係點解佢當年會同陳浩民拍拖, 完全唔似佢鍾意o個隻style…佢同林峰就話襯o者, 起碼成長背景, 學歷同埋條件都配合好多…兩個都係大陸出生, 家境富有, 又係去過外國留學, 又係讀o左一年大學未畢業就返o左o黎香港, 跟住一入tvb又係做tvb8主持…而且佢兩個都係國語人, 背景真係非常相似…不過太相似o既人又真係未必會一齊o既! 依家葉璇離開o左tvb, 無得再睇佢兩個合作lu!

仲有, 原來葉璇早前做o左個“周璇傳”o既舞台劇…我完全唔知…miss o左添! 太可惜喇!

睇網上亦睇到一d葉璇親自寫o既專欄…文筆都唔錯喎…下期再講!

7-28(thurs) 香港先生選舉

2005-07-28T02:48:00.000+08:00

唔知大家前幾日有無睇o個個“香港先生”選舉呢? 勁騎呢, 勁好笑…見到d男人o係到騷手弄姿, 真係笑爆咀! 佢o地都有今日, 睇o左女人選美咁耐, 終於都到d男人俾人評頭品足! 唔知點解, 女人出o黎選美擺pose, 又唔覺得太核突, 但一換轉係男人o係度騷手弄姿…就覺得毛管都棟埋 (定係因為大家睇唔慣呢?)…所以話, 呢個世界係點會無性別歧視呀?!

完全唔明點解有d男人會肯去參加d咁o既活動? 想出名都唔好做埋d咁o既o野呀…真係會俾人笑到面黃o架嘛! 你睇o下, 去睇o個個“選美活動”o既嘉賓, 個個都嘴角帶笑o既, 係一種好鄙視o既笑容! 最?膽係d男士仲以為自己好迷人, 奉送d懶迷人o既笑容+眼神俾大家…又係dup低頭對眼再sau番上o黎o個隻…女人咁做已經好想死, 男人咁做…更想死!

仲要見到佢o地o既水著look, 大家都“嘩”聲四起…睇得d人好開心…極富娛樂性! 不過點都唔夠98年亞視第一次舉辦o既“香港男士”選舉咁頂癮…論抵死, 低俗, 惹笑, 騎呢程度…今次無線搞o既“香港先生”選舉拍馬都追唔上! 唔知大家當年有無睇過? 真係200個?膽, 每一個環節都笑死你…搞呢d騎呢show, 始終都係亞視更勝一籌!

今日無意中聽到“我的野蠻奶奶”隻主題曲, 又係由d主角唱番…呢一年開始真係隻隻主題曲都俾晒d藝員唱, 歌星完全無得撈! 嘩, o個隻咁o既主題曲…rap一輪歌詞…感覺有d似“點解阿sir係隻鬼”o既主題曲… “聖法蘭…亞根遜…馬可孛羅得勝會…亞洲至善堂…司馬昭昭博士夫人第一紀念中學…" 不過仍然o係o個句: “點解阿sir係隻鬼”隻歌經典好多!

仲有, 原來下個禮拜就會播“yummy yummy”…有我“最”喜歡o既林峰同埋楊怡 (唔知呢排點解成日俾人話我o既favourite係林峰…我係幾buy佢o既, 但又未至於favourite…可能係我呢期o係呢度推介得佢太多…但我仍會繼續推介)…所以我都幾有興趣睇! Oh! 又開始有好多戲要追喇…I’m so busy!

(p.s. 有個疑問: 成日睇楊(卓)娜做節目, 都發覺佢d口音怪怪o地咁…究竟佢係咪內地落o黎o既呢? 但點解佢個妹楊怡又無呢d口音呢?! 係咪佢o地分開住o既呢? 點解人人話發覺佢o地都有d似樣, 而我又一d都唔覺呢? 好多疑問…完全係一個謎!!!!!!!!! 仲有, 有日睇章子怡講英文…真係進步o左好多喎!)

7-27(wed) 2005書展之忽發奇想

2005-07-27T02:46:00.000+08:00

一年一度o既書展又o黎喇…須知道我係一個完全無文化o既人, 由細到大咩書都唔會睇 (被逼睇o既教科書除外啦…但我都係只會“larp”o下)…只係會買“香港電視” (即依家o既tvb週刊) 同埋睇報紙o既娛樂版…去書展只係我消磨時間o既一個活動, 並唔係為o左去買書, 所以去唔到都唔係一個損失!

點知今年又陰差陽錯地唔洗排隊就去到喎…世事永遠都係“有心栽花花不開, 無心插柳柳成蔭”o架啦…仲有免費飛添…終於就係咁消磨o左一個晚上!

原來書展只係1990年先開始, 我仲以為好耐以前已經有添…以我呢d咁唔睇書o既人, 都o係“無心插柳”之下去o左12 out of 16屆 (中間可能有一兩年無去都唔定o既…)…真係一個奇蹟! 不過其實當年書展真係幾多o野睇o架, 有好多明星o既簽名會, 又有cd/雜誌大平賣! 記得當年我都無啦啦o係華星攤位附近撞到我當年仲好喜愛o既sammi…仲有“明週”o既攤位, 同埋以前有一本雜誌叫“100分”o既攤位 (薄chit chit, 內容無無聊聊…但我又好鍾意睇喎! 係咪意味著我個人極其無聊呢?!) , 都有好多o野睇同埋好多精彩o既平雜誌拾…都幾唔錯o架!

今年書展睇到好多“特別”o既書籍, 當中包括好多o既“日記”結集成書…台灣o既“交換日記”已經興o左好多年, 仲已經出到第唔知6定7本…原來呢d日記形式o既書籍真係有佢o既market…d人成日叫我將我呢個日記結集出書…但我絕對懷疑除o左我o既朋友因為“友情搭夠”而會掏腰包買呢本“芒姐日記”之外, 仲有咩人會肯拎錢出拿買??? 你話好似o個個梁詠琪同埋楊采妮咁, 無啦啦又學人出本“交換日記”o黎呃錢咩? 我larp過o下…內容空泛之餘仲要係double-line spacing+電腦打出o黎, 只係個人名係親手寫…會唔會行貨o左d呀? 直頭都唔知係咪佢o地自已寫o既…係一本毫無誠意之作! 好失望!

另一本係個friend特登推介俾我睇o既書, 佢話俾個封面吸引o左, 同埋話一定o岩我睇…呢本o野係一個台灣人出o既, 叫做

“尋找港劇達人”
(佢o地話“達人”o係日文係朋友咁解…連本書個名都好台灣style囉, 又中文又日文咁…令我諗起佢o地o既前總統李登輝…)…大家可以click入以上o既link睇o下本書o既簡介…個作者仲話做過唔知咩電台/電視台記者/編輯…等我仲懷住極期待o既心情去翻閱呢本書…點知…大家不妨自己去書局揭o下睇o下我o既comment中唔中肯啦…!

我的comment: 直頭一大失望囉…我想用嚴重呃錢o黎形容! 全本書都係東抄西抄…當然, 天下文章都係一大抄, 但你抄都抄得有技巧d, 再自已重新整理o下, 加入自己o既意見呀…! 內容雜亂無章, 係就係好“包羅萬有”呀, 又有介紹多年來o既香港電視劇, 又介紹n咁多個藝人, 仲有d多年來港劇全紀錄, 節目表, 人物關係表 (即係好似上次我post o個個“創世紀”圖表一樣), 多年來藝員訓練班一覽表, 仲無啦啦整d “跟著港劇遊香港” , “實用的廣東話教學”…好似“大雜會”咁, 立立雜雜咩都有d!

但最大問題係o個d三十年來無線節目表同埋藝員訓練班一覽表, 全部我都o係網上睇過, 仲要係一年前o既事…你係周圍copy人o地d o野都整理o下好o卦?! 同埋你依家係出書, 唔係求其o係自己個blog度寫d o野, 仲要一本賣成港幣83蚊…會唔會呃錢o左d?! 早知咁好賺, 我都寫番本啦…對唔住, 我係好唔知醜o架喇, o係呢方面我唔會謙虛…我覺得寫呢方面o既o野, 我絕對有資格同knowledge過佢囉…同埋至少我會認真d, check清楚d資料同埋整理得統一d先出書…事關我就咁larp都發覺好多資料都係錯o既, 仲要d藝人o既介紹, 有一d就有profile, 有一d又無…好明顯係佢o係網上搵到d咩就照copy落去, 好求其囉!

睇本咁o既o野睇到我把幾火…又或者係我妒忌人有書出囉…唔得! 我要訂下目標…o係下年書展時要出到本俾佢更精彩更詳盡o既“港劇迷”書…發夢都無咁早呀嘛…我知啦!!!!!

最衰香港真係無呢個market…同我一樣年紀o既香港人, 大部份都唔再鍾意睇港劇, 反而迷上節奏更慢, 似番廿年前港劇o既日/韓劇…又或者正正係因為似廿年前 (即80年代) o既港劇…咁先吸引人啦 (因為我都係最迷80年代o既港劇)! 相反, o係內地/台灣/東南亞/海外o既華人, 仍然好熱愛港劇, 程度比起廿年前o既香港人更甚…我覺得如果我出本咁o既書o係海外發行…係會有market囉…哈哈!

各位朋友, 唔講喇…我繼續去發夢喇!

7-26(tues) 翁美玲之死

2005-07-26T02:45:00.000+08:00

(續前篇)

呢篇文章係寫“八十年代的美麗傳說-TVB當家花旦”時做資料搜集搵到o既…都幾詳盡o下! 講晒翁美玲自殺o既前因後果…我覺得其實好多o野都只係陰差陽錯, 但卻釀成一個無法改變, 影響全香港人o既悲劇!

我諗翁美玲本來唔係真係想死, 只係同湯鎮業哎交, 一時意氣想激o下佢o者…點知咁就賠上o左寶貴o既生命! 而湯鎮業其實亦都唔係大家一路以o黎諗到咁“十惡不赦”, 我相信佢同吳君如可能真係無o野…同埋站o係佢o既立場, 又點會諗到哎o下交個女朋友真係走去自殺…令佢由當紅小生變成千古罪人呀?! 仲要係“累”死o左“萬人迷”翁美玲…無論呢件事係咪佢做錯, 大家一定會怪佢一世! 不過正如我o係上一篇所講, 就算佢做錯d咩, 廿年來佢咩都受夠啦! 翁美玲亦都唔會想見到咁o既結果!

睇完呢篇文章之後, 心頭有一陣冷冷的感覺…唔知點解?!

翁美玲與湯鎮業相識並戀愛。“賈寶玉”似的英俊小生湯鎮業，人見人愛，有很多姑娘找他玩。但自與翁美玲戀愛，一心一意愛著美玲，把其他的女孩子都看得很淡，他很珍惜這份愛。然而，翁美玲感情起伏不定，忽冷忽熱，愛猜忌，越是中意的事，她越是故意表現得不在乎。她的這種性格，令他們的愛情埋下了不幸的種子。

有一次，翁美玲曾對湯鎮業說：“人家都說我濫交，實際上我並不如此，我不喜歡同女孩子來往，不過是嫌女人太小氣。難道女人就不能和男人有真正的友誼？我覺得在這個世界上做人好沒意思。” 她活得實在太難，太累，何況她與湯鎮業爭吵太多，感情上距離越來越遠，這時，一起共事的鄒世龍開始接近翁美玲。她正需要有人作伴，又有意讓湯鎮業吃醋，便熱情對待鄒的到來。鄒世龍頻繁看望翁美玲，疏遠了女友梅豔芳。

湯鎮業嘗夠了翁美玲反復無常的苦頭，被弄得煩躁不安卻又毫無辦法。在翁美玲的生日聚會，兩人相見竟如陌路之人。 ?排遣朋友的鬱悶，苗僑偉邀湯鎮業到淺水灣游泳，同行的還有戚美珍和另一“無線”藝員吳君如。湯鎮業一時興起，也想讓翁美玲嘗嘗“嫉妒”的滋味，於是欣然前往。4人在水中盡情地嬉戲逐鬧，湯鎮業的煩悶頓消，他怎知這片刻的歡樂將給他帶來終身的悔恨。

翁美玲得知此事後趕到淺水灣，兩人爆發了一場激烈的爭吵，唇槍舌劍，各不相讓。這場爭吵延續到第二天仍沒緩和，情急之中，竟說出言不由衷的絕情話。翁美玲滿臉淚痕離開了湯鎮業，任憑他千呼萬喚不回頭。

1985年5月14日淩晨，鄒世龍帶著一種不祥的感覺叩擊著翁美玲的房門，他第一個發現長臥不醒的翁美玲，立即把她送去醫院。湯鎮業一早起來正準備給翁美玲打電話，有人告知：“翁美玲死了！”他拼命向翁的寓所奔去，已是人去樓空……

1985年5月18日，舉行葬禮，香港兩萬多人揮淚相送。警方出動100多名警察維持秩序，新聞界的採訪記者達300多人。湯鎮業身著黑色喪服，面容憔悴，滿臉哀思。人群一陣騷動：“打死他！打死他！”的喊聲不絕於耳。湯鎮業無動於衷，他已無淚，他手持一枝紅玫瑰，久久佇立在翁美玲的遺體前。他把花輕輕放在翁美玲的鬢髮旁，又拿出一把梳子，細細地給她梳理秀髮。然後他用力把梳子一折兩斷，一半放在美玲身邊，一半放進自己的口袋。這是當地結髮夫妻永別的禮節，他把美玲當作結髮妻子。

群星瞻仰阿翁遺容，五虎將英雄強忍淚

不少圈中人在瞻仰翁美玲最後一面時都哭不成聲，黃日華、苗僑偉掩面強忍淚水，梁朝偉與劉德華皆黯然欲哭，得湯鎮業癡癡呆呆，沒有悲痛啕哭。

最早到的一位是劉兆銘《飾射雕中的南帝；曾和阿翁搭檔演父女－生[金秀]橋王及挑戰》，劉SIR站於靈前，拆了一片花瓣，慢慢的撕成碎片，眼眶不自禁的淌出淚水，見者心酸。

當晚有不少影圈中人到靈堂前吊唁，計有：李國麟、陳齊頌、陳敏儀、陳秀珠、梅豔芳、曾華倩、景黛音、杜晶晶、黃禮維、劉天賜、張曼玉、樂易玲、譚詠麟、張國忠、羅君左、夏雨、趙雅芝、黃錦燊、陳玉蓮、劉雅麗等等。

約於九時許，張曼玉與樂易玲雙雙而至，何家聯問美姬要不要瞻仰翁美玲的遺容，張曼玉搖頭說：「免了。」反而樂易玲要求瞻仰阿翁的遺容。

翁美玲的骨灰用最名貴的德國青瓷器裝起來，運到英國安葬。 26歲，正青春美麗的翁美玲，?一段感情糾葛給自己的生命畫上了句號。悲哉！痛哉！惜哉！

7-24(sun) "八十年代的美麗傳說-TVB當家花旦"之翁美玲

2005-07-24T02:44:00.000+08:00

(又續前篇)

繼續講埋一代傳奇翁美玲先, 對於佢當年點解無端端會自殺, 多年來眾說紛紜…我細個時聽到o既version當然係佢為情自殺, 但個第三者居然係吳君如…我o個時o既反應係: 嘩嘩嘩! 唔係呀嘩?! 有翁美玲你唔要,居然揀吳君如?! 跟住亦都同其他人一樣, 鄙視o左湯鎮業差唔多廿年!

多年後家見到湯鎮業副尊容, 更加唔明點解翁美玲當年有咁多靚仔唔揀, 居然揀湯鎮業?! 須知道其實湯鎮業當年可以話係“5虎”之中最靚仔 (唔好“噓”我住…靚仔as in literally“靚”…其他o個d可能係型呀, 英偉呀, 討好呀, 咩都好啦…但係五官最精緻可能真係佢!)…當年直頭係“公認”o個隻, 個個都話佢係五虎中最靚仔, 連近期有一個四虎o既聚會, 佢o地自己都話當年最靚仔o既係…湯鎮業!!! 只係後期佢霉到咁款 [情況同蔡楓華有d相似], 個個都覺得佢唔掂, 仲要佢又無啦啦好似吹波咁款大o左十個碼…先令到大家忘記o左當年佢o既靚仔樣!

不過話雖如此, 靚仔唔等於大家會buy, 亦都唔等於會紅…因為男人唔同女人, “靚”未必太煞食…型或者man可能更討好…即係好似吳家樂當年出道成日俾人講到佢有幾咁“靚仔”…但咪又係紅唔起! 係唔知點解湯鎮業後期可以搞到自已咁…你係遭遇逆境…但都唔洗咁“pun peir” o架?! 你將依家o既佢對比番廿年前o既佢…相信無人會認得囉! 又邊有人會諗到廿年前o既“靚仔湯”, 會變成今日o既“肥佬湯”呀? 你睇劉華廿年後咪依然咁型…!

(廿年前的“靚仔湯”)

(今時今日的“肥佬湯”)

至於湯鎮業o係翁美玲死後o既經歷, 大家都應該略知一二…就算唔知, 都會估到係點啦…你累死o左全香港最紅最多人鍾意o既少男少女頭號偶像…行出街都俾人指住o黎打啦! 蔡楓華講錯一句話都可以俾人鬧足十年, 佢累死o左人, 唔俾人“tur”罵足廿年?! 不過我自從睇多o左關於翁美玲自殺前因後果o既文章之後…反而我d同情湯鎮業囉…就算佢做錯d咩, 廿年來o既dramatic遭遇, 佢都受夠啦?! 由當紅小生變到咩都無, 仲要一生活o係翁美玲自殺o既陰影下, 仲要時至今日都仲俾翁迷鬧緊…可謂比死更難受!

仲要係成件事o既結果, 我諗無人會諗到係咁…包括幾位當事人! 純粹係年青男女哎o下交, 一時賭氣之舉! 邊有人會諗到搞成咁呀? 其實我幾同情湯鎮業, 某程度上, 佢亦都係呢件不幸事情o既受害者…你估你女朋友無啦啦死o左, 仲要係為情自殺, 你會唔傷心咩? 仲要日日俾人指住o黎鬧你係殺人兇手, 廿年o黎活o係呢個陰影下, 仲要咩事業前途都無晒…我相信, 翁美玲都唔想見到咁o既結果!

下期預告: o係網上睇到o既一篇關於“翁美玲之死”o既詳盡報導

(下期續)

(我最喜愛的翁劇: “生[金秀]橋王”劇照)

7-23(sat) "八十年代的美麗傳說-TVB當家花旦"之"你是八十年代"

2005-07-23T02:43:00.000+08:00

(再續前篇)

其實由細到大都知道翁美玲有幾紅, 但因為佢走紅時我年紀仲細…雖則我幾歲就開始撈電視汁, 但始終唔可以叫做切切實實咁感受到佢當時o既光輝! 好多同我同年紀o既人, 仲居然話係有聽過翁美玲o既, 但係都唔係好知佢做過d咩戲?! 我真係估唔到翁美玲咁legendary大家居然會唔識…真係啞晒! 就算佢d戲首播時你無睇過, 重播點都有睇過o下o卦? “天師執位”, “射鵰英雄傳”, “生[金秀]橋王”呢d咁經典o既戲, 唔係一次都無睇過呀?

(天師執位)

我成日都話最衰生遲o左幾年, 如果唔係我就可以切切實實咁經歷娛樂事業最蓬勃+最光輝o既八十年代! 我雖然最愛80年代, 亦都claim自已係80年代o既人…但其實我真正係成長於90年代…o徙晒! 所以當我好欣賞o既歌手何韻詩整o左成隻碟去“salute to 80年代”o既時候, 我真係覺得好正!

唔係睇番d資料都唔知原來翁美玲只係o係娛樂圈短暫咁停留o左3年, 拍過9套戲…因為o係我印象中, 佢有好多經典劇集, 同埋紅o既程度係依家無一個花旦可以媲美! 我最最最深刻o既事件相信係佢死o個日…雖然我當時只得5歲, 但因為我當時晚晚會打電話俾同一個表姐傾偈 (此舉“騎呢”到爆)…呢個表姐當時初中, 正值勁睇電視劇o既年紀, 亦都勁喜愛翁美玲 (基本上當時全香港o既少男少女都極迷佢)…我好好好記得佢當晚睇完新聞係傷心到唔肯聽我電話 (我相信我當時可能亦因此而很傷心…哈! 但已無咩印象…只係因為呢件事而對翁美玲之死好深刻)!

到我逐漸長大o既時候, 就開始不斷咁睇番翁美玲d戲, 事關“生[金秀]橋王”同“天師執位”等劇至少兩年重播一次…所以我真係睇o左無數次! 最推薦o既係“新[金秀]橋王”…翁美玲一人分飾兩角, 真係各有特色喎, 同埋個千金小姐扮相真係靚到暈, 仲有佢同苗僑偉雖然高度差成呎咁滯, 但真係好鬼襯!

(生[金秀]橋王)

我對於我witness唔到呢位80年代電視圈傳奇人物o既誕生同埋走紅經過, 感到極度可惜! 到依家佢已經逝世廿年, 但廿年?面, 電視圈都無再出過一個好似佢咁o既神話! 亦都可能因為翁美玲o係最燦爛o既時候離去, 所以大家留低o既都係最美好o既印象…同埋去得咁突然, 大家都接受唔到, 更加令所有人難以忘懷!

(下期續)

7-22(fri) “八十年代的美麗傳說-TVB當家花旦”之製作特輯

2005-07-22T02:42:00.000+08:00

(續前篇)

請按上面個banner進入: “八十年代的美麗傳說-TVB當家花旦”

今次呢篇其實係比起前幾篇更難寫, 用o左更多時間去research同埋整理, 事關呢五位花旦其實無咩“啦間”…唔似得“5虎將”咁本身已經係俾tvb group埋o左一齊, 咁就會多好多共通點同埋共同話題, 而上網搜集資料亦都會易好多!

請按上面個banner進入: “八十年代的電視傳奇－TVB五虎將”

上次搜集5虎o既資料時, 發現o左原來網上仲有好多人懷念翁美玲, 亦都有好多關於佢o既網站…所以YesAsia一叫我寫女藝員, 我第一個就諗起翁美玲! 本來諗住成篇article都係dedicate to barbara yung…因佢實在係一個傳奇…但係YesAsia又話唔想篇article淨係得翁美玲一個, 要求寫多幾個女藝員…咁我唯有夾硬link多幾位, 但其實o個幾位又同翁唔係太有“啦間”…電視台當時又無group埋幾個花旦整個“五美圖”, 於是經過一輪考慮+向唔同年代o既“電視迷”朋友作出意見搜集+上網搵資料…最後得出o左依家呢五位80年代初至中期o既當紅花旦!

其實正如我篇article所講, 80年代中後期開始又有另一班花旦好似鄧萃雯、黎美嫻、邵美琪、周海媚等紅起上o黎…所以最終都係決定寫o左翁美玲、張曼玉、劉嘉玲、曾華倩同藍潔瑛先, 到下次如果真係有機會先寫另外o個幾位! (有朋友問我幾時先會出鄧萃雯、黎美嫻、邵美琪、周海媚o個篇…呢d完全要等YesAsia o既決定, 大家如果想睇呢個topic請留言向YA反影!)

但係決定o左寫呢五位花旦之後, 更困難o既就係點去link埋呢五位其實唔太有關係o既人…好高興有o係留言o既朋友point out “The flow of this article is smooth when it transits from "Miss HK" actresses to "TVB drama training course" actresses”…事關成篇o野個flow我都真係花o左好多時間去諗, 最後諗到翁美玲同張曼玉係港姐出身, 而另外幾位就係同一屆藝訓班. 咁樣link佢o地好似感覺會連貫d!

但係諗完個flow都比上幾次要做多好多資料搜集, 事關我同呢五位80年代o既當家花旦都唔多熟! 雖然佢o地都拍過好多經典o既戲, 而佢o地d經典事蹟我亦都略知一二…但好多資料我都係check完先知…因為佢o地紅o既時候我先得o個幾歲!

搜集完d資料之後, 仲要消化晒然後揀寫邊幾套戲, 因為如果全部寫晒o既話, 下年都未寫完! 所以大家會見到可能有好多佢o地拍過o既經典電視劇都係無提到o既…最主要原因亦都俾另一位o係o個度留言o既讀者聰明地point out o左…就係“因為這些劇集目前沒有VCD上市”…哈哈哈! 事關呢個係一個sell o野o既site, 無o個樣product就當然唔會sell啦…哈! 我都覺得“劃出彩虹”好經典 (最經典可能因為有詹秉熙)…但未出vcd就唔介紹住喇!

(下期再續)

7-21(thurs) 八十年代的美麗傳說-TVB當家花旦

2005-07-21T02:41:00.000+08:00

dun...鄧...?...登!!! 各位親愛o既讀者, 我幫YesAsia寫o既第四篇tvb article又出籠喇! 請大家多多支持, 俾d意見我!

請按上面個banner進入: “八十年代的美麗傳說-TVB當家花旦”

(註: 個“5美”banner唔係我整o既, 大家讚錯人喇! 不過咁樣好呀, 無咁似我搵d“妹”去讚我! 同埋講真, 我覺得上次5虎o個條banner整得仲靚, “coherent”好多, 因為今次“5美”[sorry, 其實完全無個咁o既term, 係我作o既!]有d古裝有d時裝, 仲要係唔同年代…有d怪囉! 咁當然, 翁美玲d相就只有80年代o個d, 咁其他花旦o個d最好都搵番80年代o既相啦…咁樣會連貫d…算啦, 我都係唔好咁多comment…因為已經非常好o架喇!)

請按上面個banner進入: “八十年代的電視傳奇－TVB五虎將”

一如前幾篇, 如果係熱愛我o個仲“抵死賤格”style o既讀者朋友, 可能會無咁buy我呢d文章, 因為多數都係有讚無彈, 同埋無我個diary咁口化, 話唔似聽緊我講o野咁抵死喎! 但都係o個句…無法啦…畢竟人o地個site都係要sell d products嘛…咁就梗係咩都要hard sell d! 兩種寫作手法…當係睇兩種性格o既我囉…睇o下大家buy邊種多d (不過其實我都心中有數)?!

其實今次呢篇“八十年代的美麗傳說-TVB當家花旦” (btw, 有無發覺個標題好?膽…無錯, 係我自己諗o既[其實之前全部標題都係我自己諗o既…部份係從小時候睇“蝦仔daddy”得到靈感…好似第一篇懶押韻o既
都係以呢個方式諗出o黎…最不費吹灰之力o既係第2篇:

>
個標題, 唔知點解一諗就諗到呢個名…而且我個人認為都算幾貼切! 反而另外o個幾個標題我係brainstorm o左好耐先嘔心瀝血地作到出o黎!]…因為寫o個期確係睇緊亞視o既“美麗傳說”, 5位花旦又無一個official o既“組合名”, 唔似得5虎咁…咁靚女加埋咪“美麗傳說”囉…好順理成章呀! 同埋又可以同上一篇“八十年代的電視傳奇－TVB五虎將”個名呼應o下…好似有趣d呀嘛!

其實今次寫呢篇“八十年代的美麗傳說”係4篇之中最難o既一篇…用o左好多時間同埋心機去組織埋呢5位唔算太有“啦間”o既花旦…大家睇完篇article睇o下覺得點先啦, 我聽日再講!

(下期續)

7-20(wed) 掌門人

2005-07-20T02:11:00.000+08:00

Weekend睇到一系列o既“掌門人特輯”, 又回顧又水上show…o個個 “繼續無敵掌門人不敗之謎”節目播番十年來掌門人o既片段…哎! 咁就十年…好感慨! 我o地亦都由首播時o既F.5學生, 變到依家“各有成就”…! 雖然有d片段睇o左好多次, 因為幾乎每次做完一輯都會播一次, 尤其初期o個d更甚…不過早期o個d環節又真係好睇好多o既, 好似打pingpongball, 食壽司同埋玩“tvb個b”…好笑過依家o個d幾百倍…仲有有一集有劉華, 頭大宇, 歐陽波比, 梁榮忠, 曾華倩亦都係一大經典…當年師奶殺手大紅, 咩節目都有佢份…我亦都係佢“fans”之一, 大勇+車匙曾是我的最愛…所以呢集我都有錄起 (不過10年來都無拎番出o黎, 依家餅帶發o左霉)…十年實在過得太快…最勁就係掌門人同d掌老十年來個樣都無咩點變!

跟住睇完獎門人居然係做o個個咩處境喜劇 “窈窕熟女”…見到o個4個女人都完全無興趣…仲要有呀叻就更加唔該晒…佢做主持已經唔多掂o架啦, 依家仲要做埋戲…好可怕! 同埋處境喜劇一個禮拜做一次係唔多work o架…完全無o左個追看o既衝動! 你話放o係禮拜一至五, 都話唔覺意食食o下飯或者larp到一集咁就順便睇埋落去呀…今次呢個完全係一個bad move!

曾幾何時o係“真情”年代我係幾鍾意滕麗名(明)o架, o個日larp到“尋秦記”開頭, 先記得原來佢有份做, 仲要當年我係有d為o左睇佢先開始睇呢套戲…但係依家漸漸發覺佢唔多掂, 再加上睇得佢d負面新聞多…成日有d “暗名”o既新聞話佢態度囂張, 對人差, 馬德鐘仲話曾經俾一個女藝員白眼…講完一輪特徵應該係講緊佢! 最樣衰o既係佢當年睇唔起o既人, 今日人o地紅過佢百倍!

最騎呢o既係禮拜日晚勁歌居然有趙學而, 車婉婉同埋陳奕迅cross-over…好騎呢! 林玉露+萬貴妃+eason…仲要趙學而紅o既時候, eason先係新人…但係大家依家地位差咁遠! 佢隻“尋開心”當年真係好鬼hit o架…我好鍾意聽, 仲次次去卡拉ok都要唱…我好記得97年商台一連三日o係添馬艦搞o左個大型音樂博覽叫咩 “天馬行空音樂會”…好鬼死精彩…趙學而仲因為唱佢呢隻“尋開心”+玩手語+有d“sm”feel o既舞台演繹而o係新進歌手中突圍而出, 拿o左個唔知咩獎! 千嬅隻“2丁6”都有入圍o架! 呢個show真係幾好睇…當年餅帶我都重溫o左n次!

但係趙學而又做番歌星咩? 好耐無聽過佢唱歌, 但仍然幾有水準…好過依家d當紅歌星好多! 唔知佢可唔可以好似克勤咁做完一輪勁歌主持再拍完一輪戲, 然後鹹魚翻生呢?! 我都好期待再聽佢唱歌…佢初出道o個幾隻咩“每隔兩秒”, “反叛情歌”, “我恨我是女人”…o係10年前真係好hit o架! 當年佢直頭係第二個古巨基…兩個都係由“娛眼”主持轉型做歌星, 又係一出時都好成功, 拿晒新人獎…但又沉寂o左一排! 依家古巨基都紅番, 趙學而都係時候發力啦…唔好再?o係無線做埋d八婆角色…完全係o徙o左, 我諗佢都唔甘心!

同埋我仍然要衷心講多一次 (其實聽佢唱一次歌就要講一次)…盧巧音唱live真係好唔掂, 即使以偶像派o既standard佢都係嚴重below average…最可怕係佢居然一出道就自命實力派…點解會有d咁不可思議o既事?! 簡直係“不可思議星期二”!!!

7-16(sat) kellyjackie

2005-07-16T02:09:00.000+08:00

(續前篇)

尋日講開o個個因為作o左首“他約我去迪士尼”而大紅o既妹妹仔…上個禮拜睇完“東張西望”個訪問, 即刻好有興趣知道究竟呢個妹妹係o係邊度走出o黎…上網search o下, 原來已經有好多關於kellyjackie o既網頁…而隻歌仲已經hit o左成半年…我真係好“背”! 不過我其實唔係好明佢係點樣將隻歌發揚光大囉? 正如我之前所講, 將自己d歌放上網已經唔係新聞…就算有人聽過覺得好, 都無可能傳得咁勁o架嘛…我真係好有興趣知! 網上世界果然係可以讓人殺出一條血路…一傳十, 十傳百…真係威力無窮!

Search search o下仲發現原來呢個妹妹仔自己都有個xanga, 都有update o下, 不過主要都係sell自己作個d歌…同埋我睇佢o係“東張西望”其中一張相, 個背景好似maryknoll…後來睇佢個xanga有個link, 原來佢真係讀mcs o既, 不過我諗佢已經去o左第2間學校…同埋佢依家18歲, 無理由仲讀緊f.5…所以我諗佢可能去o左第2間學校repeat, 仲repeat o左唔只一年…等個主持o係度問佢如果讀書同唱歌兩樣會選擇邊樣, 佢仲話希望雙管齊下, 但若果真係勉強一定要佢揀一樣先揀唱歌…其實睇呢個小妹妹個樣, 都唔係特別有心向學o個隻…坦白d咪好囉! 不過o係依家o既年代…淨係讀到f.5又好似唔多夠o既!

至於呢個妹妹仔個樣, 作為網絡歌手其實都算唔錯, 尤其比起o個d咩王菀之呀, 藍奕邦呀咁…但可能咁樣先衰, 因為兩頭唔到岸…樣又唔係特別好, 歌又唔算特別出眾…尷尷尬尬都唔知sell樣好定sell歌好?! 若果“迪士尼”之後佢再無第二d歌接到力, 可能佢o既“紅”只係曇花一現…“迪士尼”開完幕之後, 佢o既神話亦會落幕?!

所以話internet係可以創造奇蹟, 令人由寂寂無名變成一舉成名, 但係要keep住個名氣就要靠自己!

仲有, 我發現kellyjackie個經理人好似當年香港一隊曇花一現o既女子組合“sisters”其中一員 (我唔知除o左我之外仲有無人識“sisters”?…佢o地係7年前, 即1998年暑假出o左一出o既組合…係由一對親姊妹組成o既! 其實佢o地唱得幾好, d歌亦都幾好聽…但好似出o左兩隻歌+雜錦碟就消失o左…我對佢o地咁有印象係因為佢o地翻唱o左溫拿隻“sha-la-la”…當時o岩o岩係溫拿25周年, 而佢o地又係“寶麗金”o既, 所以順勢整隻翻唱歌造o下勢! 而佢o地都唱得唔錯, at least d英文幾好…好怕d英文講得核突o既歌星唱英文歌…好似容祖兒“我的驕傲”o個句: “fly-“L”up high”…好un耳! 同埋佢o地有首歌叫“設計圖片”都幾好聽…當年去k都有成日唱…個mv仲係同期另一位“寶麗金”新星陳展鵬幫佢o地拍o既添! 可惜o個兩個姐姐唔多靚, 同埋當時女子組合一向唔work, 直至幾年後twins出現先打破呢個宿命…所以我真係好佩服英皇同埋mani!)…唔知有無人同我一樣記得個咁o既組合, 或者可以話俾我聽呢個經理人係咪就係sisters?面個家姐呢?!

7-15(fri) 他約我去迪士尼

2005-07-15T02:07:00.000+08:00

上個禮拜有日睇“東張西望”, 先發現原來自己幾咁孤陋寡聞…原來網上有個妹妹仔因為一隻“自作業”歌仔- “他約我去迪士尼”而大紅, 仲有機會出唱片…但係人o地隻歌hit o左成大半年, 我都唔知囉! 仲學人話係“娛樂之王”…I feel so BUI (背)!!!!

跟住我問o下d朋友知唔知道有首咁o既歌仔…原來大部份人都有聽過! 我問佢o地點解唔話俾我知…佢話諗住我應該係第一個知…噢! 太“背”!

其實一兩個月前偶然睇一個網上日記, 都好似有睇過關於呢首o係網絡勁hit歌o既o野, 但之後又無為意喇…點知事隔一陣, 隻歌已經hit到創下俾人download廿萬次o既紀錄, 仲要個妹妹仔已經簽o左經理人準備出唱片, 又個個禮拜都有商場show表演, 仲有勁多fans…聽聞香港迪士尼開幕, 都諗住搵佢同佢偶像kelly一齊唱佢隻勁hit歌“他約我去迪士尼”應一應景!

(原來“東張西望”真係有放上網, 大家可以click入“美麗童話陳曉琪”睇o下個訪問)

你話幾威呀, d巨星個個都爭崩頭想唱香港迪士尼開幕show, 呢個小妹妹kellyjackie (佢話係因為9歲開始鍾意kelly, 而自己本身叫jackie, 所以就改o左呢個網名…oh, 9歲開始鍾意kelly?…可見妹妹有幾年輕!), 就因為呢首網上hit歌一夜成名, 仲有得同佢偶像去佢o既夢想樂園度唱開幕禮大show添!

(迪士尼開幕推首本名曲網絡新星或同陳慧琳合作)

所以話, internet o既威力真係唔可以睇少, 網上面就好似另一片自由空間, 你仲可以用同現實世界唔同o既另外一個身分去闖一番新天地! 呢個18歲o既小妹妹其實只係冰山一角, 仲有好多人o係度等緊機會一舉成名!

不過又係一命二運三風水o既…當然, 最緊要都係實力…如果唔係, 俾你紅o左都唔會紅得好耐! 其實多年來都有人錄o左自己唱歌o既聲帶然後放上網俾人品評…呢個妹妹仔其實唔係話唱得異常地好, 但把聲幾sweet, 同埋首歌o既旋律聽得人幾舒服, 真係好似去o左夢幻樂園咁…不過最最最緊要都係: 識食腦嘛…知道香港迪士尼就o黎開幕, 就食住條水作首童話式歌仔…又“米妮”, 又“白雪”, 又“阿拉丁” (雖然無啦啦整隻“米老鼠”有d騎呢…可能mickey o既國語名好似真係叫“米老鼠”, 但我無聽過人廣東話咁叫佢囉…好突核! 仲有, 仍埋藏著繾綣個“繾”, 唔知點解佢要唱個“牽”音, 唱番“顯”都o岩音o架! 不過是但啦, 依家唔係歌詞導賞會, 我都係收聲!)…勾起大家o既童年回憶, 同埋對公主與王子o既童話o既憧憬! 咁聰明, 咁識睇時機…抵佢發o既!

*************************************************************

他約我去迪士尼

歌手：KellyJackie | 作曲：kellyjackie @ Royals
填詞：海藍 @ Royals ／許願庭 @ Royals | 編曲：林柿 @ Royals

兜過幾個圈　看木馬旋轉　美夢似是遙遠　仍埋藏著繾綣
快樂旅途中　有沒有熱戀　看著這入場券　如同尋獲溫暖

笑問你　你話連夜候票再多的困倦　也不怨　似在平靜地說出　絲絲的愛戀

畢生也願記起　香港迪士尼　煙火璀璨夜晚定會很美
坐咖啡杯　溫馨記憶　旋轉中細味　天邊星宿也沒法比

今天心碎或痛悲　只需要記住陪伴在你身邊有米妮
始終可以幸福地　沉迷在美夢裡希冀

要是你　決定明日伴我去闖天與地　會很美　故事延續下世紀　一生都記起

不必理是與非　不需要顧忌　穿梭堡壘內陪伴我嬉戲
米老鼠　比精品店的美　輕輕靠近　都可使我快樂跳起

當　身邊掛著相機　假使到最後還未望到不准你別離
可知心裡正準備　無緣合照亦抱緊你

公主與白雪都　不需要羨慕　因可跟你在長夜裡擁抱
見阿拉丁　本想說聲坐飛氈　卻又不可媲美你待我好

星空不算是太高　假使有你在旁陪伴我一起每段路
可將一切記心內　明日共你愉快傾訴

(待續)

7-14(thurs) 芒姐十大

2005-07-14T02:05:00.000+08:00

襯住呢度衝破“金唱片銷量”, 我想o係呢度學人o地 “勁歌金曲”咁數o下榜, 回顧一下“芒姐日記” o既十大…為呢個diary兩年半o黎作出一個大結算!

至於十大點計出o黎…其實diaryland有得幫我統計邊幾頁最多人入過去, 雖然成日都唔多update, 但都叫做係一個指標:

第10位: 知音人

第9位: 學警雄心

第8位: 創世紀2之茄喱啡

第7位: 邵美琪

第6位:“永遠的偶像-part 2”

第5位: 我本善良”…結局篇

第4位: 《創世紀》熱潮

第3位: 我本善良

第2位: 八十年代的電視傳奇－TVB五虎將

第1位: 逃出crimson room攻略 (下)

*************************************************************

o岩o岩總結完“芒姐十大”…原來大部份都係關於電視劇o既entries, 尤其係“我本善良-related” o既項目…果然係好多人search呢個topic! (除o左第1位係關於早年一個好多人玩o既game…上年真係差唔多日日都有人search “crimson room”o既攻略…不過依家已經out o左lu!)

終於做完“創世紀”, 好彩我都記得睇最後一集…雖然好悶, 但總叫好頭好尾呀嘛…原來套劇有成105集! 接住落o既“尋秦記”係一套好戲, 但因為當年首播已經力追o左一次, 唔想再o徙時間追多一次…就算今次要睇, 都只係想睇林峰o個part, 古天樂同宣萱我就無興趣再睇喇! 至於朝早o既“十月初五的月光”…5年內, 連埋重播我都已經睇過兩大次, 都係費事再睇喇!

最後, o岩o岩睇到其他網頁關於“奪命真夫”o既劇情簡介, 好似話原來林保怡扮同溫兆倫同流合污, 係整個“請君入甕”局…又係呢d老土橋段…唔知係咪真o既呢?!

7-13(wed) 金唱片

2005-07-13T02:03:00.000+08:00

7-13(wed) 金唱片

幾個禮拜前呢度先過“20000人次”, 今日話咁快就衝破25000…我覺得我o既“唱片公司” (可惜暫時未有) 應該同我搞個記者招待會開香檳慶祝, 再順勢幫我成立一個歌迷會…!

(happy 25010)

好喇! 我發完癲…今次又捕捉唔到, 仲要過o左成10個萍果, 到25010先capture到…依家真係愈o黎愈難去捕捉, 我已經特登“目及”實o架啦, 點知都係跳過o左…我諗我以後都係順其自然算吧啦, 咁o岩見到先capture啦!

呢個diary由當初o既“英倫遊記”, 到依家主力報導娛樂消息, 討論新興及老餅電視劇; 由最初只係用o黎娛樂自己同埋記低d生活鎖事, 以防日後自己老人癡呆, 唔記得晒d o野, 咁都仲可以叫有d憑證呀…到依家演變成一個“公眾地方”, 每日都有好多同我唔相識o既朋友o黎睇o下, 搞到我好似有d社會責任咁, 唔好意思太亂咁發o翕風…所以我睇番我早期寫o既diary, 係比依家更好笑, d標題亦都精警好多 (又或者係因為當時更有閒情逸緻去用心寫每一篇日記?!)!

我知道呢半年o黎多o左好多同我互不相識o既朋友定期o黎睇我o既日記…可能因為大家有共同興趣, 又或者有某d地方吸引到大家…我好高興知道有咁多同我志同道合o既朋友, 更高興知道有好多對電視迷比我更瘋狂…可以搵到一班同我discuss 劇情o既朋友, 係最賞心樂事!

想做個小小o既民意調查, 唔知大家係由幾時開始同埋從咩途徑入到o黎呢度呢?! 我知道大部份都係因為search“我本善良”而入o左o黎…唔知又有無係因為其他原因呢?!

7-12(tues) “奪命真夫”結局篇之2

2005-07-12T04:04:00.000+08:00

(續前篇)

上期講開“奪命真夫”之奸人篇, 個監製都話搵人做劇中個外貌敦厚, 但實則奸到出汁o既阮文山…絕不作他人選, 唔搵溫兆倫都唔知搵邊個好!

佢話溫兆倫演奸角比做忠角好, 其實我覺得佢做亦正亦邪o既角色更加無得揮…好似“我本善良”o既齊浩男咁!

(奸人上位實錄)

不過10幾年後再睇番佢做奸角, 做呢d兩頭瞞 (今次應該係三頭添) o既角色…真係有d “義不容情”丁有康o既影子! 其實o係呢套戲上之前, 曾經o係報紙睇到一段關於此劇o既介紹, 都幾抵死同埋到肉o下:

“下周無線推出新劇“奪命真夫”, 終於見唔到吳卓羲, 馬國明(芒按: sorry, 都見到…咁點算?), 陳豪同胡杏兒, 好睇唔好睇, 都值得開香檳慶祝. 奪”屬於奇情懸疑劇, 在近排多齣無無聊聊白癡劇中, 實屬有深度的高智慧型, 好o岩大家動動腦筋…

女主角蘇玉華, 飾演被溫兆倫逼害的苦命女人, 演藝學院出生的她, 戲好得無話可說, 只是有時略嫌有欠自然, 久未有新劇出街, 連宣傳活動都要拋胸上陣, 只好歎句世風日下…

男主角溫兆倫, 最出名是他的觀眾緣, 連累搭上他的女人如郭羨妮者, 都如同諸九族, 人氣江河日下, 近排大聲疾呼已飛甩“發瘟”, 星運才叫重見起色, 能不叫人驚歎“發瘟”的魔力嗎?

不過今次新劇做一個大奸角, 觀眾大可將滿腔怨憤, 全程代入, 恨之入骨…”

講真, 雖然佢講到我 “15年前的偶像”人見人憎…但某程度上佢都係講緊真話, 同埋幾中肯o下!

其實自“陳梅馨事件” (即係佢同人分手就人追番d拍拖費, 仲搵法庭出禁制令禁止女方出國讀書…跟住再將件事搬上電視o係度拗一餐…其實我真係戥佢好醜…分手都唔洗分得咁核突o架嘛! 無論誰是誰非, 做男人o既都唔好做到咁小家呀!), 同埋傳聞佢向佢老婆追番“青春損失費” (呢件事我都係半年前因為“我本善良”上網search佢d o野先知道…唔係好知究竟係咪真係有d咁o既事?! 咁o既索償真係聞所未聞…同埋用咩指標去衡量個損失呢? 個女人損失o既青春難道比佢少?!)…佢o既形象真係直插谷底, 一缺不振…就算之後做咩都洗唔到底…於是唯有o係香港消聲匿跡o左好幾年, 都2002年o既“流金歲月”先正式走番出o黎…但已經中年發福o左好多! 不過男人總kum老過女人o既!

所以我都覺得今次個奸角簡直開正佢o個瓣, 同埋佢o係大部份香港觀眾心目中…根本就係一個奸人!

睇完佢o係呢套戲o既表現…仍然保持一貫水準, 根本演奸角就係佢最擅長o既一環…不過比起 “我本善良”o既齊浩男, 真係老o左同埋發o左d福…畢竟都人到中年啦, 世上又有幾多個劉華呢?

同埋, 我仍然覺得陳鍵鋒真係有d溫兆倫o既影子, 不過我相信佢做奸角就仲未夠火喉! 仲有, 朱翁d戲好屎呀…佢都係做番婦女節目或者旅遊節目比較自然!

最後, 呢一part其實應該留番去“k-100自由講”o個度講, 係要投訴無線資料搜集做得唔夠準確…醫生話俾我o地知原來“蠶豆症”通常只會o係男孩子度發現 (因為o個d “xy chromosomes”o既問題…但可惜我對上一次讀bio已經係10年前f.5 o既時候, 所以都唔多記得喇!), 而且係由媽媽傳俾仔…o係呢套戲度就剛巧調轉晒…或者佢為o左要講林保怡發現個女唔係佢然後俾曾偉權逐步搶晒佢d o野…但係畢竟電視都係灌輸知識o既一個好重要途徑…教壞晒d觀眾 (包括我本人) 咁就唔好啦!

7-11(mon) “奪命真夫”結局篇之1

2005-07-11T04:06:00.000+08:00

估唔到咁快就到o左“奪命真夫”結局篇, 好似下個禮拜就有新戲上…咁套戲咪仲少過20集?!

一路都有打算寫多幾篇關於“奪命真夫”o既o野, 但係因為呢幾個禮拜有好多o野要寫, 版位有限…點知拖拖o下人o地大結局埋添!

“奪命真夫”睇到呢度, 其實大部份疑團已經解開, 其實我覺得佢唔需要咁快就講晒溫兆倫殺佢孖生兄弟o既經過, 亦唔洗咁快解開有“兩個溫兆倫”o既疑團呀! 雖然我一早睇o左劇情簡介, 所以都已經略知一二, 但佢咁快拍晒出o黎就未免唔夠緊張啦嘛!

不過整體o黎講劇情都幾吸引, 雖然都係舊酒新瓶, 但劇情尚算緊湊, 同埋d演員真係演得幾好! 蘇玉華做戲就不嬲都有番咁上下, 林保怡同伍詠薇都ok o既…但係伍姑娘個角色實在太唔討好, 水性陽花得o黎唔知想點! 同埋比起5年前做“無業樓民”時老o左好多…o個時成熟得o黎又幾靚, 依家就有d皺囉! 最騎呢係居然曾偉權有得升格做“主角的情敵”…我直頭戥佢覺得威! 不過佢都做得幾好, 又係好克人憎! 劇中o既伍姑娘揀佢唔揀林保怡…實在太匪夷所思! 不過是但啦…反正佢o地都唔算太主線! 但好似話林保怡會因為逼曾偉權逼到埋牆而最後選擇同溫兆倫同流合污…咁都幾特別o既!

而溫兆倫做奸人, 可謂駕輕就熟…都真係奸得幾克人憎o下, 令人諗起“義不容情”o既丁有康, 同埋 “今生無悔”o既高天俊! 表面上扮晒正人君子, 實際奸到入骨…呢d o野佢最擅長啦!

原來呢套劇o既監製, 都係咁覺得:

「很久沒有看到溫兆倫的演出，我認為他演奸角比做忠的好，簡直一絕。誰會想到一個外貌敦厚，會是一名壞蛋，而且奸到入心，劇中阮文山我都不作他人選。還有阿蘇（蘇玉華暱稱），殷婷有多段的心路歷程，坐冤獄、對人生沒希望、對丈夫反噬，每個位都掌握得非常準確，好戲。」監製莊偉建說。

其次，《奪命真夫》劇情緊湊，要加強氣氛，特意找黃尚偉負責配音部份。再結合故事性強的劇本，認真的拍攝，蘇玉華、林保怡、溫兆倫、郭鋒、韓瑪利、伍詠薇、曾偉權等實力演員，《奪命真夫》在海外市場大收旺場，且看它在香港再闖高峰。

(嘩! Tvb網頁仲有個“奸人上位實錄”添…幾精彩喎呢張係“義不容情”?面o既溫兆倫同埋邵美琪!)

(待續)

7-10(sun) 超級經理人mani

2005-07-10T04:09:00.000+08:00

呢幾日仍然係主力睇英國大爆炸o既新聞…收到仲o係英國朋友o既email, 話俾我聽一向超熱鬧o既leicester square, covent garden等地方都一片死寂, 仲要7月o既天氣仲凍凍o地…感覺好悲涼!

跟住睇娛樂新聞訪問徐子淇小姐, 佢都話其實成日經過o個d爆炸地點, 因為佢又係讀ucl+lse, 呢兩間學校都係近russel square o個頭! 佢話其實一路都盡量避免搭地鐵, 因為地鐵好舊, 同埋其實恐怖襲擊都講o左好多年…如果一旦o係地鐵發生, 走都走唔到! 我都係咁話, 倫敦o既地鐵又臭又慢又汙糟又成日有故障…最慘仲要勁貴喎…所以我一路都避免乘搭!

頭先搭車聽到隻歌…怪怪地咁, 不過都幾得意, 尚可接受…仲令我諗起當年pp gals首“dj boys”…後尾聽個dj講完來係新組合krusty (即boyz o既stephen個家姐張詠恩同另外個姐姐仔活己嵐組成o既組合…但佢o地唔係英皇o既, 好似係簽o左juno呀哥間公司…同一眾“另類”歌手如juno, 吳日言+bliss做同事) o既新歌…但唔記得o左個歌名…唔知大家有無聽過呢?!

前日睇 “再睇星期五”, 居然訪問mani…佢o地訪問o既人真係愈見騎呢…但又幾有新意! 絕對好過玩o個d無聊+out到爆o既整古電話好多!

講真, mani真係幾好樣, 仲幾有星味, 幾有格…我敢講: 佢靚過曬佢旗下所有藝人! 唔怪得知容祖兒曾經話有一次同經理人一齊見d唔知咩人, 一路都無人相信原來佢先係個歌星, 而mani係佢經理人…因為實在太難以置信!

同埋我覺得mani個樣真係有d似王菲, 佢齋坐o係度唔講o野都幾有型, 唔怪得知話佢之前好似做過model…完全可以吸引到我由本來行緊去沖涼, 變o左目不轉睛咁坐o左o係度望住個電視! 不過佢一開口就失o左d分, 事關佢有d黐?筋…但程度尚可接受! 同埋佢俾人個感覺幾醒…醒過曬佢d仔仔女女, 而講o野都有d抵死o下! 不過佢係掂o既, 如果唔係都無理由可以捧邊個紅邊個啦! 正如我之前所講, 佢o地每年o既宣傳招數真係排山倒海, 無論幾平平無奇o既妹妹仔, 去到佢o地手都可以捧成天皇巨星 (我覺得容祖兒以咁o既尊容都可以紅成咁, 已經係最成功例子…雖則佢係唱得好, 但唱得好又好樣過佢o既大有人在…所以mani係掂o既! 其實俾著我係羊生…我會寧願揀mani好過d妹妹仔!)

我覺得英皇有今日o既成績, 一半功勞都應該歸於mani!

7-9(sat) 邵美琪2

2005-07-09T04:11:00.000+08:00

好喇! 今日又繼續講番邵美琪先: 之前睇o左一篇關於邵美琪o既訪問, 都幾有趣o下, 所以o係呢度同大家分享!

其實早前因為要寫ya篇新稿, 都做o左好多research, 睇o左好多篇關於“八十年代tvb花旦”o既文章…其實邵美琪都算係80年代o既當家花旦, 不過佢算係中後期囉…同佢一齊出道o既有佢兩個同屆藝訓班好姊妹鄧萃雯同黎美嫻, 依家鄧萃雯就因為一套“金枝慾孽”已再度人氣急升, 黎美嫻就嫁個有錢人…始終都係邵美琪最坎坷!

八十年代中期, 又係佢o地兩個開始得好過佢, “倚天屠龍記”分別由佢兩個做主角趙敏同周芷若, 邵美琪只係做小昭; 但其實到o左90年代, 三個之中最紅o既反而係邵美琪…1990年佢差不多隔一個月就有一套戲上…仲?埋o個年o既“最受歡迎女藝員第一位”, 都唔係o野少! (同埋我呢排行過vcd舖, 見到佢同鄧萃雯廿年前有份做o既“開心女鬼”出o左vcd, 我都幾有興趣睇o下呢套戲!)

(兩位當時真係青春無敵…)

節錄o左一篇關於邵美琪o既文章?面我覺得比較好睇o既章節:

藝訓班的同班同學有鄧萃雯、黎美嫻，她們三人成了好友。初入行時，邵美琪被稱為「縮水甄妮」。雖然樣子像混血兒，其實她父母都是純正中國人。在無線，她的第一份工作是張學友的《輕撫你的臉》MV，只需仰起臉，被張學友伸手輕撫。

鄧萃雯一出來便擔綱拍《薛仁貴》，黎美嫻在《倚天屠龍記》中跟梁朝偉搭檔演女主角趙敏，邵美琪只能演配角「小昭」。直到《我本善良》、《男兒本色》和《今生無悔》三部重頭戲，她才終於突圍變身女主角，個人標誌是一頭短髮。「那時可以連續十天不睡，不懂得愛惜自己，只是一味工作。」

她從沒想過自己可以那麼性感，以前不注重健康，喜歡抽煙，身上積聚了很多脂肪。現在她戒了煙，體重減至108磅，腰圍24寸。陳妙瑛常煲健美健胸湯給她喝，勸她早睡早起。如果沒工作，她晚上10時便上床。

由無線到亞視，又闖過影圈，最後回到無線，邵美琪才從頭認識自己。「我不想再像以前那樣不斷工作，有時間我會去運動，或者學法文。」現在，她一個人住在清水灣，一早起床到郊外步行做運動，生活簡單而愜意。

「最近《創世紀》重播，人人都說追看，我一集也沒看過。我已經把整部劇的劇情都忘了。」忘記總有原因的，她拍《創世紀》那年是1999年，正好是和鄭伊健情變那年，相關的不快樂記憶都自動刪除了。

7-8(fri) 號外…英倫大爆炸!!!

2005-07-08T04:14:00.000+08:00

原先今日係要繼續寫埋我偶像邵美琪o既, 但因為有突發事件…我熱愛o既英倫發生驚天大爆炸…所以要好似d電視台咁, 作出相應o既“節目調動”!

其實當初點解會開始鍾意睇邵美琪, 就係因為半年前重播o既“我本善良”, 而點解“我本善良”重播o左咁多次我都唔睇 (呢樣我好似已經詳細地解釋過), 但今次無啦啦又會開始睇, 就係因為有朋友話俾我聽“我本善良”有好多倫敦實景拍攝, 所以特登錄o黎睇o下, 以懷勉“我在英倫的日子”…點知後尾就愛上o左呢套劇, 掛住睇劇情幾乎忘記o左睇英倫o既景色!

其實尋日下午已經收到朋友send俾我關於英倫地鐵大爆炸o既email, 但唔知道係咁大鑊, 因為平時倫敦d“tube”成日都會有大小意外, 咩發現炸旦呀, 地鐵出軌呀…而班次延誤根本就係平常過平常…如果大家o個時有睇我o既“英倫遊記”, 都會記得我成日都有描述o係英國搭地鐵o既苦況同埋我幾咁欣賞香港地鐵o既服務質素… 我都試過幾次搭搭o下地鐵, 無啦啦要你落車, 因為懷疑唔知邊度有炸旦, 又或者唔知d咩有故障…如果o個日可以平安無事咁順利完成成個旅程, 絕對需要去還神! 尤其係今次其中一個爆炸地點, 倫敦其中一個最大o既車站king’s cross, 更加係成日都有事發生, 所以大家都習以為常…係估唔到今次原來係恐怖襲擊咁大鑊o者!

當然, 比起當年“911”時o係電視畫面見到兩架飛機直插入兩幢大樓o既場面, 今次都唔算太震撼…但當發生o係一個你好熟悉o既地方 (例如銅鑼灣)…又會有另一種震撼囉!

最可怕係原來架雙層巴士爆炸o既地點, 就係我以前住o個間hall行出去o個條大街…平時我o地成日都o係o個度等巴士! 好驚! 初時睇新聞都唔認得o個度exactly係邊度, 因為其實倫敦條條街都差唔多樣, 除非佢有d好landmark o既建築物…而且佢o地譯o左個地方名做中文, 就更加毫無頭緒…但因為佢話近russel square (即我以前住o既地方), 所以上網查o下, 先道原來係tavistock square…一個我曾經每一日都經過o既地方!

(tavistock square的巴士站)

所以話世事無常, 前日倫敦先舉市慶祝緊獲得2012年奧運o既主辦權, 點知一日之後就要舉國哀悼呢件咁悲傷o既事情! 不過睇新聞見到d英國人又幾豁達, 仲仍然不失“忙?偷閒”, “苦中作樂”o既本色…話橫掂火車站塞滿人, 要排隊等火車等咁耐, 不如去附近d酒吧度飲杯酒…偷得浮生半日閒! 呢d一向都係我做人o既宗旨, “呀q”得o黎又生活得悠遊…亦都係因為咁我先會咁enjoy o係英國o既生活…因為人人都同我一樣咁“heah”! 反而o係香港, 人人都好似裝o左“摩打”咁…太快太緊張…完全係“no life”!

(雪地?的tavistock square)

仲有, 唔係因為今次追有線新聞, 都唔知原來“無線記者”王春媚走o左去有線…佢個感覺太無線喇, 所以o係o個台見到佢感覺有d怪!

(p.s. 原來今日高考放榜, 仲要係第一批由“母語教學”產生o既學生o既高考放榜日子…記得97年f.7時, 因為教育署話宣佈話之後o個年如果唔係o個114間“特選學校”, 就要開始推行母語教學, 所以我o地當年成日練習a-level中文小組討論, 都係discuss呢個topic…估唔到咁快就過o左咁多年, o個堆f.1小朋友已經完成o左整個中學旅程, 仲搖身一變成為準大學生…而我o地亦原來入o左大學7年喇!!)

7-7(thurs) 邵美琪之…迴響

2005-07-07T04:19:00.000+08:00

幾個禮拜前刊出o既一篇“邵美琪-裸曬示威”, 引o黎好多讀者朋友o既迴響…所以特登o係呢度再寫多一篇”號外”!

其實o係呢幾個禮拜仍然有好多報紙+雜誌相繼刊登我”偶像”o既其他性感照…不過始終都係上次“壹仔”o個張幾乎全裸o既沙灘封面相最激!

至於張三點式相, 其實我覺得幾靚…同埋好似從來未見過佢咁fit! 即使最花樣年華o既佢, 都好似無依家咁好身材…同埋真係從來未見過佢咁性感! 以前佢頂多都係o係“我本善良”度“lau”住條浴巾露出膊頭同埋大腿…咁已經算係佢o既性感極限! 所以今次見到佢咁“豁出去”…都打o左個突! 係成功引得大家o既注意…但我都覺得即使係要“襯青春留倩影”, 都唔洗去到咁盡…?! 不過無可否認, 今次我“另一偶像”陳妙瑛sell佢o既產品真係十分成功, 尤其佢可以將邵美琪由前幾年o既又殘又黃 (睇番幾年前台慶仲有d肥添), 變到依家咁索…真係有佢o既辦法!

其他讀者朋友對“偶像”呢輯性感相o既睇法…大部份都覺得好靚好索, 尤其佢呢個年紀…我o地廿幾歲如果可以keep到咁都要還神啦, 何況40歲呢?! 其實佢本身個樣都係“靚”底o既, 輪廓分明, 有d混血feel, 唔怪得知睇雜誌話佢以前有“小甄妮”之稱…唔係睇番本雜誌我都完全唔記得o左呢個稱號! 正如我o係之前“我本善良”d entries成日講, 佢後生時同o個個咁o既梁詠琪比, 肯定靚百倍…絕對可以叫“好勝gigi”行埋一邊!

其實我o係“五虎” o個篇文章度都有提過…話大家當年睇“皇上保重”見到呢個新人, 都有一種“驚為天人”o既感覺…我當年雖然得幾歲, 但都真係覺得呢個姐姐幾靚o下…都真係有種“驚為天人”o既感覺!

呢期睇”創世紀”之前播o既”宣傳易”, 有時都會見到邵美琪輯減肥廣告…真人又真係無硬照咁靚, 始終人真係會老, 但以佢呢個年紀真係算執得幾好…希望佢可以o係呢個“突破”之後殺出一條血路…即使唔可以紅到好似當年成為“最受歡迎女藝員第一位” (唔係睇番本“今生無悔”特刊, 都唔知道邵美琪曾經係某週刊選舉o既1990年最受歡迎女藝員第一位), 都唔好搞到要做郭羨妮呀媽嘛!

(待續)

7-5(tues) 東張西望

2005-07-05T04:21:00.000+08:00

呢幾日睇“東張西望”, 集集都係韓國人氣偶像呀rain 旋風式襲港…初初聽佢o地講呀rain, 仲以為係李彩樺添…心諗: 李彩樺幾時變到咁紅呀?!

韓星我就無咩興趣喇, 不過我覺得最有趣係睇到黴o左10年o既宋芝齡依家行運行到落腳指尾! 做o左茄喱啡咁多年o既佢, 又邊度會諗到佢半個韓國人o既身份會忽然變得咁吃香, 仲係佢食得出糊o既原因…真係“一命二運三風水”, 連佢呢個“醜版梅小惠”都守得雲開…時來運到o既o野真係無得好講!

而呀rain真係幾紅喎, 尋日見到個呀太拿個鏡盒出o黎…居然係貼住呢位仁兄幅相! 咪就係hit之嘛! 唔知點解, 睇睇o下覺得佢個look有d似當年o既紅唇王子蔡楓華 (呀rain o既fans唔該唔好打我住)…我都知依家咁compare佢o地兩個大家會覺得離曬大譜, 但唔好睇少當年o既蔡楓華, 佢都曾經迷倒萬千少女…同埋我真係覺得有d似囉…尤其係個髮型同埋高大o既身形!

尋日有一part係講“掌門人”十周年版o既壓軸一集, 由林曉峰訪問曾志偉…正如我之前所講,我覺得曾志偉真係幾掂…癲又得, 正經又得, 感性又得…佢話由10年前帶住兩個掌老出o黎, 到依家佢o地都可以獨當一面etc., 真係講得幾好…我好欣賞佢! 唔知依家“東張西望”有無好似以前“大飲茶”咁放曬上網, 如果有, 大家可以上網重溫o下!

假期又睇o左“龍咁威2”…都頗為無聊o下, 雖然我已經唔多幾得兩年前套“龍咁威”係講咩, 但印象中係好睇喎呢套續集…不過呢套點都叫好過上年部爛片中o既爛片…“我要做model”o既! 套劇無咩劇情, 笑料就普通啦, miki亦都無咩發揮, 尤其比起上次o既stephy…佢擔o既戲亦都少好多! 同鄭中基o既感情線簡直近乎無…反而cookies初出道時拍o既 “九個女仔一隻鬼”, miki 個角色都搶過今次做女主角好多!

至於鄭中基式o既搞笑…我依然欣賞 (尤其當年o既“爆笑急轉彎”)…雖然自“我要做model”後已經失望o左一次! 同埋佢隻“無賴”真係幾好聽, 亦好襯佢個人…但係無論佢點賤, 我依然欣賞佢o既幽默感!

o岩o岩睇預告, 原來“妙手仁心3”好快上, 仲要放o係10點頂替“醫道…都幾騎呢! 點解上10點線o架?! 跟住仲有呀叻套處境喜劇…無啦啦有咁多套劇上…唔係一晚播4線呀?

7-4(mon) 再生緣結局篇

2005-07-04T04:26:00.000+08:00

終於煲晒“再生緣”o既結局篇…其實大致o既劇情都係“千里姻緣兜錯圈”o個隻…睇到人好?, 好激氣…終於係搞o左30集先可以o係埋一齊! 但就係咁, 一邊鬧, 一邊咪又係要睇囉! 劇情其實幾老土, 仲超似粵語長片…尤其係o個d“真假狀元”, “假鳳虛凰”o既戲…明明人人都知孟麗君係女人, 但又可以俾佢瞞天過海去考狀元! 呢d咁o既粵語長片橋段, 老土得o黎又幾好笑喎! 仲要個皇甫少華可以搞o左咁多集都唔知佢就係自已o既未婚妻…蠢得離曬大譜…但咁又反而幾可愛!

原來都有好多人追睇重播o既“再生緣” (多得internet, 先知道呢個世界“電視精”多的是; 以前以為自己係最瘋狂o既電視迷, 原來我只係孤陋寡聞…世界上大把電視迷比我更瘋狂!), 亦都有好多人因為睇完呢套戲好buy林峰…因為佢呢個?得o黎癡情o既角色, 的確係討好, 同埋佢真係做得幾好! 尤其係我o地個“age group”o既人, 個個都buy林峰多過吳卓羲, 因為佢真係好似有料d…但係“吳唱k”依家o既風頭 (至少o係香港) 已經蓋過o左佢, 相信係因為吳唱k比較受10多歲o既妹妹仔歡迎, 而佢o地亦都係“追星”追得最落力o既一群…我o地呢d“上o左年紀”o既廿多歲姐姐仔, 只會默默咁支援o下, 唔會有咩行動!

林峰唱o個隻插曲“記得忘記”…其實都幾好聽o下! 當年o係英國, 我都有download到o黎聽! 佢呢期隻“領會”都幾好聽…我去k都唱o左好幾次…但唔知點解聽到個歌名不期然令我諗起上唔到市o既“領?”?! 同埋林峰都只係25歲, 但我發覺佢已經有克勤當年一個好嚴重o既問題…髮線向後移…佢都真係要正視o下!

仲有, o個個馬國明, 原來後段都幾多戲…真係唔明點解我當年無為意做呢個一日到晚o係度種小黃花o既“san”弱書生o既係佢?! 佢當年真係好瘦弱…同我上幾個禮拜o係太古地鐵見到好大隻o既佢差好幾個碼! 咁咪好囉…無咁病“wai”look! 不過佢o係呢套戲?面塊面真係好唔掂…其實平時都唔多好, 但o係呢套戲入面顯得特別“諧”!

http://tvcity.tvb.com/drama/eternal_happiness/story/

睇呢套戲除o左主線睇林峰同葉璇外, 今次重播仲主力睇楊怡…因為呢期幾buy佢! 佢個古裝look真係唔錯, d戲亦都幾ok, 同埋佢同葉璿o個段姊妹情真係幾真摰…幾鍾意睇佢o地!

反而胡杏兒個角色就真係幾煩+幾克人憎, 而佢個樣原來真係幾唔靚…呢期無線仲要接連上佢d戲, “情迷黑森林”完o左無幾耐, 下個禮拜又上“我的野蠻奶奶”…力捧都唔洗咁密集o卦?! 有時d o野係物極必反, 任何一樣o野overdose都會有反效果! 我對胡杏兒唔反感o既, 有一期仲幾鍾意佢添…就係“律政新人王”o個期…佢個年青律師o既角色幾有型, 個短髮look就更有型, 好有style囉…特出過佢平時o既長髮look好多! 唔係人人都襯得起短髮…佢短得咁型就應該短多d啦!

唔係今次重溫番“再生緣”, 都無為意原來呢套劇o既監製又係潘嘉德, 估唔到佢監製o既古裝劇都咁掂!不嬲由佢監製親o既戲都好好睇 (至少我好鍾意睇), 但印象中好似無咩係古裝劇…好似“刑偵”系列, 同埋當年令我瘋狂著迷, 由李克勤同鄭秀文主演o既“浪族闊少爺”…呢套劇o既所有情節我由尾背番去頭都仲得…但唔好問我套戲有咩咁好睇, 我答唔到…我諗純粹係因為“天時地利人和”, 事關當時6年級早考完試, 早放暑假, 又無暑期功課, 所以暑期放得特別relaxed, 特別開心…睇戲都睇得特別高興! 同埋我好buy克勤同埋當時有少少baby fat o既sammi…仲有好buy個劇種囉…暑期青春劇…真係“只得你才是我那杯茶”! 所以, 我一向都對潘嘉德監製o既劇特別有好感, 因為必屬佳品嘛!

7-3(sun) 美麗傳說2之星願…結局篇

2005-07-03T04:30:00.000+08:00

有d朋友話點解一路都唔見我寫埋“美麗傳說2”o既結局篇…原因只得一個: 因為我未睇!

上個禮拜五唔知又撞咩邪, 夜晚d電視節目全部錄唔到…搞到我連最緊要o既“美麗傳說2”大結局都睇唔到…咁即係算點喎? 好彩最後都發現有朋友有錄! 如果唔係, 我都唔知點算?! 須知道睇唔到一套你追開o既電視節目係好慘…如果追o左30集而睇唔到個大結局…仲慘!

假期終於有時間睇番個大結局…結論係: 好悶! 簡直係全劇節奏最慢o既一集…同平時明快o既節奏完全背道而馳! 雖然通常d大結局都係全劇最悶o既一集, 呢套亦都唔例外…但係睇o左30集, 無理由唔睇埋個結局o架嘛?!

結局篇最主要都係講梅姐患病直至“最後個唱”直至死o既一段…拍得超逼真, 超似, 超有共鳴囉!

估唔到俞可欣出書o個件事又有, 連華仔陪阿梅覆診都有…都好detailed嚇…仲要全部都係呢幾年發生o既事, 非常歷歷在目…好似睇番d真o既片段咁樣!

講梅姐臨死前拍廣告以日本look示人…嘩! o個個戴假髮日本和服look真係似到呀…好驚! 直頭好似見鬼咁! 唔怪得知連陳煒都話自從做呢個角色之後, 都有d邪o野發生!

最最最似o既一段當然係梅姐個“最後個唱”啦…同埋講佢戴住冷帽開記招向傳媒宣佈患癌消息, 跟住有一班藝人朋友企o係佢後面支援佢, 之後仲要逐個攬一下o個場亦都非常似…咁細微o既o野都抄足…個場景好似, d細節好似, 連梅姐d假留海都好似…直頭睇到毛管棟o左一棟!

個“最後個唱”就更加唔洗講, 成個舞臺setting都抄足…好落本, 好落力! 尤其堂樓梯…真係抄得好有神髓! 當然更有神髓o既就係陳煒個look同埋d服裝啦…個假髮同埋婚紗裝…似得好可怕呀! 跟住無啦啦又照講梅姐演唱會時對d觀眾講o既: “我都愛你呀!”…連腔口都似埋…洗唔洗咁似呀?! 仲要連“夕陽之歌”都唱埋, 再一邊唱一邊行上條樓梯, 然後唱到最後一句, 回頭望再以虛弱+沙啞o既聲線講埋o個句“拜拜”! 嘩…大佬…每一個細節都扮得太似喇! 直頭好似睇番梅姐生平回顧特輯…我上年o係呢度講梅姐逝世時, 咪話每次播番佢演唱會尾段唱“夕陽之歌”, 同埋最後o個句“拜拜”o個段…都覺得超難受, 超心o翕…點知佢真係可以咁真實咁重演一次出o黎…好可怕!

我本來睇預告見佢o係個舞臺度?低o左, 以為劇情真係會講佢死o係舞臺…咁咪仲震撼…事關梅姐一向都係話“叫我死o係醫院, 我寧願死o係舞臺!”…所以我以為王晶真係會改少少劇情, 講雷姐真係“死o係舞臺”…咁咪仲型!

睇完呢套戲真係又再次勾起梅姐o既坎坷身世…睇到佢有幾咁愛華仔但華仔又唔愛佢, 又話要“嫁俾舞臺”…真係好慘…好心o翕!

不得不讚陳煒今次d戲真係進步o左好多…扮阿梅扮得好神似…除o左個樣似, 造型都好似, 連d戲都好好…抵佢做亞視一姐! 唔知o係劇中扮梅姐唱歌係咪佢自己唱番o既呢, 有d似佢把聲但又唔似得曬, 如果真係煒哥自己唱番, 業餘o黎講都算唱得幾好…令我對佢更加另眼相看! 可惜黃浩然交唔到戲俾佢…o徙曬! 終於明白點解杜琪?力捧o左佢咁多年都紅唔起…唔好講佢扮華仔連一d神髓都扮唔到, 即使本身做戲都麻麻, 同埋講o野有d一舊舊…呢d係演員o既大忌!

連我推介俾d朋友睇佢o地都話陳煒做得好似, 反而陳法蓉就只係似做番陳法蓉…不過大結局o個集講呀雷死o個場, 陳法蓉真係口水鼻涕直流…我直頭見到一整條鼻涕…又幾好戲喎!

又要講多次, 王晶改戲名真係改得好抵死…臨尾o個幾集o既“四面楚歌” , 一聽就知佢想講“十面埋伏”…仲係好啜核, 一聽就associate到o個隻! 不過我最欣賞o既始終都係影射“愛君如夢”o既“唔得閒發夢”!

可惜我點幫呢套戲宣傳 (包括o係呢度勁講同埋親身向無數人推介), 都唔到佢拉高佢個收視…只得5點…好慘烈! 唔好話煒哥好失望呀…我本人都好失望! 如果係o係無線播, 呢套咁有水準o既戲一早hit o左啦, 陳煒都應該憑呢個角色紅o左好耐! 可惜大部份人都對亞視有偏見…慣性收視真係無o野好講…應該學我當年o既“偶像”尹天照話齋: 試o下欣賞亞視o既誠意嘛!

畢竟當年無線o既“娛樂插班生”都可以掀起熱潮, 連做o左茄喱啡十幾年, 個樣十分“二打六”o既林家棟都紅得起, 簡直係奇蹟…但o個套戲其實只係抄d藝人o既形象或者用佢地個名, 並唔係好似呢套咁仔細地講曬80年代娛樂圈紅人o既傳奇故事! 我真係覺得呢套係一套好有誠意+水準o既製作…希望亞視快d重播啦, 事關每一集都好好睇! 尤其頭幾集因為同無線o既“學警雄心”打對台, 搞到我miss o左, 希望好快可以由頭睇多次!

7-2(sat) 頭文字DDDDDDDDDDDDDDDDDDDDDDDDDDDDD

2005-07-02T04:30:00.000+08:00

講番“頭文字D”先…呢期大熱之選, 好好醜醜都要去睇一個! 同埋呢期都無咩好戲上, 呢套咁“萬眾期待”…都算幾ok o既! 如果佢早兩個禮拜上, 我o地就唔洗去o左睇套爛片“史密夫+妻”啦! 睇完o既評語係…都ok o既, 睇o下你鍾唔鍾意睇賽車囉…我就覺得ok, 至少好過睇打交戲或者成蟲哥哥d戲! 各人都做得唔差, 但係周杰倫扮高中生就有點兒牽強…更加牽強o既係一把年紀o既杜文澤要扮佢o既同學仔…更更更牽強o既係大杜文澤唔係好多o既B哥哥要做佢呀爸…好令人難以置信! 同埋杜文澤一貫懶有趣o既演繹, 令我好想笑…但係笑佢本人, 而唔係佢d gag!

6-30(thurs)《創世紀》翻叮熱爆

2005-06-30T03:47:00.000+08:00

襯住《創世紀》播到最後一個禮拜, post番呢篇睇o左好耐, 一路都想post出o黎但未有版位post o既article, 係一篇幾有趣o既article!

其實我呢期已經無咩再睇呢套戲, 因為自從下半部開始, 悶o左好多, 又無o左葉榮添同helen o個段…更無聊係下半部o既主線係講古天樂搵羅嘉良為陳錦鴻報仇, 但依家明知自已報錯仇, 仲要死撐落去, 連自己心愛o既蔡少芬都出賣, 仲恨錯難返…有d無謂囉!

差d忘記o左當年大家o係度談論liza個司機, 即係當時郭少芸現實中o既高佬導演男友 (所以郭少芸先可以o係呢套戲度撈到個ok重要o既角色), 當時大家估佢係咪會o係秦沛死後同pizza姐發展一段感情線…結果好似真係o架…大家即管留意o下啦!

《創世紀》翻叮熱爆

自韓劇《大長金》曲終人散後，TVB黃金時間的收視全面失守。但另一方面，在深夜時段重播的《創世紀》卻掀起一片熱潮，不少人都在追看這套五年前的過億元大製作。

《創世紀》鹹魚翻生，連帶劇中主角羅嘉良、陳錦鴻、古天樂、郭可盈、雪兒等，人氣再度飆升，而在這套千禧年大製作中，更發現不少現今當紮小生花旦，在劇中只是做獄卒扮秘書充?場面，比睇葉榮添起無煙城更加勵志。

一直以來，電視台都不太重視深夜重播時段，但是次《創世紀》大受歡迎，據知TVB已開始密謀變陣，力圖再以重頭劇來刺激該時段的收視，增加廣告收益，其中以廣告節目《宣傳易》率先受惠。

首播失色
1998年，TVB投資一億元拍攝《創世紀》，用作慶祝跨越2000年的重頭劇，台前幕後更是總動員，當紅小生花旦，如羅嘉良、古天樂、蔡少芬、陳慧珊等盡出，可見TVB對該劇信心十足。1999年《創》劇播出，收視雖然最高有36點，但平均只有29點，比起同年收視冠軍，屬小本經營的《狀王宋世傑》相差2點，成績強差人意。直至2000年《創世紀2之天地有情》推出，口碑及收視亦未見突破，平均收視只有30點。

愈播愈旺
今年二月《創世紀》開始在深夜重播，但由於當時《大長金》勢如破竹，《創世紀》未能掀起話題，直至《大長金》播畢，《創世紀》的劇情逐漸步入高潮，收視才節節上升，更創下深夜時段最高收視六點，成為全城熱話，有市民更揚言為追看《創》劇而捱眼?，無?方面有見及此，更破天荒為深夜重播劇賣廣告，力谷收視。

黑面獄卒林峰
在《創世紀》中，林?飾演台灣獄卒，雖然有不少對白，但當時的林峰表情生硬，未見突出。
最長對白：（國語）「我不管，你們要入去，就要先登記！」

百變大茄楊怡
楊怡在屬於「多產茄喱啡」，既是律師樓的小職員，亦是日本公司的小職員，對白之多更是「眾茄之冠」。
最長對白：「我曾經?香港受訓半年，你可以同我講廣東話。」

三句對白馬國明
上半部中，馬國明飾演「明大」小職員，在下半部則變成證券行老細（紅圈），全程三句對白搞掂。
最長對白：「依家邊使識買股票，只要你肯買就一定賺錢，遲d冇人打工o架喇。」

愛滋之星劉綽琪
在眾多大茄之中，以劉綽琪的戲份最搶，因為她所飾演的角色會將愛滋病傳給馬德鐘，認真紅顏薄命。
最長對白：「我諗你誤會左，我係做你partner，但唔代表我會同你做其他o野！」

撈極唔掂
在娛樂圈中，有一條不變定律，就是「七分運氣三分實力」，在《創世紀》中，你可以見到當家小生、花旦的幼嫩演出時，亦會發現雖然經過了五年光景，有不少演員多年來仍穩守茄喱啡位置，令人不勝唏噓。

秘書甲李彩寧
飾演過場秘書，五年後仍然沒有太大分別，只是當時她未曾接拍枇杷糖廣告。

秘書乙宋芝齡
一樣是過場秘書，但長今熱令精通韓文的她頻頻曝光，如果沒有《大長今》，相信知道誰是宋芝齡的觀眾，絕不比知道李彩寧的人多。

6-28(tues) 危險人物

2005-06-28T03:49:00.000+08:00

多謝晒參加過“十個得你”冇獎問答遊戲o既朋友, 原來華仔親自解釋過, “得”係解”鍾意”, “我得你”…即”我鍾意你”咁解…諗唔到劉華依家咁”潮”呀?! 真係有10個“得”!

呢期終於可以睇少幾線劇集…朝早o既”再生緣”終於結局o左…無線做得最“偉大”o既決定就係又再播”少年包青天”…唔知點解無線成日唔係播”包青天”就係”鐵齒銅牙紀曉南”…不過咁都好…可以慳番d時間唔洗睇!

“創世紀”自從踏入51集開始就悶到抽筋…依家終於做到第94集, 得番一個禮拜倒…終於可以做完喇…古天樂明知自己報錯仇仲死都要報落去…好無聊! 我已經無再追喇…係得閒larp兩larp囉…到第100集希望我都會記得睇o下啦!

做完”創世紀”之後播”尋秦記”…呢套都係一部好戲, 但當年已經力追過一次, 同埋對古天樂+宣萱已經興趣不大…最值得睇o既相信都係第一次做主角o既林峰, 佢o既表現的確唔似一個新人…我諗我會得閒睇o下, 但唔會追囉!

“奪命真夫”真係幾精彩…原來溫兆倫係同歐倩怡做一對…大佬! 歐情怡同我o地一樣大, 係現實中同學仔o既同學仔, 有d怪囉! (雖然“一枝梅”?面o既楊怡都係同我o地同年, 但佢個感覺好似成熟過區倩怡…可能係因為歐倩怡個樣太細同埋太年輕入行啦!) 不過現實中歐倩怡都同大佢15年o既郭晉安一齊…可能佢真係襯d大佢好多 o既男人!

仲有, 做溫兆倫外父o既郭峰…個角色好似”創世紀”?面o既霍景良…我以為自己睇緊”創世紀”添! 但係下午重播o既“季節”?面, 郭峰做o個個戇直“阿泉”又真係幾戇直喎…果然係演技派!

今個禮拜又有一套好吸引o既新戲上…就係亞視接“美麗傳說2”o個套改篇自真人真事o既“危險人物”! 聽聞當年深夜o係電台播呢個節目大受歡迎…尤其d的士司機好鍾意聽! 我就無聽過喇, 但我相信聽電台總會比睇電視更恐怖…因為有更多o既幻想空間! 依家電視播我都幾有興趣睇, 同埋單元形式可以唔洗追呀嘛…miss一集都無所謂! 其實大部份故事都曾經拍過電影…新鮮感就無咩o架喇…唯有係靠睇翁靜晶囉!

睇預告見到有吳岱融…真係好多年都無見過佢…今次見番就覺得佢老o左好多! 對上一次較深刻o既印象已經係15年前o既“奇幻人間世”同埋“絕代雙驕”! 佢做o個個“八仙飯店”單元o既角色, 令我諗起“誓不低頭”?面曾江做o既陸國榮…唔知當年“誓不低頭”其實係咪抄“八仙飯店”橋o既呢?

仲有, 更抵死係有一集見到李影同埋陳觀泰…直頭令我諗起1980年o既“大地恩情”!

翁靜晶個樣真係變o左好多…同“荳芽夢”o既佢完全唔同 (“荳芽夢”?面o既佢, 個樣同埋把聲都好似依家o既Isabella); 連把雞仔聲都無埋…變o左一把auntie聲!

6-26(sun) 我得你

2005-06-26T03:50:00.000+08:00

以下係“十個得你”冇獎問答遊戲…唔知大家呢期有無聽過劉華首hit歌呢? 呢…日日都賣o個個“只得你才是我那杯茶”o既錄茶廣告呢…唔知大家有無留意過歌詞?

(附上劉華親自填詞o既歌詞一份)

**********************************************

我得你-劉德華

填詞 : 劉德華作曲 : 徐繼宗
編曲 : 馮翰銘監制 : 陳德建

有了你我不需要什麼的鈔票
有了你看得開了大事也化小
淩晨落日細雨飄雪行雷時
小小的也想講你知

*有了你變得瘋了夢中都想笑
皮鞋球鞋也對調錯得不得了
原來現在已碰到終生需要
愛戀這一天不缺少

#是十個得你我被完全感化
明明就是你早就預留在下
再奉上這一束愛的花
始終找到只得你才是我那杯茶

@是十個得你愛念能成功嗎
貧賤或病痛一樣共度餘夏
我為你有否知道嗎?!
耗盡這一世全程付出了
來奉上愛情代價

repeat* # @

沒有甜活在世間最真亦變做最假

repeat #

是十個得你愛念能成功嗎
貧賤或病痛一樣共度餘夏
我為你有否知道嗎?!
耗盡這一世全程付出了
來奉上愛情的代價 (***以pu tong hua唱出)

**********************************************

跟住就係疑團喇…首先, 歌名“我得你”, 係解我只係得(擁有)你呀, 定係我咩你(即係“得”係代表一個我o地唔知, 但原來流行已久o既術語呢?)? 例如我dug你?!

跟住就係o個兩句“是十個得你我被完全感化”同埋“是十個得你愛念能成功嗎”…究竟“是十個得你”係解作“你值10個得”呀? (但係劉華填o既詞無理由咁口語化同埋咁slang o架?) 同埋如果係就應該話: “你是10個得”啦! 定係解作: “o係10個?面只係得你”…但跟住配“我被完全感化”或“愛念能成功嗎””就完全唔make sense啦…唔明…100個唔明!

最騎呢係最尾零零叮叮o個句無啦啦轉o左channel用國語唱出…“愛情的代價” (仲要係拉高個音)…我個人認為不如玩盡d…改唱: “愛情的綠茶”(ai chin di lu cha)…咁咪仲抵死!

6-25(sat) 平凡明星

2005-06-25T03:52:00.000+08:00

呢期同d“明星”好有緣, 繼早前o係太古撞到馬國明之後, 上個禮拜o係銅鑼灣食飯又撞到冼灝英(唔知邊個? 佢曾經係亞視藝員, o係“殭屍”?面做“孔雀”一角…都係唔知邊個? 咁無o野喇…), 跟住又o係times square撞到戴辛蔚同佢o既戴氏一家…包括呀“戴師母”同埋佢家姐戴蘊慧…但係唔見戴思聰老師喎! 其實戴蘊慧同戴蘊詩 (戴辛蔚) 係幾似樣o架…不過依家好似調轉o左咁…以前就戴辛蔚好肥, 戴蘊慧就都幾fit, 依家剛好相反! 80年代紅過兩下, 主唱過當年無細路唔識唱o既“我係小忌廉”主題曲, 又同吳國敬+黎明 (佢自己claim, 黎明無承認過) 拍過拖o既戴蘊慧, 就肥到差d唔認得, 我以為佢又有o左幾個月添!

呢排成日收到d朋友send呢個片段俾我睇…係曾經轟動一時o既“娛樂圈大事件”…呢個“?那光輝=永恆?!”片段, 經典程度無容置疑…直頭係80年代十大事件之一呀! 事關“紅唇皇子”蔡楓華因為呢句唔夠30秒o既金句, 霉足廿年, “翻生乏術”…後尾仲癲埋! 不過其實大家留意片段, 都不難發現佢當時o既眼神同動作都開始有d癲癲o地o既跡象…原來“癡線”呢d o野真係唔係一朝一夕o架! 不過我覺得佢就算做錯/講錯d咩…佢呢廿年o黎都受夠啦…絕對唔deserve咁嚴重o既報應! 如果佢呢番話o係呢個年代講, 根本就唔算咩一回事…依家d藝人口沒遮攔過佢100倍啦! 不過鬼叫佢o係錯誤o既年代講埋d錯誤o既o野咩…無法…幫佢唔到! 另外值得留意o既係money姐嚇到呆o左o既反應…但佢都算打完場得唔錯…果然係 “金牌”司儀…當年我最鍾意睇佢拍鍾保羅!

o係呢度將此經典片段公諸同好…

http://www.imagestage.net/files/kenchoi.wmv

仲有呢個唔知84定85年暑期活動o既mv, 又係有朋友send俾我…作為一個電視迷, 我都無咩印象我睇過…都話我o地出世遲o左幾年, 錯過o左最精彩o既80年代初! 呢個mv真係好精彩…星光熠熠, 目不暇給! 全部呢d當年o既青春偶像, 一係就已經獨當一面, 一係就已經消聲匿跡! 你o地自己睇o下數到幾多夥星星啦! 我好似都見到戴蘊慧o係?面…仲有當年o既陽光男孩梁朝偉, 同依家o既憂鬱形象好唔同…確係有d似依家o既吳卓羲, 難怪無線揀吳卓羲做“新杰佬”, 整套新“新?師兄”- “學警雄心”過佢做主角…果然有佢o既道理!)

6-24(fri) 20000

2005-06-24T03:53:00.000+08:00

o係毫無準備下, 尋晚呢度忽然突破o左20000大關…最大鑊o既係…今次我居然capture唔到!

相信睇開呢度o既朋友都知道我有capture“重要時刻”o既習慣…之前o既“happy 5000”, “happy 8000”同埋”happy 10000” …我都捕捉到…但今次居然…差少少!

尋晚見到去到19997, 已經開始捕住…一connect完居然發覺由之前o既19999跳o左去20001…邊個奪去o左我o既第20000次呀?! 我好辛苦想親自捕捉o架嘛! 下次如果邊位朋友咁好彩撞到呢d重要數字, 記住做好心幫我capture低佢呀! 唔該晒!

(“happy 20000”去o左邊呀?!)

希望下次到“happy 25000”o既時候, 我可以捕捉到啦!

6-22(wed) 奪命真夫

2005-06-22T01:16:00.000+08:00

呢排其實supposedly幾忙,　但反而一日到晚o係度寫日記…不過正如我之前有一個entry提過, 我睇過篇文章話寫日記其實係減壓o既最好方法…有寫日記習慣o既人患抑鬱症o既機會率低好多! 其實唔係一定要寫日記o既, 基本上寫咩都得, 總之抒發o下自己o既感受, 個人就會開心好多!

今日又有新戲要追喇…自從上次“學警雄心”大結局tun o左兩日之後, 就無較番正d時間, 套套都由禮拜3開始播…唔知係咪因為上次呢條橋work, 留得住d觀眾睇套新戲…搞到連“秀才遇著兵”d咁o既戲都成為收視冠軍! 其實“秀才遇著兵”唔係話特別唔好睇o既, 但無咩o野吸引到我囉! 同樣地, “情迷黑森林”相信都唔係特別差, 但亦都係無一個人吸引到我…尤其o係無時間之下, 當然要作出取捨…呢個係F.4時econ已經有教o既concept! 咩opportunity cost, maximize under constraint, muv, mc…blah blah blah! 但係最有用o個樣都係“sunk cost”…每次要遊說自己擺脫一d “枷鎖”, 都會話“bygones are bygones”…!!! 勁!

講o左咁耐, 咪就係講緊要追“奪命真夫”囉!

http://tvcity.tvb.com/drama/misleading_track/frontpage/index.html

上個星期已經講o左好有興趣睇呢套戲, 第一, 因為個劇種我buy…懸疑戲, 我最鍾意! D劇情你又估佢唔到…我更鍾意! 第二, 有我o既“另類偶像”… 溫兆倫呀嘛! 雖然我鍾意o既係10幾年前o既佢, 更騎呢o既係我由半年前先開始鍾意10幾年前o既佢…係咪覺得比起套懸疑戲更懸疑呢?!

呢套戲係自半年前睇完“我本善良”重播後, 第一次睇番溫兆倫做新戲, 所以我都想睇o下15年後o既“齊浩男”會變成點?!

其實今次套戲o既女主角兩個都係30以上o既較成熟女星…咁點解唔搵邵美琪做呀?! 橫掂佢同林保怡又friend, 同溫兆倫又曾經係“90年代最受歡迎螢幕情侶”…可能都有好多電視迷好似我咁, 想睇o下齊浩男同石伊明再續前緣呢?!

o岩o岩睇o左第一集, 唔知點解有d上年o個套“隔世追兇”o既感覺…幾有趣o下! 呢期好少戲我係由第一集就開始捕住睇! 但林保怡唱o個隻主題曲就唔多好聽…我覺得以佢本身係歌手出身, 後尾先轉做藝員o黎講…真係咁多年都唱得未到standard!

聽講套劇原本個名叫做“灰色軌跡”…咁好似make sense過叫“奪命真夫”! “奪命真夫”呢個名我真係唔多明白…不過就比起“灰色軌跡”eye catching o既!

原來套劇又係有好多法庭戲, 又係講律師, 又有好多法庭同律師樓戲…間律師樓個設計仲有d似“律政新人王”o個間添!

嘩, 大佬! 原來呢套o野又有馬國明o架…真係唔該晒! 點解咩戲都有佢o架?! 點解無線要力捧佢呀?!

蘇玉華o係呢套戲都幾靚, 同埋佢d戲真係唔錯! 最神奇o既係佢10年來好似無老過咁, 甚至愈o黎愈後生! 我記得第一次睇佢做電視劇, 係95年o既“刑事偵輯檔案” (雖然後來睇午間首播o既“親恩情未了”, 都好似見到佢, 但o個時根本未識得佢…係“刑偵”o既gigi一角令所有電視觀眾認識佢)!

一開始睇“刑偵”o既時候, 完全唔明點解會搵個咁o既“呀姑”o黎同梁榮忠做一對 (仲要梁榮忠個樣係幾咁baby face)…佢o個時o既打扮+髮型又娘喎! 但到“刑偵2”已經大有改進…後來仲愈o黎愈後生, 愈o黎愈靚添! 真係好神奇! 通當o個d初出道個樣好老o既女星, 到後來就反而愈o黎愈後生, 仲好kum老添…例如梅姐咁!

我覺得蘇玉華做過最掂o既角色, 係o係“婚前昏後”做劉松仁o既情人, liza姐o既情敵…做得幾好同埋幾型! 係唯一一個做第三者而做得唔討厭, 反而幾討好o既人or角色!

6-20(mon) 美麗傳說2之星願 (6)

2005-06-20T01:17:00.000+08:00

“美麗傳說”今期最抵死o既係講到“長毛”要開套歌舞片, 搵o左華仔同吳德嫻, 仲話想搵個有號召力o既第2女主角…咁當然係“呀雷”啦…呢套就係幾年前o既“愛君如夢”! 當年亦都係因為呢套戲o既戲份, 令到梅姐同吳君如“反目”…亦都係梅姐死時, 吳君如喊晒口話係最遺憾o既事情…因為到梅姐死o既時候, 佢o地都未好番! 呢套戲就改o左少少劇情, 講佢o地去到2000年“地獄變”首映之後聚舊已經好番…但係現實就唔係咁完美喇!

最抵死都係張poster…嘩! 似到呀…真係笑死我! 仲話套戲本來叫“我愛你發夢”, 跟住改埋名叫“唔得閒發夢”…直頭同現實生活一樣, 又係後尾套戲都改埋用吳君如個名o既諧音…“愛君如夢”是也!

估唔到節奏真係明快到今日已經做埋“地獄變”首映, 再去番第1集播佢o地o係偉仔同嘉玲屋企聚舊o個幕! “地獄變” poster度偉仔同華仔拿鎗互指o個幕, 又係似“無間度”似到十足!

(真假華仔+梅姐…原來1991年d人已經講緊梅姐暗戀華仔o架喇!)

仲有, 今日唐家衛話o係外國得到個獎咁耐都未運到o黎香港, 偉仔居然話:“咁咪配合番你o既拍攝手法囉…一樣咁慢嘛!”…好抵死! 所以話, 只要你稍為有睇o下娛樂新聞, 到睇番呢套戲d情節時, 一定會發出會心微笑…因為實在太寫實, 太抵死!

聽日仲有jessy自殺死, 雷姐大受刺激添…咁快就去到2003年, 好快會講埋sars同埋劉嘉玲個“天地不容”聲討大行動!

梅姐真係好慘, 一生都咁坎坷…佢o係劇中話:“自問o係人世間無做過d傷天害理o既事, 有能力仲會幫o下人添…點解經濟愛情事業人生全部跌落新低點?!” Exactly係咁呀…佢個人咁好咁有義氣咁肯幫人, 點解會落得如斯下場?! 不過亦都因為咁, 佢舉殯時有咁多人去致祭!

前幾集仲講佢俾d徒弟敗晒d錢, 又話借o左錢俾“大檸檬”…個“大檸檬”好細個就要出o黎捱…好明顯係講緊謝霆鋒呀!!!

另外, 我好想知究竟梅姐d歌係咪陳煒自己唱番? 但又唔係太似佢把聲…反而有d似江欣燕!

仲有, 一定要再講多次, 江欣燕真係幾好戲…佢扮同佢完全唔似o既吳君如, 都扮到晒d神髓, 尤其係講o野把聲同語氣, 特別係佢前幾集帶笑講:“發達啦!”

同埋, 好明顯王晶一定同周星馳有仇, 套劇形容到佢簡直係人渣都不如…正如我上次講, 佢點克人憎都唔會衰到咁o既…上個禮拜有一集仲要講佢玩“李修賢”同“覃日英”姐姐…賤到無倫…唔知佢有咩得罪o左晶哥呢?!

套劇o岩o岩做o既時候, 我print o左亞視網頁成個劇情簡介出o黎睇, 成程地鐵o係度“luun”…仲俾d同學仔笑, 話我洗唔洗睇戲睇得咁認真…但係睇劇情簡介真係睇得我好欲罷不能囉, 個“節目簡介”其實都真係寫得幾好, 大家不妨睇o下!

http://www.hkatv.com/drama/05/dreamdesire2/

6-18(sat) 邵美琪

2005-06-18T01:19:00.000+08:00

上個禮拜有朋友忽然間同我講: “喂, 你偶像去o左做纖體代言人喎!”…我初時諗極都唔知佢講邊個, 仲以為佢講陳妙瑛添 (須知道有一期我係試過幾鍾意陳妙瑛, 仲走去寫信俾佢…以前都唔敢講俾人聽, 但自從上次食飯同d朋友講開, 大家仲一齊笑o左一餐之後, 我覺得講出o黎俾大家聽笑o下都好呀! 即管笑囉…!)…跟住佢話: “你個偶像…邵美琪喎!”

果然, 上個禮拜就出?一角仔封面, 見佢著住性感衣著拍?輯大膽照…點知今個禮拜仲激!!!!!!!!!!!!! 前幾日經過雜誌攤, 見到個寫住“邵美琪-裸晒示威”o既封面…嘩! 真係嚇到呀…心諗:“洗唔洗咁激呀?!”只係想講一句：“窮途末路”!　真係feel so sorry for我親愛的偶像囉! 你話第二個都無咁驚呀, 但係邵美琪喎! 佢不嬲低胸衫都唔著多件o架喎…受o左咩刺激呀? 唔係真係咁窮途末路呀?! 都唔洗咁盡地一舖呀?!

就係因為有我“偶像”o既一個咁激封面, 我二話不說就用o左廿蚊雞買o左本“壹仔”睇 (須知道我已經好耐無買雜誌睇, 以前都有定期買tvb周刊, 依家真係甚少買雜誌, 仲要係廿蚊一本咁o既書其實頗唔抵…但係為o左“偶像”…無計啦!)

其實齋睇個封面已經嚇個半死喇…成40歲人先無啦啦走去行性感 (應該係超性感), 真係咩都唔著拍寫真喎…靚就唔係話唔靚o既, 但係同佢一貫o既形象+性格好背道而馳囉! 廿年來建立o既形象忽然間蕩然無存…你話李珊珊不嬲走開性感形象, 咁搵條蛇玩o下都無邵美琪忽然o黎一個裸晒咁嚇死人囉!

雖則佢就話今次呢個決定同錢無關, 只係因為從未試過咁fit, 想襯青春留倩影o個類說話啦…又話依家個人開朗o左好多, 唔似得“奪面雙琪”o個期咁終日唔願面對群眾, 一日摺埋自己! 但都唔洗咁“開放”自己呀?! 我真係覺得好唔似佢囉! 佢不嬲o既形象係好硬朗, 有型, 男仔頭o架嘛…忽然間搞d咁o既o野令人覺得佢可能真係撈得唔多掂!

o個張封面谷胸裸睡o係海上面o既相真係激o左d, 反而著泳衣o個張影得仲靚好多! 真係從未見過佢咁fit…的確係不得不佩服我“另一偶像”陳妙瑛o既眼光同埋能力…佢係幫人減肥+豐胸得幾好成績o既!

o個篇文章跟住少不免又會有邵美琪廿年來o既經歷, 講番佢由廿年前入行, 跟住一路被受力捧平步青雲, 90年代成為無線最受迎o既當家花旦…點知識o左o個個鄭伊健, 從此萬劫不復…為o左碗“鄭伊面”退出娛樂圈, 點知碗面發表完o個d咩“照顧佢一生一世”o既懶深情宣言後, 經唔起狐狸精梁fing琪o既誘惑, 將青春不再o既邵美琪掟o左…是為1999年轟動一時o既“奪面雙琪”事件! (睇番呢d報導令我再次憶起o個個“好勝gigi”當日個得戚衰樣…好克人憎!)

(按圖放大: “我一世照顧佢”訪問)

跟住又講o下邵美琪o係“奪面雙琪”事件之後復出, 但已經風光不再, 由以前o既一線頭女主角, 淪為二線尾女老角, 要做郭羨妮, 佘詩曼同埋吳卓羲呀媽…好坎坷! 個樣亦勁憔悴+殘+皺…即使佢另一個有情有義o既舊男友戚其義仍然搵佢演出佢所有o既大製作…但係已經紅唔番起! 所以今次見到佢可以40歲人再次艷光四射, 重拾信心…我o地應該戥佢高興o既!

邵美琪就奇蹟地靚番晒, 唔知我另一個“我本善良”偶像-溫兆倫…有無機會再起番呢?! 15年後o既今日, 我o地會唔會有機會睇到個“中年版”o既“我本善良”呢?! 邵美琪回復當年勇, -而溫兆倫個look都唔算走樣得太交關o者…無線應該可以諗o下依家拍番套“我本善良”續集呀…! 算啦, 我講o下o者…我知無人會認同我!

不過溫兆倫下個禮拜上o個套“奪命真夫”, 我真係幾有興趣睇…好似好懸疑好緊湊咁…但係,其實唔知咩為之“奪命真夫”呢?

6-17(fri) 美麗傳說2之星願 (5)

2005-06-17T01:26:00.000+08:00

睇預告知道“美麗傳說”就快完…點可以咁o架?! 真係好好睇o架嘛! 呢兩個禮拜繼續係節奏超明快…明快到有d追佢唔到!

今個禮拜尾應該會講到梅姐知道自己生cancer, 曼玉又眨?眼同?鬼佬結婚…咁快就去到90年代尾?! 咁又係, 套劇第一集一開始就已經係講2000年“地獄變” (無間道) 首映, 各個80年代紅星又再聚首一堂, 一齊出席呢個首映, 再去偉仔同嘉玲屋企傾番20年前大家相識o既經過, 跟住就倒?番去80年代所有人未紅o既日子…! 我諗佢結局o既時候應該會再首尾呼應講番“地獄變”o既!

呢幾集連朱麗蒨呀, 卓英雄 (趙文卓) 呀, 文武 (林國斌) 呀咁都出埋喇…仲要又係全部個look都幾似喎! o個個做“文武”o既唔知係邊個o黎o既呢? 仲有, 扮朱麗蒨o既郭家頤個造型都幾似, 同埋都幾靚女!

我覺得梅姐o既人生真係好坎坷囉…其實大家不嬲都知o架喇, 但係依家o係套戲度又睇多次, 真係覺得佢好慘! 個老豆 (我諗係想影射現實中o既梅媽+梅大哥) 又不停咁問佢?錢, d徒弟 (我諗主要係影射草蜢) 又咁唔生性, 又係敗晒佢d錢…佢鍾意d男人又唔鍾意佢, 佢想做番一個平凡o既女人又做唔到…睇劇中佢由始至終為華仔做咁多o野, 跟住到佢知道華仔同朱麗蒨一齊扮無o野o個種失落樣…真係好可憐!

最搞笑係梁思浩扮o既劉培基話: “幾年前唔係我叫你學呀倫話唔?獎, 依家都唔知幾肉酸呀”…真係幾好笑! 仲有, 除o左本身個樣似之外, 陳煒扮梅姐把聲都扮得好似!

(真係好似呀, 大佬!)

6-15(wed) 攔途截劫

2005-06-15T01:53:00.000+08:00

今日o係中環, 居然又俾我遇到o個d “攔途截劫”o既姐姐仔! 中環o個d姐姐仔其實就比一般pro好多, 醒好多, 識做好多o既…反觀銅鑼灣o個d操鄉音“篤篤黨”c-lai, 一日就係鬼鬼崇崇咁o係條街度攝出o黎, 然後好陰濕咁篤你手臂下! 呢d姐姐就過份地有禮貌, 次次都係: “噢! 唔好意思, 係咪嚇親你呀? 我都知你好趕時間, 我只係想講少少o野…” 第一次我真係以為佢有咩想問, 有咩想講, 點知聽落去就係話咩“想搵人拍政府宣傳片, 係教人搵工定唔知咩…”…懶係標榜自己好正經, 好有目標, 絕對唔係sell你!

今次我直頭一聽到佢話“政府宣傳片”, 即刻聽都唔聽佢繼續講, 話: “唔洗喇, 唔該!”…我唔知佢今次又想話拍咩, 但都無謂o徙時間聽佢o翕落去啦! 一年前你又用呢招, 整整一年後你都無咩進步…咁樣唔得o架?! 我個樣都唔係蠢到似好易俾人呃o個d o者?嘛?! 無錢買鏡我都會搵盆水照o下自己個樣呀…呢幾次走o黎“sell o野”o既妹妹仔, 個個都青春貌美過我, 要去拍宣傳片, 佢o地自己唔拍?! 可能佢話政府宣傳片係要d平凡d普通d o既路人甲乙丙, 但都唔洗搵我呀?! 雖然呢d o係中環“搵食”o既姐仔係討好+pro過銅鑼灣o個d“篤篤黨”c-lai好多…但呀姐仔, 你唔係以為我仲係d 10零歲會發明星夢o既妹妹仔呀?! 咁你太侮辱我喇!

尋日睇無線“最有趣”o既節目“東張西望”, 見到班“香港先生”入圍者…真係好可怕呀! 男人之家搞埋d咁o既o野…點解會有人參選o架?! 騎呢佢o地又唔夠當年亞視o既“香港男士”騎呢…仲懶係sell靚仔咁…都唔知佢o地想點?! 其實想入娛樂圈, 點解唔參加藝訓班呀?…可能佢o地真係想一夜成名啦!

今日“開心大發現”講香港近期o既嚴重“蚊患”…聽到呢個topic即刻錄起佢, 因為佢話教點樣預防俾蚊咬…點知睇完晒淨係知佢講話: 體溫愈高o既人, 蚊就愈鍾意針, 所以著得愈深色衫o既人, 就愈危險…但係, 我想問如果好似我咁成日???覺俾蚊咬…又可以點預防呀?!?!?! 好痕呀!!!

6-14(wed) 再生緣

2005-06-14T01:57:00.000+08:00

前一篇講開“偶遇”天王巨星馬國明…點知今日睇張玉珊o個個“修身堂瘦出美麗人生”又見到佢…佢個feel真係好似林家棟, 大家都咁茄喱啡…跟住呢幾日煲“再生緣”, 又見到佢…好可怕呀!

當年睇呢套劇, 完全無為意有佢o既存在, 因為佢仲未受力捧, 只係做d大配角! 其實佢呢個角色都叫有d戲做, 亦絕對記得有呢個角色存在, 但完全唔知o個個係佢囉! 佢第一個令我有印象o既角色, 係o係“律政新人王”度做一個見到d勾爛o左絲襪o既女人就會好興奮o既變態佬…印象咁深刻係因為佢做得好似, 直頭係度身訂造!

今次佢“再生緣”呢個“病wai”角色…亦都幾適合佢…好茄哩啡樣! 不過真係人紅自然好樣d…依家佢點都叫做型過o個時o既!

佢o係呢套戲應該最終會同楊怡一齊…真係o徙o左楊怡…要同佢做一對! 我覺得楊怡o既古裝扮相真係幾靚幾清秀…抵佢有得上位o既!

其實呢套戲o既所有新舊人, 主角或者配角 (好似劉玉翠, 黃宇詩, 莫家堯等) 都做得好好, 古裝劇得o黎又唔老土, 仲幾輕鬆添…同埋d對白都幾搞笑, 真係一套幾高質o既劇!

主要劇情其實只係講孟麗君女扮男裝, 經過一輪錯摸之後, 終於可以同佢最終發現o既心中至愛, 亦即係佢o既指腹為婚老公皇甫少華相認! 中途其實睇得幾煩?, 但又幾好笑…尤其見到林峰懶on直同埋傻氣o既樣, 真係幾抵死! 我個人認為 (唔係, 其實仲係同好多人discuss過o既結論) 林峰真係做得幾討好o架! 佢同葉璇都係做古裝比時裝更討好 (雖然佢o地做時裝劇都唔差, 尤其“律政新人王”?面o既林峰), 因為佢兩個個樣比較古典, 同埋講o野個style都比較文皺皺…可能因為佢兩個o既母語都係普通話啦! 其實我覺得佢o地真係好襯! o係內地. “璇峰”真係好紅, “再生緣”亦真係好hit…唔信大家自己可以上網摷?…不過因為d負面新聞, 香港d觀眾始終對葉璇有偏見, 而林峰亦都好似已經比吳卓羲爬頭…但我始終覺得林峰有料過吳卓羲好多 (雖然我都ok吳卓羲)!

當年葉璇係第一女主角 (擔o既戲仲多過其他男主角添), 但依家反而做配角o個幾個仲紅過佢! 最掂o既當然係胡杏兒啦, 3年前o係呢套戲仲係做暗戀林峰o既大配角, 今年就一年有四套戲上, 係最多產o既女主角! 就算o係“西廂奇緣”, 兩個配角胡杏兒同馬國明都上晒位做男女主角, 胡杏兒甚至仲主角過葉璇添!

楊怡同馬國明今年都有幾部戲上, 反而葉璇依家頂多可以話係停留o係3年前o個個位, 甚至係倒退o左!

仲有, o個個馬德鐘雖然無線依然力捧佢, 俾好多戲佢擔, 但佢真係唔太掂囉! (同埋我真係想講好耐, 佢個名真係好似一個鐘…即係“大笨鐘”之類呢!)“衝上雲宵”之後人氣好似又滑落番, 一d都唔討好, 似番以前做“男主角的情敵”o個種感覺! 個樣好茄喱啡, 好克人憎…依家睇番“再生緣”o個個古裝look, 好唔掂, 好奸, 好煩!

最後我想講, 葉璇o既女扮男裝look真係好睇過佢做番女人個look好多, 佢作女裝打扮反而有d似男扮女裝囉…哈!

以下係我3年前寫關於台慶提及“再生緣”o既o野…原來我當時已經講過對葉璇男裝打扮o既觀感:

3) 躍進女演員: 胡杏兒 or 葉璇 (估計胡杏兒應該機會大d, 因為“流金”o岩o岩播完, 而且一向做弱智角色都出d, 雖然我覺得佢平時做d正常角色都有d似低b! 個人prefer葉璇多d, 好鍾意睇佢同林峰做“再生緣”, 真係做得唔錯…尤其佢個男裝扮相靚過佢做番女仔好多, 演技亦好過胡杏兒! 不過兩個都係力捧緊, 叮噹碼頭, 唔知點估…加埋個人喜好, 我撐葉璇!)

4) 躍進男演員: 林峰 (唔記得陳豪有冇份候選, 如果有, 佢o既機會大D! 至林峰, 雖然我覺得佢似少年魯振順多過少年古天樂; 但無可否認, 佢由一出道已演得唔錯, 由“美味情緣”到“尋秦記”再到“再生緣”, 都演得好好…所以我buy佢; 仲有, 阿利孝和夫人都buy佢嘛!)

5-11(wed) 創世紀2之茄喱啡

2005-06-11T06:20:00.000+08:00

好騎呢, 前幾日去唱k居然聽到隔離房唱緊“創世紀”主題曲…真係好騎呢! 不過我o地上次都唱o左“你不識愛我”…原來我o地先係騎呢o既“始作俑者”…重播劇o既威力, 真係不容忽視!

呢幾集講到葉榮添忽然轉晒性, 又走去買helen買過o個支lotion型物體, 又睇“梁祝”睇到喊, 好搞笑…但之後講helen走o左跟住整個孖生郭可盈出o黎, 就真係唔該晒喇!

上個禮拜有集又有楊怡, 今次做一個有幾多句對白o既茄喱啡…佢同林峰都o係“創世紀”之面一人分飾幾角…我覺得可能陸續有來! 仲有, 馬國明o既角色又出現番…咁多個茄喱啡之中佢都算最吃重! 跟住尋晚仲勁, 居然有呢期人氣最“勁”o既宋芝齡做古天樂秘書, 都有幾句對白o架…同埋佢個樣依然係一pat咁…有d似梅小惠 (不過梅小惠靚過佢好多)! 然後呢期介紹“醫道”又係佢+崔建邦…話佢兩個都係半個韓國人喎…咁都ok o既…橫掂套劇都無咩人睇!

不過都唔夠吳卓羲勁, 居然上埋“勁歌金榜”第一位, 力捧真係力捧…無得講! 但佢唱live又真係唔差喎…同睇mv時無咩分別, 又或者係隻歌太無難度, 同埋佢錄音時都唔見得唱得十分好! 下期可能到林峰上金榜冠軍…d歌星可以摺埋一排先喇!

而o個個優秀選都算ok…咁多人反而張敬軒唱得最好, 同埋玩打鼓最有音樂感! 之前我講過話“女生宿舍”之中我覺得最掂o既toby, 依家個人發展都做得幾好, 至少唱live有d水準, 好過大部份新人…even薜海琪! 但薜海琪都算唱得唔差o架喇, 同埋無o左個騎呢短髮造型真係好睇好多…佢係髮型影響外形o既一個最extreme例證…你睇“學警”o個個長頸鹿look加埋生硬o既演技再加唔多討好o既角色…真係好想kum佢兩巴! 反而苗僑偉同陳鍵鋒o個段“父子情”係全劇最好睇o既一部份…好過苗僑偉走去力追米雪o個part好多! 呢套劇基本上係有d似教育電視, 好有說教型式…d劇情就真係無睇5集仍然追得番…但唔知點解我同好多同學仔仍然好鍾意睇?!!

跟住朝早又見到重播“賴布衣”, 可能真係要食住苗僑偉呢期個勢…重播番佢d舊劇…最好係“生[金秀]橋王”啦! “殘酷一叮”又有佢, “獎門人”又有佢, 睇報紙仲見到佢老婆仔女添…原來我上次o係district court門口見到o個兩個細路真係佢o既仔女…佢個女真係醜樣o左好多, 個仔就有幾分似佢, 但兩個o既感覺都好囂張! 同埋, 有無人可以話俾我聽點解苗僑偉會叫“三哥”呢?!

o岩o岩睇電視節目, 發覺禮拜4開始朝早11:30重播“再生緣”…呢套係我好好好鍾意睇o既戲…連我呢d咁唔熱愛古裝劇o既人都咁buy佢, 當然係近年o黎o既水準之作! 亦都係因為呢套劇令我幾欣賞林峰同葉璇 (雖然呢個無人認同, 但係o係內地“璇峰”同“再生緣”都真係好hit o架喎…依家網上仲有好多人discuss)…絕對好睇過“西廂奇緣”200倍! 林峰同葉璇都係適合做古裝多過做時裝, 反而叫吳卓羲做古裝書生就真係好唔掂! 仲有值得留意o既就係戲?面兩個配角楊怡同胡杏兒…胡杏兒呢幾年內真係幾速上位, 仲超越埋葉璇添!

6-11(sat) 馬國明

2005-06-11T02:01:00.000+08:00

今日最騎呢o既係, 12點幾搭地鐵, 撞到我“最欣賞”o既男星…馬…國…明! 佢同一個唔知係咪佢女友o既女子一齊, 頭戴cap帽…除o左我之外, 好似完全無人認得佢…果然係無線力捧紅星!

年半前無線播緊“非常外父”時, 有個同學仔話o係太古站見到“高威利”, 仲讚佢高大威猛靚仔etc., 我o地仲笑o左佢好耐, 話佢有個咁型o既偶像…哈哈! 講真, 高大係事實, 威唔威猛我唔知, 但靚仔就…作為普通人都ok o既, 但作為一個明星…佢絕對可以慳d! 同埋佢俾人o既感覺好廢囉! 30歲先做新人, 會唔會有點兒那個呢?! 就算有個唔知archi 定咩degree又點呀?

我唯一欣賞佢o既係…佢咁“紅”仲夠膽搭咁多公共交通工具…搭完地鐵又搭小巴…最抵死係佢行o左咁大段路一個人望佢都無囉…或者因為咁, 佢先夠膽咁搭公共汔車周圍去…俾著同樣係“S4”o既“吳唱k”, 就一定唔會喇!

跟住同人講起見到無線力捧巨星馬國明件事, 佢俾我o既反應簡直係…笑死我!

我: 我o係地鐵見到馬國明呀!
她: 邊個馬國明呀?
我: 馬國明你都唔識? 天皇巨星…無線力捧新偶像…!
她: 真係唔知喎…邊個o黎o架?
我: 呢…S4呢…同吳卓羲呀, 陳鍵鋒o個d一齊呢…
她: 啊…吳鍵鋒同陳冠希呀…呢兩個我識…
我: ?? 係吳卓羲同陳鍵鋒喎!
她: 啊…我知, 我知…吳卓羲同陳鍵鋒嘛…但我都係唔知邊個馬國明喎…!
我: 呢…o係“非常外父”做“高威利”o個個呢…o係“西廂奇緣”做皇帝o個個呢…
她: 啊…係咪做“鄧寄塵”…好鬼誇張o個個呀?
我: 係啦, 係啦…咪佢囉!
她: 最憎佢o架喇, 誇張到死! 鄧寄塵都唔係咁o既…一見到佢就想轉台…唔怪得知我唔知邊個馬國明!
我: 咁你又講得幾有道理…!

o係呢一刻, 我只想以會考/高考英文oral 金句: “I agree with you” o黎表達我對此o既認同! 真係英雄所見略同…笑爆咀!

6-10(fri) 明星

2005-06-10T02:05:00.000+08:00

呢幾集“美麗傳說”講o左好多套勁戲呀, 又“旺角茶花女” (旺角卡門), 又“22世紀神龍俠侶”(91神鵰俠侶), 仲有套佢o地話係集所有明星o既“小流氓”(阿飛正傳)…好搞笑!

“阿雷”(阿梅) 呢期個長髮look都做得好似…我覺得阿雷 (囡) 呢個名都改得好好…同阿梅 (妹) 相互呼應!

仲有,“遲星天”個角色真係好克人憎, 我估星爺個人就算唔係特別好, 都唔係不知所謂得咁交關o卦?! 佢同“阿金”分手o個段咩“如果要為呢段感情加一個期限, 我希望係10萬年”…哈哈! 連“西遊記”都出埋!

我亦都真係唔記得L君係追過劉嘉玲 (相信萬子應該係扮L君o卦?), 仲有埋個傍友“神童”, 好明顯係講“神童輝”…真係d諗唔到o既角色都有埋, 真係人材濟濟! 頭o個幾集講星仔同偉仔拍“747好玩得”, 連譚玉瑛姐姐都有埋, 真係唔到你唔服!

劇情方面, 連劉嘉玲俾人拍裸照 (呢度好似改o左少少, 只係話佢俾有勢力人士打…不過都唔洗太explicit啦), 華仔唔肯同tvb簽長約被雪藏, 之後又俾人用鎗指住迫拍戲, 同埋2003年o個個為劉嘉玲搞o既“天地不容”活動都有!

今日連“朱麗蒨”都出埋, 仲搵o左“殭屍3”做萬綺雯個女o既郭家頤做呢個角色, 個感覺居然有d似喎…同埋郭家頤個樣都幾靚, 唔知佢又o係邊度走出o黎o既呢?!

但佢o地拍90年代o既戲, 居然個背景有成幢ifc2…好心唔好咁求其, 留意o下d細節嘛…唔好o係o個d位拍外景咪得囉!

不得不提, 隻主題曲“明星”真係揀得好好好好好…好o岩套戲個feel囉! Perfect!

6-9(thurs) 杜田婚禮

2005-06-09T02:10:00.000+08:00

o岩o岩睇o左“先睇星期四”, 講杜田婚禮, 反而比起睇佢o地婚禮o既片段好笑好多, 幾精彩! 跟住睇埋佢o地o個d好無聊o既整古環節, 發覺曾華倩真係醒o個批 (雖然我好懷疑佢o地每次整古人o個d電話都係夾定o既)…不過欣賞曾華倩已經唔係今日o既事, 幾年前睇佢主持佢o既另類婦女節目“女人.come”, 已經發覺佢轉數好快同埋講o野好抵死, 同佢o係80年代tvb時期留俾我o既印象好唔同!

取代“大飲茶”o個個節目“東張西望”, 睇o左幾日覺得頗為無聊, 尤其係講完d佢o地以為好好笑o既o野, 居然再配以d“罐頭音樂”…好可怕…我寧願佢做番大飲茶! 阿楊思琦真係仍然成個“白痴厘”咁…得個樣真係無用o架 (仲要我由始至終都唔覺得佢靚)…每次d人懶有趣咁叫佢“思琦姐”, 跟住佢就會每一次都俾番一個exactly一樣o既答案, 話:“係思琦妹o者!”佢個人o既yim悶指數真係達200!

個節目擺明係學亞視o既“冷知識衝動”+“開心大發現”…尋日有王苑之…我覺得佢個樣好似唐韋琪姐姐!

今年港姐仲有趣, 居然有english tang (屯門王子鄧英敏) 個女鄧上文參選…都幾靚女o既 (尤其同佢老豆比) , 同埋我一路都對佢印象好深刻…事關呢個妹妹真係由細睇到佢大, 年年d咩“歡樂今宵”藝人下一代表演, 除o左欣宜, 佢同佢細佬都係必然之選…我記得有年“大飲茶”有個環節係叫d藝人下一代去做o下暑期工捱o下苦, 仲全情直擊個過程添 (不過俾人跟o個個好似係佢細佬)! 早年o既“媽媽真的愛你”都有佢o地全家表演…我仲有餅帶o係度! 之後又見佢拍“仙樂飄飄”做童星, 好明顯呢個妹妹好有表演慾, 亦好想入娛樂圈! 依家走去選港姐, 都幾o岩呀!

至於呢期o既勁歌, 無o左何韻詩真係完全失晒色, 收視跌o左好多, 連我呢d勁歌core fans都唔睇…真係o徙晒! 個崔建邦仲俾人影到同另一個主持唐詩詠買大床, 真係好騎呢! 更騎呢o既係發覺yumiko唱live好o左好多喎, 又唱又跳都無以前咁恐怖…但更更更騎呢o既係我一向認為唯一唱歌可以仲難聽過yumiko o既bobo, 到依家仲係一d進步都無…我衷心覺得佢係唱歌最難聽o既歌星! o個隻“情迷黑森林”主題曲…好難聽! 點解佢咁無自知之名?! 做番model/做戲咪好囉, 佢唔開聲真係好好多!

6-8(wed) 美麗傳說2之星願 (4)

2005-06-08T02:12:00.000+08:00

尋日睇杜文澤同田蕊妮結婚, 排場好勁, cast更勁, 連劉華都做兄弟, 又黃秋生, 又吳君如…好浮誇! 好有一種一朝得志o既感覺…哈哈! 其實田蕊妮我都ok, 但係杜文澤所謂“紅”o左之後, 感覺真係好不知所謂, 一日到晚都黐埋d紅人度, 真係好核突!

反而佢以前o係亞視做二打六o既時候=討好d好多, 佢做“殭屍”o個時我真係覺得佢幾搞o野, 幾鬼馬o架…跟住佢紅o左d之後仲去做另類婦女節目“女人.come”, o個時都ok有趣o架喎…但就因此“搭上”o左曾華情, 繼而黐埋吳君如度…一味靠黐…我真係唔覺得佢做電台節目有幾咁好囉, 得兩個字:“浮誇”!

同埋我想話, 大塊田依家個look有d似白姐姐…佢當年做“縱橫四海”個爆炸頭look反而型好多! 佢唱o個隻結婚歌都幾難聽o下…太高音喇…調低d個key會o岩佢唱好多! 佢以前細細個o係亞視唱o個隻94世界盃主題曲咩“熱蕩的宇宙”仲唱得好聽d!

仲有, 我見到曾經o係亞視做3線藝員o既黃美芬做其中一個姊妹, 真係好耐無見佢! 曾經o係“殭屍”年代, 佢做青蛇做到我o地個個都識!”

今期“美麗傳說2”講張曼玉俾個男友呃, 我真係完全唔知有d咁o既事囉, 係有人話我聽好似真係發生過先知原來真有其事…所以話, 睇呢套戲真係可以知道番好多“歷史”…溫故知新!

如果唔係睇呢套戲, 我更加唔知道原來偉仔同嘉玲係因為拍“花心大丈夫”而走埋一齊…套戲都幾寫實!

(我都係睇番呢度先知)

但係佢套“花心蘿白”禸容真係未免太無聊, 對白亦極其核突…不過可能本身套“花心大丈夫”就係咁無聊…佢亦都係寫實o者! 即使講偉仔同曼玉o個段d人話個劇咁作o野會誤導人o地以為佢o地早期真係有路, 但其實係因為無o左華倩, 個故事將佢同偉仔o既三離三合故事放埋落曼玉條線度o者, 作得o黎都幾寫實呀, 仲令劇情更加緊湊!

不過孫耀威同陳法蓉個感覺真係太姐弟戀喇…而事實上陳法蓉又真係大孫耀威一大截, 唔太襯囉, 我寧願佢同應采兒!

6-7(tues) 美麗傳說2之星願 (3)

2005-06-07T02:13:00.000+08:00

萬分感激…真係好衷心多謝“救我一命”o既朋友! 其實上個禮拜我只係諗住o係度呻o下錄唔到最緊張o個集“再生緣”o既悲哀…估唔到真係有朋友睇到, 仲同我一樣追緊呢套咁正o既戲, 仲有錄低第16集, 仲肯燒隻碟俾我…真係好多謝您…江湖救急, 無言感激!

(再續前篇)

又要繼續講呢期力追緊o既“美麗傳說2”, 真係集集都會發出會心微笑…今日我又推介o左俾一位“特別”o既朋友睇…我話佢比其他人更加應該睇, 因為套戲係講80年代o既娛樂圈, 佢應該會有共鳴!

呢幾集仲出埋陳可辛同埋俞琤…真係估佢唔到…連俞琤都有! 之前搵陳寶轅扮o既“德米”已經夠抵死o架啦, 依家仲要搵埋亞視o既陳年藝員陳靖允出o黎扮俞琤, 真係好可怕…但佢又出奇地做得幾好, 同埋佢同“吳君如”段戲都幾有趣…尋晚仲無啦啦講o左佢slogan-“在陽光燦爛的日子下看得見的甜蜜”…令人諗起商台近期一個晨早節目…真係不得不講多句: 好抵死!

今日又講星爺, 仲出埋朱奀添…真係好頂癮! 扮星爺o既張嘉倫都做得唔錯, 做得幾放…但係劇情都講到星爺幾賤o下! 佢又係拍“o靚妹”李綺雯, 唔知亞視係咪想捧佢o地做新一代螢幕情侶! o靚妹其實個感覺有d似呀sa (唔知我咁講會唔會俾twins o既歌迷打死?!)…要佢扮身材勁好o既朱茵…有d搞笑!

今日仲出埋李力持, 又拍“倒米壽星”, “逃學威龍”, 又有“5條煙”o個幕, 仲有“他來自羅湖”同埋“747好玩得” (430穿梭機) 添…好抵死!

好多人問我何慕詩 (sorry, 人o地好似改o左名叫咩何彥樺, 但真係唔見得改名會有任何幫助, 亦唔見得會多o左人識佢…但係唔知點解d半紅不黑o既藝員仍然咁鍾意改名…可能真係為o左買個希望啦! 我總係覺得佢叫“mousse ho”型好多…當年都係因為佢個名咁特別, 我先會記得佢o係tvb做過短暫o既唔知“天地線”定“大飲茶”) 做o個個 “呀金”係扮邊個…我都真係唔知喎, 係咪有d羅慧娟o既影子?! 可能係幾個人o既混合體啦…邊個知道記住話我知!

6-6(mon) 美麗傳說2之星願 (2)

2005-06-06T02:15:00.000+08:00

(續前篇)

繼續講埋呢期o既“勁劇推介” -“美麗傳說2之星願”…真係幾有質素o既一套劇! 除o左劇情幾緊湊之外, d演員亦都真係做得唔錯, 尤其係佢o地d造型真係不得不讚, 似到暈…仲會隨住劇中o既年代變遷而整番o個個明星當年o既造型, 真係抵死到不得了!

要數最似o既當然係陳煒啦, 佢簡直由外似到內…無論樣貌, 外型, 服裝, 髮型定係講說話 o既口?都似梅姐似到絕! 其實佢96年選亞姐時, d人都不停話佢似梅艷芳同埋梁詠琪 (o個期好興短髮, 仲有一個“真情”呀雪-滕麗明都係俾人話好似梁詠琪)…今次佢就真係有用武之地…簡直係佔盡天時地利人和!

第一集見佢o個個2000年o既金毛短髮look加埋佢講o野o既語氣, 真係以為見鬼呀! 之後就倒?番去80年代初, 佢o個個大鬈髮look, 再加o個套似到十足o既金光閃閃新秀戰衣, 同埋佢扮o個把“IQ博士”式雞仔色…真係一絕! 仲有o係“痴心扣”(胭脂扣) o個個“曇花”(如花) look同埋唱片個“壞女孩”look, 又係似到爆! 睇片頭仲見到佢扮梅姐o係“最後的演唱會”中o既假髮婚紗look, 似到令人有d驚…之後見佢o係個舞台度?低o左…唔知係咪要講佢死o係舞台呢?!

好多人都唔多鍾意陳煒, 但我又一路都覺得佢ok喎…d演技亦不嬲都唔算差!

其他演員就無一個個樣係似佢o地扮o既明星o既, 但係可以見到每個演員都下過苦功…幾落力o下! 同埋d造型+髮型都好鬼似!

應采兒同孫耀威幾本上一d都唔似張曼玉同梁朝偉, 但係佢o地d唔同年代o既造型都幾似, 同埋應采兒其實幾靚o既, 不過唔開聲會好d! 其實佢同孫耀威o係某d神態都有d似曼玉同朝偉o既…不過孫耀威未免笑得太多太燦爛, 無o左朝偉o個種cool! 又或者80年代o既偉仔真係咁都唔出奇…但我真係唔記得! 我反而覺得佢一日到黑e起棚牙笑口噬噬咁, 有d似方力申囉…係幾靚仔幾討好o既, 不過佢已經一把年紀, 仲好似以前咁走d陽光男孩路線, 就未必人人都buy喇!

至於o個個扮華仔o既王浩然, sorry! 真係唔多似…好似其他朋友所講, 佢個樣似張國榮多d! 但係反而扮leslie o個個不知名演員, 真係唔多掂, 完全係侮辱o左哥哥…雖然我都知哥哥唔係呢套戲o既主線, 但都唔洗咁求其搵個人做呀?! 畢竟之後都要講梅姐因為哥哥o既死而情緒大受影響, 病情亦都急轉直下嘛…!

而陳法蓉亦都做得幾好, 扮唔同階段o既劉嘉玲都扮得有d似, 身村亦都同嘉玲姐有得揮! 當年佢選港姐時d人成日都話佢身材好, 但o個時我又唔多覺 (可能係根本唔識睇), 後來睇落又真係o既…! 同埋以前真係一d都唔覺得佢靚 (雖然唔知點解89年港姐我又支持佢多過佢o既勁敵翁慧德, 佢選完之後我仲去o左當時叫“香港電視服務站”(近年改o左名叫“地利店”) o既地方換o左張佢o既港姐冠軍poster…依家仲o係我間房暗角處摺埋o左…都唔好話我唔俾面!)…但近年睇戲, 尤其係“美麗傳說1”, 又覺得佢幾靚喎…原來當年d評判都真係有佢o地o既眼光…好似郭藹明又係咁, 當選o個陣我都一d都唔覺得佢靚, 但逐漸睇落又真係唔錯…評判o既眼光真係雪亮o既!

而咁多個主角之中做得最好o既…我認為係江欣燕! 佢o係外型完全無一忽似吳君如之下, 居然都演繹到佢o既神髓出o黎, 尤其扮佢大笑o個陣, 真係幾似! o係EYT 多年o既扮o野training, 果然係有番兩度…所以話“歡樂今宵”係藝人o既木人巷…真係無講錯! 同埋江欣燕本身都幾靚女o下, 要特登去醜化自己再塞d o野落個身度扮肥, 都有put effort o既…值得加許!

(下期再續)

6-4(sat) 美麗傳說2之星願 (1)

2005-06-04T02:16:00.000+08:00

終於都有機會講o下呢套我追o左3個禮拜, 推介o左俾至少30個人o既亞視重頭劇! 其實呢套劇真係應該講o左好耐, 因為依家播到一半先講, 大家就算開始睇都會miss o左好多…不過唔緊要, 我相信亞視應該會o係不久o既將來又重播o卦?!

我覺得即使係對亞視有偏見o既朋友, 都應該試o下睇一兩集, 因為佢基本上同亞視平時自已製作o既劇集有d唔同 (除o左d演員大致上都係平時睇亞視見慣o既面孔再加幾個外援)…最顯著o既分別就係呢套戲節奏勁明快囉…完全係快到你miss一集, 劇情就好似已經過o左一年咁!

我覺得王晶果然係有d料到, d人成日話佢拍埋d電影係“屎尿屁”, 其實佢都唔知幾有腦…今次呢d娛樂圈爆料式劇集, 完全開正佢o個瓣, 正如佢自己o係製作特輯所講, 無人比佢更有資格拍呢種戲, 因為佢本身已經見證o左呢廿年o黎娛樂圈o既變化, 同埋佢呢套戲所提及o既娛圈80年代經典巨星o既誕生+起跌…好多娛圈秘聞, 由佢爆出o黎的確係更加抵死! 仲要係好de-till, 咩細節都有, 你簡直係估佢唔到囉!

我直頭覺得自己o係度睇緊一套documentary, 廿年娛圈秘史咁…即刻想去摷番d舊雜誌o黎溫o下歷史先睇呢套戲…咁先顯得我睇得幾咁認真!

http://www.hkatv.com/drama/05/dreamdesire2/

依家已經無啦啦做到90年代喇, d主角o既髮型同裝扮都變晒, 節奏明快到我有d估佢唔到 (雖然偶然都有d悶位)…真係同其他亞視劇好唔同! 同埋我推介俾10個人, 有9個半都話好睇 (所以依家有好多朋友同我一齊discuss劇情, 真係高興!)…大家有時間真係不妨睇o下, 尤其係一眾電視迷或者好似我呢d 80年代迷, 唔睇簡直係一大損失…而我唔o係呢度推介俾大家, 我就簡直係對唔住我o既所有讀者!

我覺得呢套戲完全係for我o地呢d成長於80年代o既人…只要你當年有得閒睇o下電視, 睇o下報紙, 都總會對劇中提及o既事情略有所聞, 繼而發出會心微笑…因為某d位真係拍得幾抵死o下!

更加不得不佩服王晶改戲名o既功夫, 抵死到痺…咩“少年警察” (新?師兄), “痴心扣” (胭脂扣), “有緣” (緣份),“咖喱魚旦” (咖喱辣椒), “花心蘿蔔” (花心大丈夫) “阿雞正傳”(阿飛正傳), “金粉綠葉” (金枝玉葉), “地獄變” (無間道) 等等…大家一聽個戲名就已經知道佢係講緊邊套戲…真係好抵死!

(太多o野要講, 下期續)

5-30(mon) 亞視台慶金曲夜

2005-05-30T04:54:00.000+08:00

前一篇講開亞視529台慶, 其實我仲有另一個相關o既節目係未講o既, 就係禮拜六o既“亞視台慶金曲夜”! 呢個節目都幾騎呢o下, 好似一個pre-台慶show咁, o係台慶之前o個日搵幾個所謂“唱家班”唱盡亞視 (加埋麗的) 48年來o既經典主題曲…真係“一雞兩味”, “食得唔好o徙”…咁騎呢o既節目都俾佢諗到, 真係要套用我當年o既“偶像”尹天照o係某年亞視台慶 (好似係99年) 講o既肺腑之言…“試下放低偏見, 欣賞o下亞視o既誠意"!

亞視真係偶有佳作o架, 同埋比起無線有創意, 因為佢o地無慣性收視o既包袱! 最頂癮係無啦啦有n個呀叔呀嬸一齊組成o既“亞洲之聲合唱團”, 真係完全唔知佢o地咩頭咩路, 亦唔知佢o地o係邊度搵返o黎…但係都唱得幾有水準 (以classical songs o既standard o黎講…但係毛管亦都少不免棟起o左)!

更騎呢o既係原來有個咩“亞視之友會”…可能專係俾亞視fans, 我覺得我應該加入囉!

而亞視專登請o黎唱呢d歌o既劉雅麗亦真係唱得幾好, 反而葉振棠就有歌藝倒退o既跡象.

亞視,咁多年o黎o既主題曲亦都頗有水準…尤其佢唱番d青春劇o既主題曲真係唔錯, 套套都好經典! 聽到o個d輕快o既前奏已經令人心情興奮…“IQ成熟時”啦,“甜甜廿四味”啦,“對對糊”啦 (主題曲叫“心思思”), “驟雨中的陽光”啦 (呢隻比較悶, 套戲亦都比較悶)…一邊唱d主題曲一邊仲播番劇集o既片段…真係令人好有衝動去?番d珍藏錄影帶出o黎睇! 麗的年代o既青春劇確係幾掂, 同埋套套劇+隻隻主題曲都有一個特定o既style, 一聽到就知道係同一時期, 好有特色!

http://www.hkatv.com/special_events/05/atv48anniversary/

跟住仲有近年o既經典劇集主題曲, 好似“美麗傳說1”呀,“縱橫四海”呀, 同埋我最最最鍾意睇o既“殭屍”…當年真係追得好瘋狂o架…o個日個節目佢o地唸番馬小玲捉殭屍o個句口訣:“臨、兵、鬥、者、皆、陣、列、在、前…誅邪”…我到依家都識背, 仲識做晒全套動作添!

仲有, 亞視真係俾好多機會d新人, 連張嘉倫 (扮周星馳o個個) 同“o靚妹”李綺雯都有得做大show司儀…其實張嘉倫係幾有潛質o既, 唱歌都ok喎, 不過係有時過份肉緊+造作囉! 而o個個叫“o靚妹”o既女優參賽者 (好似係冠軍) 都靚o左好多…當年我都幾鍾意睇女優呢個節目…因為真係騎呢+好笑到爆!

5-29(sun) 529真情洋溢台慶夜

2005-05-29T05:10:00.000+08:00

嘩! o岩o岩睇完期待已久o既“529真情洋溢台慶夜”! 舊年已經講過, 無啦啦由323變成529,今年仲無啦啦變o左“48周年”, 生日同歲數都可以年年變, 亞視果然帶領潮流, 配合到佢o地成日講o既宗旨:“力求創新, 勇於賞試”!

無啦啦變o左“48周年”, 仲要大過無線十年, 因為佢今年無啦啦計埋“麗的”年代, 又話麗的係1957年5月29日開台…但之前o個廿幾年o既台慶又唔見佢計埋麗的o個廿年, 真係想點就點, 好random…但我鍾意!

好多人以為我淨係tvb迷, 好驚訝我連亞視都o岩…其實亞視o既劇有好多我都好buy (再加上鋤強負弱o既元素), 尤其係麗的年代o既劇 (特別係青春劇)…嚴格o黎講我係一個“電視迷”rather than “tvb迷”先o岩!

“真情洋溢台慶夜”呢個名真係改得無錯, 亞視永遠都係sell溫情! 一如我o係去年, 甚至之前多年所講, 我最鍾意睇亞視台慶, 因為永遠都有一種好眾志成城o既感覺…同無線台慶o個種grand o既大show感係兩回事, 另有一番風味! 雖然亞視無無線咁人材濟濟, 但勝在d人落力, 全台總動員, 好有一家人o既感覺…同埋你只要睇過亞視是但一套劇, 就幾乎可以識晒佢全台o既藝員, 因為套套都係用呢d人…睇多幾套, 就有種同佢o地好熟o既感覺!

一開始就搵3個亞姐唱呢期熱門話題“美麗傳說2之星願”o既主題曲-“明星”, 跟住就搵幾個最重點o既藝員出o黎每人講一段懶感人o既“感謝亞視辭”…真係好亞視囉! 然後當然係全台藝員大晒冷…但係都只係得o個幾十個, 不過反而無無線台慶咁走馬看花…at least每人可以影到幾秒!

今年同上年一樣, 又有“亞視舞王”陳寶轅表演跳舞, 仲同6個半紅不黑o既姐仔一齊跳, 再加上o個個n年前o既亞姐亞軍饒林虹 (依家又改o左名但唔知叫咩)…估唔到亞視d藝員都幾多才多藝, 跳舞都幾有板有眼…個個無舞蹈底子都跳得似模似樣喎, at least好過+齊過無線台慶o個d跳舞表演!

仲有3個A貨劉華, 樣貌+舉止+聲線係有d似o既, 最抵死係劉華又o岩o岩係今日上勁歌, 睇完真劉華, 轉台又有假劉華! 仲有, 好耐無聽過劉華唱live (除o左佢自己演唱會, 雖然有d part我o地懷疑佢係咪咀o既)…o係疏於練習之下都算唱得唔錯o架喇!

然後又年年如是咁俾機會d藝員唱o下歌, 人人有份永不落空; 好似佢自己一手捧出o黎o既珈穎, 江美儀, 張嘉倫等 (即係o係“美麗傳說2”扮周星馳o個個…唔知呢個人o係邊度走出o黎o既呢? 佢話係2002年o既亞視新人, 短短3年間走紅得咁快, 又做主持, 又拍劇, 必有佢o既原因…); 仲有好多o係無線撈o左好多年都唔紅o既藝人去到亞視都被重用…好似陳啟泰, 黃子雄, 陳展鵬咁…咩大show都有得出o黎表演o下!

仲有“亞視一姐”陳煒, 煒哥咁o既口才都次次有得做大show司儀…留o係亞視真係有得發圍!

台慶壓軸表演嘉賓居然係萬梓良, 我諗係因為佢有份主演今年o既演台慶重頭劇-“美麗傳說2”! 佢唱當年由佢主演o既“大內群英”主題曲o既浮誇表情+動作, 令我諗起佢口水鼻涕一齊流咁大喊:“so what?!”

臨完show前再o黎一招“眾志成城轉碟記”, 48個藝員一齊轉起48隻碟喎…咁無聊都俾佢諗到…好o野! 舊年就集體拉"木台"布, 今年就轉碟, 話要顯示d藝員有幾咁齊心, 幾咁親力親為…但唔該用膠碟啦, 無啦啦吳廷燁轉轉o下打爛o左隻碟, 真係大吉利是! 最尾司儀陳啟泰同埋陳煒都要轉埋一份, 真係戥佢o地分身乏術!

唔知點解我當年o既“偶像”-“亞視一哥”尹天照, 今年只係做坐上客, 無得出o黎表演呢?!

到ending再整番首台歌“用心留住你”…個節目最終又當然正如亞視o既一貫特色…overrun啦!

真係好精彩o既一個節目, 我要keep起晒亞視d台慶錄影帶先得!

(去年的529亞視台慶報導)

5-27(fri) PG家長指引

2005-05-27T06:48:00.000+08:00

呢期有單好抵死o既娛樂新聞…笑死我! 其實呢件趣聞我已經同d朋友笑o左好耐, 估唔到當事人俾記者問到仲可以咁仔細地描繪出o黎…依家d年輕人真係explicit喇…哈!

************************************************************

(27/5/05 太陽報) 楊怡咀得投入唔覺吳卓羲伸舌

吳卓羲與楊怡在劇集《學警雄心》中一場伸利接吻戲惹人議論紛紛，楊怡昨日?新劇《布衣神相》開廠拜神，被問及「利疊利」的感覺時，她笑說：「其實冇喎！但系作?演員，拍咀戲唔通要『妹妹妹』咁就住咩，唔逼真就唔好睇啦！咁你地有冇見到吳卓羲條利嘛？（有！）見到都唔代表佢條利o系我個口入面，講真當時拍都冇乜特別感覺，都冇乜所謂。」她表示與吳卓羲感情很好，就像兄弟一樣：「我仲叫佢練習多o的接吻技巧添！」

對於薛凱琪被問到拍新戲時，會否效法她與吳卓羲的激吻戲時說：「問番伸利o個個啦！」楊怡不覺得她「寸」：「下次叫佢問我羅，不過我都冇佢電話。」

************************************************************

以下o既圖片可能會引起觀眾“不安”, 敬請大家找家長指引:

最最最?膽o既係居然誤打誤撞走o左入人o地個blog, ?面o既內容抵死到呀…估唔到呢個世上真係有咁多人寫o野咁頂癮…我好喜歡…!!!

1) 首先係一個entry叫做 “給楊怡的點唱”…內容居然係:

吳卓羲 - 別怪(他)
他怎計算也無對手
畢竟你我確曾邂逅
如果　沒有記憶也不必顫抖
怎相信最後你竟　隨他愉快遠走
如放任　仍放任　難過更傷透
別怪她　別怪她
別再傷心對吧
從遇見的一剎　是捉緊了嗎
別怪她　別怪她
別再傷心對吧
如學會別再想她
別怪她　別怪她
別再傷心對吧
從遇見的一剎　是捉緊了嗎
別怪她　別怪她
別再敷衍對話
疲倦了讓我休假
（原諒我負了代價）

***好?膽呀! 簡直笑爆咀! (仲有呀!!! 呢隻歌本身都好搞笑…最尾吳卓羲會無啦啦懶深情咁o翕句: “原諒我負了代價”…死未?!)

************************************************************

2) 跟住有人留言話: “吳唱k係少男既夢想 - 佢有胸肌, 可以french kiss楊怡 [慘絕人環], d t-shirt仲要係bathing ape…米雪同李sir返學校扮青春果part, 簡直”law”我命三千!!”

然後link o左去佢個blog, 一睇之下仲抵死…幾個關於“學警”o既entry, 全部都好絕核:

“ 爛仔吳唱k講得最多既係嗲聲嗌: 媽子呀~~~ [同埋鬧李sir係衰人]
係呢個時候所有毛管都棟起晒…
而886講得最多既都係用嗲聲嗌: 我憎死你呀! 死人李柏翹! [加埋踢野/dum地/掉野]
係呢個時候所有少男都暈晒…
吳唱k係少男既夢想 - 佢有胸肌, 可以french kiss楊怡 [慘絕人環], d t-shirt仲要係bathing ape…
米雪同李sir返學校扮青春果part, 簡直”law”我命三千!!
呢套劇實在太正… 我要去網上自由講提議佢開拍學警雄心2!”

“學警聽日就大結局, 聽聞佢地會好“bay”壯咁唱: 強人是你~ wow!!
“走左套學警雄心, 有秀才遇著兵..
走左個“sit海琪”, 有個周麗琪…
兩個都係琪, 不過…
一個講野係英文音, 一個係懶音jei…”

************************************************************

夠命! 睇完呢d日記…我笑死o左! 世上抵死o既人真係多的是…我呢d算得係咩呀?!

(p.s.好鍾意“吳唱k”呢個花名…好有香港特色又幾好聽, 我記得o個次睇k-100, 陳鍵鋒佢o地都係咁叫佢!)

5-24(tues) 學警雄心之“悶局”

2005-05-24T06:40:00.000+08:00

今晚“學警雄心”終於都結局…好心禮拜6完o左佢唔好煩啦! 夾硬拖多兩集, 仲要個主角無啦啦咁死o左, 真係好無謂! 呢d咁o既勵志劇無啦啦死人已經騎呢o架喇, 仲要死得咁無謂, 為o左煽情而煽情, 為o左要整個twist而無啦啦走個大賊出o黎; 仲要好似全香港d警察死晒咁, 佢教教o下警校都要出山捉賊, 最難頂係尋晚佢只係同個上級搭搭o下車撞到個賊就無啦啦整個槍戰, 跟住咁就死o左, 無唔無謂d呀?!

今日收到好多email “投訴”個結局好差, 好悶, 好令人失望 (唔知點解我變o左tvb劇情投訴科…可能我o既電視精形象太深入民心, 所以大家投訴劇情都搵我?!), d朋友同我投訴, 話特登趕返屋企睇大結局, 簡直o徙晒d時間!

對於以上o既控訴, 我超有同感…

夾硬拖兩集仲要係無劇情, 苗僑偉為o左要死而死…跟住結局全集都係懷念佢同埋講passing out…睇完一輪, 到最尾o個節我諗: “未完o卦?! 好多o野都未交代喎”…點知真係咁就完o左! 真係咩都無交代喎…柏翹同fiona係點無講 (雖然我都唔係好想睇佢o地o既談情戲), 呀文同呀花又只係交代o左少少, 曲sir同madam亦都無交代 (雖然我更加唔想睇佢o地o既戲), 總之就係好無啦啦咁完o左啦…好令人失望!

佢o地無啦啦唱起“強”o個part仲頂癮…完全係想幫陳鍵鋒sell佢唱得兩嘴, 但都幾突兀o下…我真係唔覺得太感動!

睇o左一個好悶o既結局, 猶如去戲院睇o左一套爛片或者食o左一餐好難食o既飯…好想大聲叫佢:…………回水!!!

呢期最大得著係o係網度見到一幅楊怡初出道o既相片…係99年台慶做“帶位女郎”陪羅嘉良出場o既一幕…o個時佢仲未做“創世紀”o既茄喱啡…真係5年人事幾翻新! 當時o既茄喱啡, 今日已經係電視劇o既男女主角! 除o左似張可頤, d人仲話楊怡有d似楊恭如…睇完呢幅相, 我都覺得有8個似!

5-21(sat) 學警雄心結局篇

2005-05-21T06:32:00.000+08:00

今日睇預告先發覺“學警雄心”結局篇無啦啦由今晚調o左去禮拜1,2晚….原來因為“大長今”o黎o左, 真係遲來的長今啊! 但係咁樣將個結局放o係禮拜1,2晚, 然後禮拜3先播新劇o既安排真係好騎呢, 都唔知想點…我印象中好耐都無試過! 個新劇又唔多吸引, 相信我可以完完全全咁轉去睇呢期力追o既“美麗傳說2之星願”…呢套劇我要極力推介, 不過今日唔講住, 等大家睇多幾集先!

點知頭先去睇節目表, 又發現願來“美麗傳說2”下個禮拜開始又調o左去10點鐘先播…咁即係點呀? 玩o野呀?! 今個禮拜人o地要睇“學警”結局篇, 你就走去放o係9點線搞到我要兩邊走, 出o左街又只可以是但錄一套…咁你即係趕絕我o者?! 搞到我miss o左幾集, 你又唔好似以前“殭屍”咁朝早播一次, 夜晚又播兩次, 跟次weekend就重播番成個禮拜整整5集…咁先o岩o架嘛, 包你miss o左都可以追番!

跟住深夜我又要睇“創世紀”, 朝早又重播“再生緣”, 跟住前日睇節目表仲俾我發現朝早5點幾亞視又又又重播“Q表姐” (呢套雖然我睇過無數, 但係套劇白白痴痴咁, 又真係睇完又睇都仍然幾kum睇)…幾年前重播先睇過, 但又無無聊聊咁想再睇番…咁樣搞法d時間好唔見洗!

雖然其實“學警”d劇情真係好唔掂, 仲有愈做愈騎呢之嫌, 但個劇種我幾buy, ,d集體生活o既戲好係我杯茶! 同埋我幾鍾意睇楊怡拍吳卓羲, 尤其係楊怡…雖然佢o係呢套劇個造型唔多靚, 但我覺得佢d演技由初出道開始已經幾好, 再加上外型幾討好…反而唔知點解佢家姐楊卓娜個樣同個格會同佢差咁遠, 似做d奸角或者湯盈盈o個類勾引人o既角色…唔講都真係無人信佢o地係兩姐妹!

我記得2001年楊娜o岩o岩選完港姐, 跟住楊怡第一套擔重戲o既“昏前婚後”又推出, 當時因為佢被喻為“翻版張可頤”, 而呢套劇佢又係做張可頤個妹, 所以忽然間多o左好多人識佢! 跟住無啦啦有報導話原來呢兩個完全唔啦間, 又唔似樣, 又唔多覺佢o地有一齊出現過o既楊娜同楊怡原來係兩姐妹 (但其實個名係幾似o既), 我覺得如果話佢同張可頤係兩姐妹反而有說服力好多!

同埋o係“再生緣”入面o既楊怡其實都幾討好, 因為佢o既古裝扮相基本上係幾掂, 好過葉璇同胡杏兒!

亦都要再講多次, 我完全唔明點解“學警”監製要安排李sir死囉…好夾硬呀! 為o左要煽情就夾硬又整個大賊出o黎, 仲要成個警隊無晒人o既, 一定要個教官無啦啦出山, 跟住就殉職…為煽情而煽情…呢d劇唔應該搞d咁sad o既ending o架嘛!

仲有, 我同d同學仔研究過, 大家一致認為顧老板d戲簡直係0個“得”, 教學警o既戲都還可以接受, 但一到d談情位同埋含情脈脈位, 簡直想死! 上次“妙手2”同埋“洛神”係咁, 今次亦唔見得有咩進步! 放過d觀眾啦…!

5-11(wed) 創世紀2之茄喱啡

2005-05-11T06:34:00.000+08:00

5-8(sun) 朱樂言之學警雄心

2005-05-08T06:04:00.000+08:00

唔知大家有無睇開星島? 我真係唔係想幫佢sell, 但呢期我睇o左幾版都幾有水準, 除o左我先前講o既港聞同法庭評論; o個日咁o岩打開娛樂版, 除o左有關於“創世紀”o既頭條外, 又睇到一篇朱樂言o既視評. 其實呢位作者o既視評我睇過好多次, 次次都覺得好到肉, 好正, 但一路都唔記得推介俾大家!

今次呢篇係關於近期o既新劇“學警雄心”, 佢講o既o野同我o既意見好相近, 真係好想知呢位仁兄係咪同我o地差唔多年紀?! 佢話“學警”就好似“新?師兄”同埋“衝上雲宵”o既cross-over咁, 跟住就講o下“新?師兄”?面o既杰佬, fit佬, 好姐, 高佬泉同埋穎芝等…佢仲話“新?師兄”確係經典, 35歲以上o既人聚埋, 講呢套戲可以講足大半天!

而o係“學警”中, 佢覺得以陳鍵鋒做得最穩當…咁如果要講演技, 我都係咁話o既…正如我之前o個幾篇日記講過, 吳卓羲外型係討好, 做學警亦都應該係最入型入格…但係佢o既演技十分有待改進, 除o左做番佢自己性格o個d角色外, 做其他戲佢都未係太掂! (仲有佢話佢頂唔順吳卓羲講o野鼻音太重…我都覺得係呀!)

其實最可惜係劇情有時幾夾硬o下…如果唔係咁, 都可以彌補到呢班後生仔o既稚嫩演技, 咁大家o既忍耐力都可以提高d!

跟住佢仲講一樣我係最認同o既, 佢話覺得楊怡o係呢套戲個look老o左十年, 仲要話同薛海琪同齡又做吳浩康個妹, 簡直無人信! 我真係十分認同呀…楊怡平時幾靚o架喎, 唔係話佢o係呢套劇好醜…但d髮型同裝扮可以好好多囉…呢個look係佢咁多套戲以來最唔掂o既一個!

另外, 佢亦都話今次o既中年線選角十分好, 有‘”五虎”o既苗僑偉同埋第一代黃蓉米雪! 佢話苗僑偉紅過, 但未算最紅 (咁又係!)…話佢o既癲峰時期係“天師執位”, 譚詠麟o既歌, 翁美玲o既俏, 同埋哀怨o既劇情, 無論佢點演都會贏得掌聲…(100個認同呀!)!

佢話?別多年, 重出江湖演“學警”o既苗僑偉不覺蒼老, 反而多o左中年男人味…同埋話佢最厲害o既武器係識得笑, 淺淺一笑散發中年男人魅力…難怪fiona會視李sir為偶像!

跟住佢話“米雪的一張臉, 是奇蹟; 身村, 是神蹟”…哈哈! 真係好抵死…一針見血! 我認同…但我仍然認為苗僑偉可以配個後生d o既, 例如o係新劇“人間蒸發”o既拍檔吳美珩都幾好…不過吳美珩又真係無可能做吳卓羲呀媽o既! 最可怕係居然要羅冠蘭暗戀苗僑偉…真係好驚! 同埋顧老板配錢嘉樂都有d唔襯…但幾好笑!

最衰星島唔係篇篇文章都上晒網啦, 無得post o係度俾大家睇…真係寫得好好, 好o岩channel…絕對係英雄所見略同!

我有樣o野唔明, 點解佢o地集隊時發言前要“殭屍跳”一o下呢? 好核突! 同埋d呀sir o既所有command, 除o左left, right同埋stop之外, 無一句我係聽到o架, d高低音全部調轉晒…我諗…係我d英文太差!

除o左薛海琪, 其他女學警反而個個都做得幾好…尤其係o個個係男學警都鍾意, 本來支持隔離B班個奸角, 跟住又良心發現幫番自己個同學仔o個位不知名4線演員…做得幾好! 另外o個個胡杏兒o個屆o既落選港姐何婷欣, 都做得唔差! 佢去完亞視打個白鴿轉又再返番無線, 虛耗晒d青春…胡杏兒都做第1女主角喇…佢仲要做茄喱啡…不過際遇呢d o野無得講o既!

最後我想講…睇o左咁多集, 我真係愈睇愈覺得陳鍵鋒有幾分似溫兆倫! 其實佢初出道o既時候已經成日有人咁講, 到佢o地一齊合作一支梅時更有人話佢o地似兩兄弟…不過我無留意…直至呢期睇得多, 真係覺得佢把聲同埋d語氣都有d似…又係d懶深情o既dj聲…或者佢可以嘗試效法溫兆倫做奸角…咁樣有得上位不特止…仲唔洗一日俾S4 o既另外幾個壓住!

另外, 唔好話佢睇番自己同fiona談情o個d戲想嘔, 我都睇到有d想嘔…200個造作!

5-5(thurs) 《創世紀》熱潮

2005-05-05T05:59:00.000+08:00

( 星島日報報道 ) 2005/5/5-《創世紀》重播掀深宵煲劇潮

繼韓劇《大長今》後，近日又掀起另一股「追劇」熱潮，無線凌晨時段重播百集長劇《創世紀》，觀眾收看的百分比高達 94 ，緊貼《大長今》的 95 個百分比，無線亦罕有地為重播的劇集推出宣傳片，由於多人追看的關係，不少周刊亦破例為《創世紀》刊出劇情介紹 ﹗

無線2 月中開始於周一至周五凌晨時分重播千禧年的百集長劇《創世紀》，雖然在凌晨 12 時過後才播放，但依舊有不少捧場客，上周是《創世紀》前 50 集的結局，觀眾收看的百分比高達 94 ，僅次於《大長今》的 95 個百分比，雖然收視結果僅得 7 點，收看觀眾達 45 萬 8 千 5 百人，預錄的觀眾尚未計算在內，相比之前同時段重播的《律政新人王》，收視只有 5 點，觀眾百分比僅得百分之 85 ，成績一般。

事實上，無線近來收到很多觀眾的來信，希望《創世紀》能像黃金時段的新劇一樣，每集播完後都會推出下一集的預告，雖然暫時未有回覆，但無線亦在黃金時段播出《創世紀》的宣傳片，對一部重播劇來說，是非常罕有的舉動。

由於反應熱烈，多本周刊亦陸續刊登《創世紀》每集的劇情，市面上多個下載流行曲電話鈴聲的網站亦有《創世紀》的主題曲和插曲供下載，可見其受歡迎程度。

《創世紀》的劇情亦成為時下的熱話，戲中早前播出一段由初出道的林峰扮演「獄卒」的過鏡片段，他的出現不超過 1 分鐘，竟然亦成為談論的話題，連林峰亦表示︰「真係好多人睇《創世紀》，雖然我只係得幾十秒戲，做個大『茄喱啡』，但宣萱、吳卓羲個個都有睇，睇完之後仲有打電話畀我。」連帶戲中演奸角「許文彪」的陳錦鴻亦再度成為人氣演員，年前的倉底貨《老婆大人》亦將在下周推出。

身為主角的羅嘉良承認《創世紀》多人追看，連他自己都是捧場客，不少人在街上見到他，都叫他做劇中的名字「葉榮添」，又開玩笑指嘉良令他們無覺好 ? ，每晚要看完《創世紀》後才會上床，在後 50 集才出現的雪兒亦很期待這套 5 年前舊作，近日來港宣傳時亦化身「灰姑娘」， 12 點前準時回到酒店收看《創世紀》。

***********************************************************************************

(以上文章擇錄自每日星島娛樂版)

嘩, 好勁呀! 前幾日開始無啦啦見到電視出現“創世紀”宣傳片…繼幾個禮拜前“大搜查”罕有地提及呢套重播劇, 今次仲破天荒出埋宣傳片添 (雖然我記憶所及有其他重播劇都試過)…估唔到真係有咁多人同我一樣夜孖孖唔[目訓], 反而?o係度煲呢套舊劇…最抵死係我當年首播反而特登唔睇!

依家次次同人出o黎食飯, discuss“創世紀”總係其中一環, 仲勁過“大長今”…事關除o左我之外, 我身邊有好多人都“出奇地”無睇呢套韓劇!

更加估唔到有人同我一樣咁癲, 連林峰做茄喱啡o個幾幕都有睇到…原來呢個世界真係好多電視迷! 不過佢早廿集做劉愷威隔離個運動員, 就無咩人留意到…我都係睇字幕見到佢個名, 再rewind番睇, 先勉強見到一個類似佢o既人 (但唔敢肯定)!

而d演員亦居然全部鹹魚翻生…連“許文彪”呢d奸得o黎咁唔型o既角色都有得起番…太可怕喇! 其實我諗如果選擇o係深宵重播“我本善良”, 可能都會引起咁大迴響 (咁我就唔洗得幾個人同我discuss, 亦唔洗搵套劇o既資料搵得咁辛苦)…因為依家d劇o既質素實在太太太差…而d舊劇又實在太吸引 (加上好多人都有o既懷舊情意結…同埋我o地呢個年紀o既上班一族係到深夜先最得閒煲劇)!

呢期tvb仲繼吳卓羲隻“別怪她”後, 力plug林峰隻“領會”…d歌星完全無得撈喇!

仲有, 我發覺“大搜查”真係好重要, 唔該快d做番啦, d咩“百法百眾”咁無聊o既節目就唔該摺o左佢吧啦…好悶呀!

5-2(mon) 同撈同煲

2005-05-02T01:12:00.000+08:00

呢期無o左“大飲茶”, 變o左dodo姐o個個咩“百法百眾”節目…講真, 一d都唔好睇囉! 呢d咁o既法律常識節目,洗唔洗日日播呀? 好似以前o個d每個禮拜一集咪算囉!

仲有, o個套“同撈同煲”都好難睇…d歌又唔夠“難兄難弟”咁好聽, 劇情就更加唔洗講…仲要d主角真係做得差到呀…o個兩個“2線主角”馬國明同江芷妮就唔洗講啦, 連郭晉安呢d咁演技派都好令人失望, 佢扮祥哥扮到好似做番“呀旺”咁…雖然祥哥確係唔易扮, 但係…! 當年羅嘉良執到枝好籌扮最易扮o既呂奇, 根本就唔係佢演得特別好, 只係個角色最易扮!

今次演得最神似o既要算係胡杏兒, 但都係因為對手太弱o者…相比起當年張可頤o既技驚四座+驚為天人(除o左佢個扮相靚+似之外, 你真係估唔到佢會扮到陳寶珠, 仲要扮得咁神似…事關寶珠姐都唔係太咁易扮!)

呢套咁o既“同撈同煲”依家連食飯焗住睇我都唔睇, 寧願睇番錄影帶! 唔該快d上第2套劇啦!

4-27(wed) 學警雄心

2005-04-27T02:02:00.000+08:00

就係因為早前寫”5虎”o個篇o野, 令我勾起好多80年代o既童年回憶, 亦都再次記起“5虎”o既光輝年代…所以先咁期待睇苗僑偉o係“學警雄心”o既演出, 因為真係好耐無睇過佢做電視! 當年o既“楚留香”,“天師執位”&“生(金秀)橋王”等真係好好睇…而我覺得佢同翁美玲真係最襯o既螢幕情侶 (更勝靖哥哥同蓉兒)…好想睇番呢d戲呀!

而即使依家o既苗僑偉…都確係型喎! o係“學警”?面, 佢都型過o個班騎呢學警好多! 我覺得“玉樹臨風”呢個形容詞, 佢真係受之無愧 (唔知幾時變埋苗僑偉fans…搞到我好想去藝視配番副眼鏡)! 佢除o左無可能拍米雪之外, 更加無可能拍韓瑪利呀?! 完全唔同年代o架喎! 連我另一“偶像”溫兆倫都可以o係”一枝梅”入面拍楊怡…我覺得苗僑偉都可以拍薛海琪 (不過咁樣好明顯係委屈o左苗僑偉…因為薛海琪o係呢套戲入面o既演出簡直嚇死人!)

呀fiona個短髮look真係完全不敢恭維…睇過報紙o既一篇評論, 話薛海琪o係劇中個短髮look令佢吸引力大減, 甚至有點難看…我真係完全認同…連d配角好似陳凱怡都靚過佢好多, 亦做得自然過佢好多 (不過咁樣比較可能有少少唔公平, 畢竟佢都係第1次拍劇)…但佢拍套咁o既劇去自暴其短簡直係搵o黎搞! 好多人睇完套劇都話對佢o既觀感差o左好多! 仲有佢講對白都好怪…咩都加句“o架嘛” (仲要meh meh o地音, 好似上面落o黎咁)…佢都係做番歌星吧啦!

d藝員又反而走晒去唱歌…吳卓羲o個隻“別怪她”, 仲要做埋“勁歌推介”逼你日日聽…大家都真係“別怪他”喇! 依家隻隻主題曲都係俾番d藝員唱, 歌星好快無得撈…依家仲整隻咩“男人魅”大碟, 上個禮拜11點仲特登整個特輯叫晒d“男人”出o黎晒佢o地d“魅”…真係唔該晒! 跟住又搵d相關o既女藝員出o黎講o下覺得o個位男藝員點有男人魅法…最難頂係楊思琦9唔搭8咁講埋d咩林峰個樣比較男性化 (點呀? 佢係男人o黎o架喎, 唔係女性化過你呀?!), 眼大大…跟住5官逐樣講…d人聽完佢段訪問之後都好明顯好鄙視佢…克勤仲同林峰話:“佢都將你o既輪廓好仔細咁刻畫晒出o黎喎!”

今次“學警雄心”首主題曲又係俾d主角唱, 嘩…前所未有咁難聽呀! 吳卓羲都算啦, 有一part我o地估係郭力行 (即現實中洪欣個“o靚仔”男朋友, 劇中吳卓羲個好友) 唱o既, 完全唔o岩音+唔o岩拍子, 但佢本身仲好似係做歌星出身o架喎?! 如果唔係佢就係早年有“中大謝霆鋒”之稱o既高皓正 (即佢o地敵隊o既leader) 唱o既…是但一個囉! 到chorus o個段所有人都跟唔到拍子, 完全甩晒beat…好心錄完之後就校番d音樂去就d人啦! 真係好唔掂…同埋唔明點解陳鍵鋒反而無得唱, 其實佢唱歌好似ok o架喎…係咪因為佢簽o左另外一間唱片公司呢?!

仲有, 吳卓羲d戲其實都係幾“屎”o個批, 佢做呢d死o靚仔角色都尚算ok, 因為演番自己 (亦都係咁令佢o係第一套擔重戲o既“衝上雲霄”度一炮而紅)…但往後佢都只可以演番同類型o既小子角色…到佢一做古裝加上係踏實o個派 (好似“西廂奇緣”o既張君瑞)…又係嚇死人!

同埋唔明點解吳浩康可以做楊怡呀哥, 仲要係孖生呀哥…橫睇掂睇佢都似楊怡o既細佬多d!

尋晚“創世紀”又有林峰做騎呢啡喇, 今次係做個台灣獄警, 負責看實郭可盈…本來齋聽o個個獄警o翕國語, 完全認唔出佢係林峰, 以為真係d native speaker, 原來佢d國語真係咁掂…係後尾望真d先發現原來真係佢! 嘩! 佢仲威過郭可盈呀…o係呢套戲入面一人分飾兩角 (唔知仲會唔會有第3角)…先做劉愷威隔離d?訂T (好明顯佢依家o既成就超越劉愷威好多), 依家又做獄警…果然係“力捧”! 林峰做戲同唱歌就真係好過吳卓羲好多喇…呢d先應該力捧嘛!

我呢期都聽到有好多人睇“創世紀”, 同10個人講, 平均有8個都有追, 可能上班一族真係到呢個時候先得閒坐定定咁睇o下電視…但真係估唔到多人睇成咁囉, 連“大飲茶”都要講話呢期有套重播劇引起好多迴響, 不停有人send去tvb問劇情, 因為重播劇係無預告o既…不過呢期劇情太慘, 我只可以fast forward睇d無咁慘o既劇情…費事影響情緒!

“TVB5虎”的確係一代經典, 之後o既咩“新5虎” (古天樂, 古巨基, 劉愷威, 吳家樂同何遠恆…呢幾個已經算好, 至少紅o左“雙古”…不過其實未將佢o地組合成“新5虎”前, 佢o地本身已經幾紅),”奧運6星”(林峰, 陳鍵鋒, 吳卓羲, 黃宗澤, 馬國明, 黎諾懿…呢幾個都叫做上緊位o既, 但係同80年代o既5虎真係無得比…so sorry!), 仲有依家捧緊o既一堆新人, 合稱什麼“12星”…都無

4-23(sat) 八十年代的電視傳奇－TVB五虎將

2005-04-23T02:00:00.000+08:00

各位朋友, 我幫YesAsia寫o既第3篇評論已經出o左喇…

睇完記住俾d意見我, 我會從善如流!

有朋友話一如以往…我永遠o係o個d評論度都有讚無彈, 失去o左我一貫o既抵死批判特質, 無我d日記咁精彩喎! 呢樣無咩辦法可以改變, 因為收得人錢去sell o野, 無理由彈三彈四…事關呢d唔係一般o既電視評論, 而係產品宣傳, 必需有hard sell成份!

最意想不到o既係有好幾個朋友居然都話覺得我呢篇寫得好過之前o個兩篇…我本人其實初時覺得呢篇寫得無之前咁好, 因為用o左好多時間, 亦都有好多位係stuck o左o係度, 無之前o個兩篇咁“靈感如泉湧”! 再加上大家都知我一向無咁好古裝劇, 所以初頭都好抗拒寫呢d topic, 唔熟就無謂顯醜啦! 但既然有market, 同埋“5虎”呢個topic我都幾有興趣, 而combine“5虎”&“古裝劇”兩樣o野又幾有特色…不過組織o既時間又相對地多o左10倍!

咁唯有做多d research…睇睇o下都發覺其實呢d劇有佢吸引之處, 同埋仲有好多人到o左今時今日仍為佢o地瘋狂…尤其係睇完一輪o係網上面o既文章, 更加對翁美玲有興趣…雖然佢死o左差唔多廿年, 同埋其實佢只係o係娛樂圈打滾o左3年, 拍o左9套劇…但係影迷對佢o既瘋狂程度仲有增無減, o係網上面仍然搵到好多關於佢o既討論…我相信寫一篇關於佢o既article都會幾有趣!

寫呢d article真係幾大滿足感, 姑勿論大家係由衷定係客氣地讚美, 我都照單全收…係人都鐘意聽讚美o既說話o架啦…尤其係得戚o既獅子座!

4-15(fri) 鐵翼驚情

2005-04-15T01:54:00.000+08:00

唔係前幾日o係呢度講開都唔知, 原來有好多朋友同我一樣, 呢期居然好無聊咁晚晚夜孖孖o係度追“創世紀”…當年讀緊書咁得閒又無睇, 反而依家就走去追, 真係好騎呢! 我諗最主要都係因為o個個時段o岩o岩好大家返到屋企settle晒所有o野, 沖晒涼坐o左o係梳化度又唔想?住, 於是就打開電視睇o下戲…!

都好, gather o左一堆人可以討論o下劇情, 更加解開o左唔少疑團…多得記劇情同對白比我更誇o既朋友確認, 原來下半part真係有“孖生郭可盈”出現, 等我知道自己唔係思覺失調或者調亂晒d戲! 孖生郭可盈仲會同羅嘉良有感情線, 事關現實中o既陳慧珊o個期有病, 飛o左返美國, 所以下半輯佢會fade out!

前篇講開邵美琪, 其實我覺得佢最執到o既應該係識到佢舊男友戚其義…事關佢都算有情有義喇, 當年又係佢有份將邵美琪o既事業推向高峰, 跟住“奪面雙琪”事件佢俾碗面飛o左之後, 又係戚其義雪中送炭, 搵番已經風采不再o既佢出o黎做戲, 重俾咁鬼重o既戲份佢添…更加邪o既係搵個樣仲係卜卜脆o既吳奇隆同佢做一對…真係算好唔話得! 分o左手仲咁關照佢…o係佢無得撈時仲俾咁多機會佢, 仲愛屋及烏地用埋佢個best friend鄧萃雯做“金枝慾孽”如妃一角, 等佢再人氣急升!

跟住我又o係聖誕期間睇o左一套重播o既無線電影- “鐵翼驚情” (想講好耐但唔記得o左)! 居然俾我見到我偶像邵美琪做主角…2003年首播時我都好似有睇過呢套戲, 但完全無留意到佢o既存在添!

o係佢年華咁老去時, 仲俾佢做女主角, 再整幾個當紅小生花旦-林保怡、唐文龍, even郭羨妮一齊爭佢…連我都話離晒大譜…我即刻睇o下邊個係監製, 果然不出我所料…係戚其義…果然係有情有義! 不過邵美琪o個時個樣真係黃o左好多同埋包o左好多…套戲仲有d騎呢添!

最搞笑係見到吳卓羲同埋“4葉草2”做司徒瑞祈partner o既陳少邦做咖哩啡 (前排larp到 “烈火雄心2”, 居然又係見到佢兩個做歐錦棠師兄弟)…吳卓羲上位都真係上得幾快, 唔洗一年就由乘客甲、乙、丙升格為飛機師, 依家仲做埋歌星添…真係有運行!

睇“創世紀”又見到馬德鐘當時仲係做緊大配角, 仲要同惠英紅做一對; 點知佢不出幾年居然飛上枝頭, o係“衝上雲霄”拍陳慧珊一齊做男女主角…真巴閉!

o個日o係陳慧珊同王敏德個婚禮, 仲見到楊怡做賓客, o係其中一個鏡頭閃過…跟住前幾集又有“高威利”做羅嘉良馬仔, 仲有幾句對白添! 不過相信當時都無咩人會留意到佢o地o既存在! 娛樂圈真係今日唔知聽日事!

4-13(wed) 古巨基勁歌金曲演唱會

2005-04-13T01:49:00.000+08:00

上個禮拜終於去o左睇古巨基o個個咩“勁歌金曲演唱會”…當初佢開完再開, d飛都搶購一空, 懶係巴閉咁…所以雖然我已經唔多鍾意佢, 事關佢o既作狀指數真係去到200…但念在係佢第一次個唱, 佢d歌我亦曾經好鍾意聽 (基本上佢個人我都幾buy…但只限於“娛眼”至“歡樂今宵”年代…總之就係佢未北上之前啦), 同埋咁難撲飛都終於o係加場n次之後撲到…咁當然都要去睇o下啦!

o係無懷住任何興奮或期待o既心情之下, 去o左睇呢個演唱會…本來諗住撇開佢近年o既作狀, 齋聽佢d經典金曲都應該ok o既…點知都係有d令人失望囉! 事關佢唱o既舊歌比我想像中少, 有d新歌我亦只可以話係聽過, 但連歌名都唔多清楚!

佢話當年o係“歡樂今宵”大hit之後, 有人搵佢開演唱會, 但佢認為自己只靠一首hit歌撐住唔係好掂, 所以婉拒o左人o地一番美意! 我又真係覺得幾稀奇囉, 邊有人俾個咁好o既機會你而你去turn down佢o架…唔好呃我啦! 況且其實佢當時都唔係話無其他hit歌呀…佢作為一個娛樂圈人, 無理由唔知道機會係一瞬即逝, 你唔把握過一陣個勢就會無o左!

我直頭認為佢o既hit歌其實大部份都出現o係回歸前…所以佢今次一唱d舊歌, 確實引起我o地呢個年紀o既人極大共鳴…因為全部都o係我o地o既中學黃金年代出現, 勾起好多無憂無慮歲月o既回憶…好似我當年最鍾意o既“第二最愛”, 或者“笑看風雲”o既插曲“笑說想”, 仲有“想說笑”, 同埋一聽到都想起舞o既“藍天與白雲" & “妳是限光空氣”, 仲有佢第1首歌“愛的解釋”! 我f.6o個年仲特登走去買o左佢隻“第二最愛”精選碟, 收碌晒所有呢d好歌…到依家我都仲聽緊!

當年活潑可愛o既“陽光男孩”去o左邊呀? 我最鍾意睇佢主持“娛樂新聞眼”&“勁歌金曲”, 甚至做o下戲 (雖然佢d戲就麻麻)…因為佢真係幾搞笑o下!

完全唔明點解佢依家會變o左個情深深“心心眼”o既作狀中年, 仲要懶靚仔懶型咁…除o左講o野時誇張外, 連唱歌都造作過人…好令人失望! 佢唱嘉賓文文隻名曲“七友”時, 好明顯係被文文比下去囉! 我知佢係好鍾意唱歌, 但作狀成咁係唔work o架!!!

仲有佢個“仔”Kubi”, 真係好唔掂…好娘囉! 仲要唱埋首佢親自作曲+作詞+超級難聽o既“至net小人類” (同克勤親自填詞o個隻“閃電傳真機”完全無得比) & “我愛毛查查”…其實佢應該唱埋更好聽o既一首兒歌—“親親我好嗎”嘛! 仲有一首滄海遺珠, 係98年佢同楊千嬅o既一個港台同名廣播劇o既主題曲—“不敢說我愛妳”…又係一路都無hit過, 但其實幾好聽!

睇完一個大家爭崩頭去撲飛但其實不外如是o既演唱會之後, 我更加懷念當年鬼馬有趣, 最重要係自然好多o既古巨基…亦令人諗番起96年“第二最愛”大hit時, o黎我o地學校做TQ嘉賓o既古巨基 (仲有佢個bear實晒o既助手+女友)…當時我都唔執輸去影o左張合照+簽番個名! 哈哈!!!

4-10(sun) 兩線新劇

2005-04-10T01:47:00.000+08:00

今晚有兩線劇集首播…睇預告之後, 發覺第1線o既“同撈同煲”完全唔掂…想學人o地“難兄難弟”, 但d演員又完全唔work喎, 郭晉安同胡杏兒都算啦…o個個咁o既高威利 (馬國明) 扮鄧寄塵就真係完全唔似, 一d天份都無…更加搞笑o既係搵江芷妮做第2女主角…真係太睇得起佢喇! 我覺得佢同唐詩詠有d似樣, 不過唐詩詠個樣+d戲都仲好過佢…都唔知邊個監製咁無taste?!

我發覺d監製用開o個個班底就會永遠用落去, 好似“心花放”同“青出於藍”o既演員班底基本上完全一樣…又陶大宇又郭可盈又秦沛又程可為 (係無o左歐陽震華囉), 跟住呀聰明仔, 仁仔, 四海全部都係“青出於藍”d學生…好熟口熟面! 最終我發現兩套劇o既監製都係梅小青…不過佢都算有進步o架喇, 起碼唔會好似早年咁套套戲都搵佢個妹梅小惠做!

跟住第2線o既“學警雄心”…一睇預告就已經好令人諗起“哪吒不怕海龍王…”…直頭係“新?師兄”o既翻版…不過d人就無咁有型同無咁有活力囉! 我見到o個個彷彿會比風吹走o既陳鍵鋒…就諗起當年關禮傑做o既“好姐”! 講到尾, 我都係最想睇苗僑偉…但點解佢依家會同米雪做一對?! 米雪雖然keep得好好, 但都未至於可以拍苗僑偉呀?!

不過我覺得更加搞笑o既係因為“大長今”大熱…令o個幾位上o左年紀o既師奶尚宮成為香港人o既偶像, 連呀韓尚宮o黎香港都有一大班fans追住佢…睇到呢個場面, 直頭令我諗到韓瑪利行出街俾人追住一樣…真係世事無奇不有! 反而前個禮拜“大飲茶”訪問o個個話同伍詠薇好似樣o既崔尚宮…真人又幾靚喎…40幾歲生o左幾個都仲keep成咁, 真係算唔錯啦!

“韓流襲港”之下最騎呢o既現象都未算係以上所講o既年老韓星急上位, 而係o係無線撈o左近十年都無人識 (應該話連佢個名都無人聽過) o既宋芝齡急上位囉…嘩! 直頭紅過陳慧琳呀…日日黃金時間都會見到佢, 仲可以訪問o個d“眾人偶像”, 真係恨死隔離! 佢由96年同李珊珊一齊選港姐跟住第一個round就俾人out o左之後, 都o係無線做o左無數套劇集o既咖哩啡, 尤其係d邊緣少女角色…估唔到佢消失o左一排之後, 居然因為半個韓國人o既身份令佢有得鹹魚翻生, 真係應該去還神! 其實搵另外一個話係“中韓混血兒”o既amigo做都得呀…橫掂無線呢期又係胡亂o地捧佢!

4-8(fri) 英語大使

2005-04-08T01:45:00.000+08:00

o岩o岩又睇o左有線o既“再睇星期五”…今集出奇o地好笑 (平時通常都幾無聊但唔多好笑o下)! 今集講關於“英文”真係笑死我…有d當年聽軟硬o既感覺! 尤其係佢個“英語藝人榜”…第3位李玟o個段片已經有d抵死, 但都唔夠第1位o既張柏芝借醉講d騎呢到唔騎呢, 甩咳到唔甩咳o既英文…真係笑爆咀! 其實呢段酒後英語宣言之前已經有好多朋友同我提過, 但一路都無機會睇到…今次佢剪番出o黎真係好鬼死正!

...什麼“I know I know…eh eh…really really lots of ppl…eh eh eh…actually…eh eh eh…everyone…and then…whatever”….基本上佢講得最多o個個英語發音係: “eh…”! 借醉講英文, 仲要d英文咁“好”…真係唔俾個“服”字佢都唔得! 睇完呢段o野, 令我諗起…哈哈哈…唔方便講!

睇完個節目, 我更加覺得吳君如d英文o係娛樂圈o黎講真係算幾好…搵佢做“英語大使”好過搵方力申啦! 睇o左幾集tvb o既“英語日日新”…我覺得方力申d英文有d令人失望…唔係話差o既…但唔算好囉! 仲話自己會考英文都算幾好…拿C喎…真係…幾好呀! 搵呀房祖明同薛海琪出o黎教好過喇!

仲有, 我覺得森美做呢個節目做得好過杜汶澤好多, 起碼無咁自以為是, 同埋佢點都叫有料d…杜汶澤只係俾到我一種“暴發戶”o既感覺 (唔係忽然發達o個隻, 而係忽然紅o左o個種!)

4-6 (wed) 創世紀

2005-04-06T01:43:00.000+08:00

呢期居然追起一套當年首播時都特登唔睇o既劇集-“創世紀”…真係好騎呢! 我都覺得自己好無聊, supposed咁累應該快d去?覺…但反而?o左o係度睇“創世紀”d咁o既劇集…真係犯賤! 當年首播時因為覺得都係d長劇 (呢套係超長添!) 例牌菜, 仲要成100集…又長又冗又悶 (雖然我o係幫yesasia寫o個篇“tvb十大經典重現眼前” 時大力推介呢套劇…但大家應該明白只係職責所在, 要隱惡揚善o者! 哈!).

當年除o左主力睇呀liza姐o個part (無可否認liza姐做戲真係好掂, 最好佢以後齋做戲唔好做主持啦!), 同埋笑o下吳奇隆唱o個隻插曲“你不識愛我”之外, 都真係無咩點睇…但依家可能因為12點幾settle晒d o野, 沖好晒涼唔想?住, 就會?o左o係度睇…最吸引 (但騎呢) o個part莫過於吳奇隆+邵美琪…真係有10個唔襯, 仲姐弟過佢同鄭伊健, 因為吳奇隆個樣真係好young, 而邵美琪就真係老o左好多! 雖然佢個樣基本上都同“我本善良”年代無咩大分別, 但有種乾晒o既同“chow”晒o既感覺…女人真係唔kum老…點算?!

因為“我本善良”o既餘溫, 我都要捧o下我偶像“石伊明” 10年後o既場…個角色其實又係石伊明o個類“型”o個批, 但同柿龍做一對真係純屬搞笑囉!

其實柿龍我又係幾buy o架, 尤其係10年前佢同charlie做梁祝o既年代…我覺得佢o地好襯, 襯過charlie同金城武好多…但係依家charlie重返娛樂圈又係老o左好多…點解上帝做男女時咁唔公平呢?

最型都係liza姐, 一日到晚都好cool咁款, 加上佢d對白係寫得特別精警o架喎…好似前幾集陳慧珊問佢信唔信郭峰無搵人去放火, liza姐好淡定咁話: “我信! 唔好問我點解, 無得解…!” 哈哈! 真係好型囉! 再加埋佢去陳慧珊個婚禮時見到郭峰俾人拿刀斬o個個懶恐懼o既樣…真係好好戲!

另一樣好好睇o既就係吳奇隆講廣東話, 真係唔睇字幕都唔知佢講咩, 有時睇埋字幕都係唔知佢講咩, 因為兩者根本唔對應…所以好鬼得意囉! Even聽佢唱o個隻“你不識愛我”, 都唔知佢唱咩…其實究竟係“你不識 (懂) 點去愛我”呀? 定係“你不惜一切咁愛我”呢? 真係無人知! 當年係一個疑團, 到依家都仲係一個疑團!

仲有又係好搞笑o既就係鬼佬王敏德, 平時佢o係d電影度都係走d型格路線o架嘛…即使上個禮拜o岩o岩睇o左o個套“精武家庭”, 佢都係做d又寸又奸o既角色, 但係今次佢o係唯一一套電視劇 (基本上唔講番我都唔記得佢有份演出), 居然要做煩o個批…仲要係好煩好煩, 煩到有d克人憎o個隻…一日到晚就係咁以佢半鹹淡o既廣東話講: “oh I’m sorry, Helen! 我煮通粉煮得太耐搞到你?著o左…”, “oh! I’m sorry, Helen! 我十點鐘唔記得叫你起身食藥!”…真係好煩…原來有時奸/衰人真係會討好過d好人好多! 真係好人難做! 但係幾鍾意睇佢咁樣囉…因為真係好可笑!

4-1(fri) 愚人節

2005-04-01T01:38:00.000+08:00

o岩o岩搭的士經過文華, 又見到一大堆人結集o左o係酒店出面…大家都會記得係咩事啦! 記得上年o既呢一日上完堂, 特登走去文華望o下…果然係好多人! 之後o係我公司樓下仲有燭光晚會添! 咁又一年喇! 兩年前o既愚人節發生o既事, 相信大家都仍然記憶猶新…真係愚人節最大o既整古!

去年:
4月1日

前年:
陪伴我們那代香港人成長的“哥哥”

呢兩個禮拜正寫緊關於“5虎”o既稿, 今日居然o係d. court門口撞到戚美珍同佢兩個仔女, 佢個女已經去到尷尬年齡, 醜樣過以前好多! 我印象中佢好細個已經係好貪靚o個隻…但係反而依家變到咁o既樣! 個仔就仲算幾靚仔o既…不過同苗僑偉差好遠!

再下個禮拜就播“學警雄心”, 好期待…期待睇久違了o既苗僑偉再次o係電視出現! 同埋個劇種我都ok buy…“新?師兄”o個一類…但當然無得比啦! 其他演員都ok o既, 吳卓羲都係做番時裝型好多! 陳鍵鋒就…我仍然有d驚佢會俾風吹走囉! 至於薛海琪個短髮look…真係200個樣衰…原來髮型真係會咁影響一個人…所以話, 千祈唔好亂咁搞個頭!

呢幾集o既“心花放”無聊到極點, 咩老套劇情都出晒o黎…如果10年前拍o既話或者都ok o既…食住“同一屋簷下”同埋“大勇&jessie”個勢, 可能會討好好多…但依家無論劇情定演員都好out, 仲好有似曾相識o既感覺! 尤其前晚陶大宇去醫院搵郭可盈, 郭可盈叫佢話唔好再搵佢, 咁樣佢會好辛苦etc…exactly係當年“刑偵2”有一集講大勇同jessie分o左手, 有日jessie撞車, 大勇去醫院探車匙咁.

仲有另一幕係講郭可盈要走, 陶大宇去機場追番佢...我諗大家都會記得“刑偵2”最後一幕大勇去機場叫jessie留低, 跟住失o左憶o既車匙依舊又係話咩都唔記得…跟住大勇就拿舊爛鬼石頭定唔知咩出o黎話如果你記得就望番轉頭啦…(大佬! 當年真係好經典o架! 大結局o個晚我有諗過唔去補a. maths留o係屋企睇…橫掂補習都係同d同學聯誼多d…但係諗諗o下都係錄o左佢深夜睇番好過, 事關我睇電視時要好專心, 唔可以俾人騷擾!)…呢d劇情可能當年真係掂o既, 但係十年後o既今日又再翻抄, 未免太過欠新意! 仲有, 陶大宇o既“1號表情”…真係唔該晒!

同埋我唔明點解依家蘇志威同陳琪成日做一對…唔通tvb想撮合佢o地成為螢幕情侶?!

3-29(tues) 心花放

2005-03-29T01:36:00.000+08:00

終於睇o左之前20集都無睇過o既“心花放”, 好彩依家先開始睇, 因為之前o個20集都幾唔掂! 呢期係睇o下陳豪同廖碧兒比較可以接受, 至於我10年前好喜愛o既大勇同“車匙”, 就真係唔該晒! 雖然呢10年好似o係完全唔覺之下就過o左, 但係歲月絕對有o係佢地身上留下痕跡…陶大宇個樣, D皺紋同埋稀疏o既頭髮就唔洗講啦, 就連郭可盈個樣都變到“ARTIFICIAL” o左好多, 好奇怪咁! 佢地兩個o既組合其實已經唔WORK好耐, 再加埋個好似月亮咁o既向海嵐, 真係更唔該晒!

個故仔仲要扮10年前o既“同一屋簷下”, 好娘囉…大佬! 唔好懶係溫情咁啦, 唔係次次都WORK o架! 反而無啦啦吸引到我睇呢套戲係因為d歌…之前o係K-100睇到D主角o係商場唱LIVE, 覺得幾搞笑, 所以o個日特登去聽o下佢D題曲&插曲, 都真係幾有趣! 尤其係隻插曲…搵番4個主角唱, 個個都5音不全咁…幾搞笑! 同埋首歌本身幾好聽, 幾易入耳!

TVB依家不停咁搵番自己D藝員唱劇集主題曲, 肥水不流別人田…咁都好o既, D藝員士氣會高昂D! 上次套“西廂奇緣”係咁, 今次呢套又係咁! 跟住我睇K-100又有吳卓羲, 林峰, 林保怡等唱歌, 拍MV, 仲上埋“勁歌”添!

我終於o係假期買o左個新電話同埋拿o左個電腦去整…破o左好多財, 希望可以擋晒D災啦! 我都好希望咁樣真係可以令我重生! 原來買部新電話玩o下真係幾開心, 用$可以買到o既快樂, 大家不妨去買o下! 我終於明白點解D小朋友有新玩具玩會咁開心…真係可以令人“心花放”!

3-9(wed) 葉璇

2005-03-09T00:48:00.000+08:00

上次講完話我有睇“西廂奇緣”同埋好buy葉璇之後, 完全無人認同我仲不停話我有無搞錯!

我承認呢套劇o既劇情真係完全唔掂o既, 仲老土過粵語長片, 呢個禮拜又出埋吐血, 斬頭, 刀下留人, 落難, 仲會發現原來胡杏兒係吐蕃公主…嘩! D咁o既o既劇情, 真係唔該晒! 佢以為整個twist出o黎, 點知比原著更老土! 仲有, 我都好認同o個兩個男主角係完全唔識演戲, 尤其吳卓羲…o係“衝上雲霄”都幾有型幾討好o既, 但一做古裝個造型就好唔掂, d戲仲屎到呀…直頭好似一個唸對白機器…除o左一個“呆”字, 都無咩形容詞可以形容到佢! 反而高威利做o個個荒淫皇帝…幾入形入格囉! 無線力捧o既6星…始終都係林峰最掂!

至於葉璇, 我相信佢個人係有d問題o既, 如果唔係佢人緣唔會咁差…所有o野都係有因必有果o既! 不過, 我真係幾欣賞佢o既才藝同埋語言天份, 同埋佢做古裝真係唔錯, 尤其係女扮男裝個造型幾ok o下! 以佢o既background, 佢係寸得起o架喎!

好多謝alison支持我, 仲send o左篇葉璇訪問俾我睇…睇完更加明白點解佢o既性格會咁! 但係我唔明佢同劉嘉玲有咩“啦間”囉?!

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

全職尤物葉璇

葉璇很濃妝豔抹。
眼窩蓋上厚厚一層溇G色眼影，唇上的lip gloss閃閃發亮；
一雙腿在迷你裙下搖曳生姿，那種撲不息的自信，令人目眩。
十八歲，葉璇以學生身分參選華姐，此姝精通詩詞歌賦，評判欣賞的是她俏臉上流露的東方美態，美得像流落凡間的仙子。
由天使到魔鬼，六年後的今日，葉璇轉行做尤物，普遍觀眾關心的，是尤物胸口解開了幾粒鈕，迷你裙穿得有幾短。
葉璇說：「其實性感不是少布，我的性感是智慧型的。」
對，智者無懼。
2004年，代表無遠赴雅典主持奧撸瑧K變人肉箭靶。最近，被狗仔隊揭在有婦之夫程小東家過夜，百詞莫辯。
由惹人憐愛到遭人唾罵，大概是尤物的必經階段。
但天知道，已復萬劫的葉璇背後，早記載一段零仃落泊的童年。
太蠢
去年在雅典做奧撸思艺f我搶對白，批評得一文不值。喂，我第一次做記者就做奧撸褥兜谝蝗张膽蚓团氖菲ケぃ琓VB揀得我，證明我有實力。其實報道也不是你們想像的負面，《文匯報》就點名讚：葉璇是一個人才，中央台也追蹤報道我，其實讚我的也言過其實。
我勝在樂觀，天掉下來當被蓋。傳媒那支筆，一上心就麻煩。上天很公平，有時讚你讚過頭，都要屈番你。在娛樂圈，就是跟媒體打交道，起初覺得記者害我寫衰我，現在我想，記者都是搵兩餐，大家合作。入行第一年，報紙寫我是張衛健、張茜的第三者，我太蠢了，硬食死貓，不懂得保護自己，事到如今，沒有人提起，也沒必要平反了。或者，我幫朋友食死貓，他會感激我一世呢。
在男朋友面前的我，好低能，一點也不硬淨，性格好極端，鍾意《蠟筆小新》，愛笑愛玩，這一面只有親密朋友才能看到。初戀在美國發生，對象是哈佛大學的白馬王子，那時他來看我跳舞，旁邊的女仔嘩鬼叫，我還不知道他就是哈佛的風頭躉。他很好，好到我不敢相信，跟他拍拖時的我很幸福，我成日諗，點解咁好的男仔都會愛上我？
入娛樂圈後，感情不再純真。這些年來的所謂緋聞，傳來傳去，只有一單是真。嗯，陳浩民，又給你猜中，跟他拍拖，是給記者傳到變真，起初我們拍《封神榜》，朋友也算不上，頂多是同事，是後來有一次我們到內地拍劇。那段時間，或者大家都寂寞，大家都需要安慰，很自然走在一起。其實我不介意談他，沒公開是因為最初否認了，沒理由又跑出來承認，又不是搞新聞。
分手原因？重要嗎？其實我也不太記得。我想，每段戀情總有終結時，兩個人走不下去就是。其實分手後還做到真心朋友，偶然問候兩句，已沒遺憾了。
誤?#124;
那次週刊拍到我上程小東家，實程是……一場誤會，我病了在他家休息，就是這樣。我跟小東哥合作《天下第一》，他是武術指導，我唔識打拍到我英姿颯颯。在我心，他是一個不可多得的前輩。說我男伴車輪轉，不外是傳媒銷書的伎倆，狗仔隊跟我五日，拍到跟女性朋友吃飯的就不登，拍到有男性埋身就寫我點點點，如果這樣觀眾都信，也沒必要澄清。
成日傳我有高層照顧。好好笑，公司簽得你就會照顧你啦，爭寵，有必要嗎？公司栽培藝員，藝員紅了會賺錢，一盤生意，不要想得太複雜，有幾多值得人欣賞的條件，就有幾多掌聲。老土說，有競爭才有進步，冇可能一個人帶到落尾，百花齊放才好，像《金枝慾孽》，如果只有玉瑩、如妃，也不會有今次的成功。
緋聞是煲水的，出外靠朋友才真，在社會做事一定要有人幫。嘉玲姐姐（劉嘉玲）很好，當我小妹妹照顧，乜都教我指點我，我在香港冇乜家人，過時過節都跟她一起，我好尊敬她。我在圈內的朋友也不少，胡杏兒、林、劉玉翠，有咩事吹雞，大家都?#124;幫手，我對朋友真是兩脥插刀，比男人還要豪氣。
獨立
我好細個已經要獨自生活，好清楚一個人怎樣生活下去，活到今日，我夠膽講，憑我自己一對手，也衣食無憂。
童年，我家在杭州，印象中西湖很美，像仙境。那時我家裏仍有爸媽，但爸爸忙出差，在家的時間不多。做了廿幾年人，跟爸爸相聚的時間加起來也不夠一年。我九歲那年，爸媽鬧離婚，媽媽喊回鄉，試過有兩個禮拜，我要獨自留在屋等爺爺接，一早起身梳頭返學都靠自己，隔離鄰舍很好，晚上會敲門看我餓不餓，這次死不去，我深信，未來若再遇難關，一樣捱得過。
到十歲，爸爸帶我同爺爺過美國，後來兩老不適應外國生活要回杭州，一家人各散東西，爸爸問我想跟他住還是搬開，那時跟爸感情生疏得近乎陌生，我選擇一個人生活，十三歲已經自己換燈膽、交電費。童年的我沒親情可言，生性獨立，也是為世所迫，我也有感懷身世，十三、四歲時總愛問：「點解爸媽生我，又不理我？」我不忿，但從不哭，就像一些遇到災禍的人，危難當頭，根本來不及悲傷。
我從不求奢華生活，爸爸供應給我的僅夠，中學讀免費官立學校，入大學考到獎學金，一個仙都唔使俾。我好強好勝，某程度上因為爸爸的漠不關心，他連我住在那區、電話號碼都不問。每個月頭我上他公司拿零用錢，才見一次。潛意識想威給他看，我自小就曉得，唯一令他關心的，是學期尾我拿張全A的成績表給他看那刻。雖然爸爸不懂我，但他在我心中的份量，從不輕。
中國人在美國讀書很容易，靠勤力已經讀贏那班鬼仔鬼妹。那時沒娛樂，每天放學回家就是讀讀讀，又或是跟我那個馬來西亞華僑女同學玩，人家還以為我們搞同性戀呀。我的廣東話流利，全拜她所賜。哈，不過總有點大馬口音，記得第一次跟她們一家人吃飯，感動到想哭，原來這樣叫家庭溫暖。
奇緣
大學一年級後，我來港選華裔小姐，成班靚女花多眼亂，論身材高挑、輪廓分明都冇我份，還好那年的主題是「古典美人」，評判同我講詩詞歌賦我都識，又有中國舞根底，穿起古裝，十足十古代美人，那年我以黑馬姿態奪冠，向海嵐得第三，你說是不是天降奇緣。
我從來都不是花瓶，做戲好，也得付出汗水。年前拍《再生緣》，第一次擔到咁正，我提早三個月讀原著；拍《雲海玉弓緣》，專程拜訪原作者梁羽生先生?涛乙莼顓杽倌心欠N對愛情的堅執，為了這角色，又去學雙刀，練了兩個月，每日兩個鐘，練到喊。現在背脊位、膊頭位的傷都是拍戲留低的，前排在內地拍戲，天氣又濕又凍，舊患便復發。
是的，香港觀眾很單純，報紙上沒你的新聞，就當你人間蒸發。我人在內地拍劇，傳媒寫我人氣下滑，傳我被公司雪藏。還好，下個月TVB播我的《西湘奇緣》，到時報道又一窩蜂來。
這個世界很簡單，適者生存。公司早排人事變動，新老闆汰弱留強，任何公司都行精英制，有實力就不用怕。二十歲入行，沒現在般自信，一來就是三套劇的主角，那時?#124;想，我真是他們想像中的好？芭姐蕭笑嗚、監製梁家樹也給我很多信心，漁氻ㄦ|明白，好想返美國唸書，我成日問自己，到底我應該做鍾意做的事，還是應該做的事？有個前輩跟我說：「你要做應該做的事，先可以做到喜歡做的事，又要將應該做的事，變成喜歡做的事。」
行性感，難道我不配嗎？初入行公司將我包裝成小妹妹，拍幾套劇造型都像「家嫂」。有次在大陸拍《天下第一》，監製王晶走來說：「其實你可以好性感，好有女人味的。」那時拍古裝，由頭包到落腳，我莞爾，這樣也算性感？我有幾多本錢，心知肚明，說性感，應該是眉梢眼角那種媚態，去年的纖體廣告，是我轉形像的契機，我今年二十有四，再扮得意妹也沒說服力啦。
我信，葉璇的性感是智慧型的，不是穿得少布的所謂「尤物」。多得晶哥提點，原來我可以性感。
卸妝
不。你們眼前的性感尤物，不是這樣的。
訪問約在拍照後的某天進行。這天，葉璇卸下濃妝豔抹，收起萬種風情，一把臉洗得乾淨，連打底霜都懶得塗，穿一件大碼衛衣，踏輕快步伐來找我。「我今日冇化妝，你唔會嫌棄我醜呀，哈哈。」
葉璇的確愛笑。訪問期間，她都在笑，天真爽朗如昔，如她?f：天掉下來當被蓋，連自己都不喜歡自己，難怪別人會攻擊你。
「我有信心可以令自己快快樂樂過一世，報道又寫我衰咩，都習慣咯，登張靚相就得喇。」說罷，她又呷一口雪糕新地，大啖大啖食。
性感，純粹劇情需要，還是「真我」難能可貴。
大概葉璇從來沒變，變的，是人的眼光。

3-7(mon) 網上打小人

2005-03-07T04:40:00.000+08:00

尋日有人“推介”o左個“網上打小人”玩意俾我o地…其實呢個玩意去年都有玩過, 但佢話今年配埋音…o個d咩“打你個小人頭”咁…過癮好多喎…大家不妨去發洩o下啦…不過唔好寫我個名上去!

http://www.y28predictions.com/program/template/legend/rulea.php?file=01&lang=

“心花放”真係幾唔好睇o下 (不過我只係“laap”o左少少)…都唔知佢講咩o既?! 唔係又講親情呀?! 而“我來自潮州”都唔係特別好睇…不過隻歌真係幾好聽, 幾鬥志激昂!

仲睇埋禮拜6“奇幻潮之四人再歸西”…相信當年o既“四人歸西”會拍得驚嚇d囉! 不過呢個咁o既打麻雀故事真係幾經典o既…當年同d同事講開廿幾年前o既“幻海奇情之四人歸西”, 我話知道其中一個雀友係上官玉…佢o地好奇怪我連上官玉都識, 話我唔知係邊個年代o既?! 其實作為一個電視精…唔係“上官玉”都唔識呀?!

2-28(mon) 西廂奇緣

2005-02-28T04:34:00.000+08:00

依家播完“甜孫爺爺”, 但仲有一線劇要追; 因為8點線o個套“西廂奇緣”, 我都幾鍾意睇! 個故事就完全唔掂o架喇, 我直頭以為自已睇緊粵語長片…d老土橋段真係唔該晒! 但係d人我就ok buy…有葉璇嘛! 雖然大家都唔認同我…但我覺得佢真係幾掂喎! 不過我都相信佢個人有d問題…如果唔係唔會有咁多人不滿佢! 同埋佢個古裝look真係好過時裝look好多, 今次個扮相都算過得去o既!

基本上呢套係一套古裝年青版o既“衝上雲霄”…但係又有o個個“高威利”, 點解無線要力捧佢?! 不過佢個“荒淫”皇帝角色都討好過吳卓羲個壞鬼書生o既…真係好yim悶呀! 反而佢同胡杏兒合唱o既主題曲都幾ok喎…佢仲唱得有d似陳小春添! 胡杏兒都唔差, 但之前話有人簽佢出碟, 咁又未夠班, 如果作為歌星o既standard…就真係唔多掂!

最搞笑係商天娥彷彿同許紹雄變成新螢幕情侶, 呢套戲佢o地又做一對!

至於最煞食o既“大長今”, 我真係無睇過! 我相信呢套劇製作幾認真o既, 亦都會係好睇o個隻…但正如上次無睇“金枝慾孽”一樣, 大眾鍾意睇o既o野, 我未必會鍾意睇! 同埋我真係唔好古裝劇+韓劇…呢d純屬個人喜好…尤其無時間之下更加要作出取捨! 所以新o個套“心花放”我諗我都唔會睇! 陶大宇同郭可盈…10年前我真係幾buy o既…但係依家…!

仲有亞視為o左紀念林伯, 居然o係黃金時段9:30重播“我來自潮州”…都幾大陣丈o下! 咁又係o既, 林伯對亞視o既影響又確係幾大, 應該隆重其事o既! 呢套重播劇我反而有d興趣重溫喎!

哎! 點解最忙o既時候就反而最多好戲睇o架?!

2-27(sun) 甜孫爺爺

2005-02-27T04:13:00.000+08:00

呢排忙碌得很, 反而又有好多精彩電視劇睇, 搞到我真係應接不下! 一日要睇兩線, 真係好忙碌…上個禮拜都叫做勉強追得切, 今個禮拜我錄晒兩線劇集之後完全未睇過!

最精彩o既依然係“甜酸爺爺”, 但我只係睇到第14集…依家連局都結埋, 我都仲有4份1未睇! 呢套戲真係好掂喎, 好好笑, 好抵死…尤其係陳宇琛同夏雨鬥法o個part, 笑爆咀…d對白真係好抵死! 記住要“投入, ?牲, 奉獻同埋服從”…! 基本上套劇所有d家庭戲都好好睇, 全家上下每個各色都做得好稱職…除o左o個位楊思琦小姐! 無論係爺爺當家定老豆當家時都咁有趣…好少可有d劇係家庭戲好睇過感情戲咁多…正如我之前所說, 楊思琦絕對係全劇o既敗筆之處!

搵楊小姐做萬人迷, 仲要兩兄弟為o左佢爭風呷醋…真係唔該晒! 睇到佢o地o個兩段感情戲, 真係毛管都棟埋! 尤其係楊小姐個懶得意o既樣同埋劉愷威個懶深情樣…真係嚇死人! 佢兩個d戲都好唔掂! 有一幕講佢兩個整古完akubi之後走出走廊大笑, 嘩! D戲真係屎到爆! 我見到佢o地咁就真係笑爆咀…枉呀劉生仲已經做o左10年戲! 佢95年以新人姿態加入“真情”, 點知一眨眼就10年, 但係佢彷彿呢十年好似白過咁…完全唔知佢做過d咩?! 依家佢俾人o既感覺依然係一個新人咁, 但原來佢已經入o左行十年! 仲已經由21歲變成31歲…唔該佢唔好再整d“少男含情脈脈look”出o黎嚇大家啦!

仲有, 唔好依家先再走番出o黎唱歌 (雖然佢唱歌不嬲都唔錯, 但當年做過一陣歌星唔work咪算囉)…o個隻咁o既夾雜唔知咩文o既歌旋律係ok o既, 但d歌詞就…同埋“freeman”呢個名都好"手羅"膽…“自由人”呀?!

我同d朋友研究過, 楊小姐個角色如果搵d青春玉女歌星仔做仲好啦…求其呀stephy, Theresa, 甚至miki都好d! 或者薛凱琪囉…橫掂佢都有幫無線拍劇o架啦! 點都好過要又唔靚, 又唔cutie, d戲又屎o既楊小姐做萬人迷呀!

方力申就基本上係做番自己, 依舊討好o既, 但無咩大突破! 反而石仔陳宇琛幾令人眼前一亮, 表現幾出位! 尤其佢同夏雨頂咀o個part, 真係笑死我…仲係大家日日談論o既話題! 我諗佢呢排真係幾人氣急升o下, 事關以前從來無人search佢d o野, 但呢排真係多o左好多人因為search佢而link o左入o黎我呢度,“甜孫爺爺”同埋“劉愷威”都多o左好多人search囉!

我記得我之前睇過本雜誌, 發現原來陳宇琛係同我同年同月同日生, 都幾有趣…咁耐我都未發現過有人同我同年同月同日出世o既…咁佢呢期咁掂, 係咪意味著我都會有運行?

2-8(tues) 奇洛李維斯回信

2005-02-08T03:48:00.000+08:00

前幾日睇電視見到幾台都有奇洛李維B o既訪問, 有線當然一貫地派出英文好“lark”得o既陳貝兒出馬做訪問啦…佢o既英文水準無容置疑, 但係最估唔到係無線搵薛凱琪去訪問李維D, 佢o既表現又真係唔錯喎, 佢講英文仲講得好好聽, even好過同學仔janis, 真係一個可造之材, 抵佢終於等到“奇洛李維斯回信”!

另外, 呢排套“甜孫爺爺”幾好睇, 呢種小品式輕鬆喜劇不嬲我最鍾意…全劇演員都做得好好 (除o左我最唔buy o既楊思琦小姐…真係唔明佢點解可以做萬人迷?! 如果搵其他花旦做女主角, 成套劇都會好睇好多!)…尤其係o個3兄弟…真係做得好似3兄弟! 仲有由比石修個仔更似石修o既方力申, 同埋石修真正o既仔陳宇琛做兩兄弟, 都幾有趣呀! 方力申o既形象亦真係幾健康幾討好…又係另一個可造之材! 仲有劉凱威, 不知不覺都做o左10年, 由新人做到變舊人都無咩代表作…今次俾佢擔咁多戲, 仲要俾佢以第一人身做旁白, 好勁喎!

跟住呢期亦都不停咁聽期待o左好耐o既“903拉闊演唱會之克不容緩”(個名我作o既)…有兩大唱得之人-克勤同埋容joey, 確係好聽o既! 但可能因為我期望太高 (之前本來好想睇呢個演唱會, 但居然撞正公司annual dinner!), 又無我想像中咁咁咁好囉! 當然兩個人唱歌都保持一貫水準, 但係火花又的確唔係太有, 同埋唱某d歌有d吃力…特別係“endless love”…事關佢兩個雖然唱到晒d音, 但畢竟英文唔係佢o地o既“father tongue” (更加唔係佢o地o既“mother tongue”), 完全唱唔出個味道! 呢d歌都係由eason呀, sally呀, 或者彭羚唱比較適合!

同埋克勤雖然唱得好, 但佢唱容祖兒d歌都係怪怪咁…可能d女人歌真係唔太o岩男人唱!

2-4(fri) BEYOND演唱會2005

2005-02-04T03:43:00.000+08:00

首先要講o既係前兩日終於排除萬難去o左睇o既beyond concert尾場! 今次真係好排除萬難o架…事關初頭就買唔到飛, 之後加場終於買到但居然發現原來o個日要去飲…所以唯有臨時臨急再撲飛同埋再搵過人同我睇! 不過塞翁失馬, 就係因為咁…我終於可以睇到尾場!

Beyond o既演唱會, 我諗所有我o地年紀o既人都會好期待…2003年o個次Beyond 20週年紀念演唱會, 我好想睇o架嘛…但居然身在英國…好唔開心! 之後睇番vcd, 真係好正! 尤其d歌全部都係耳熟能詳嘛…佢o個次揀d歌, 全屬最經典作品!

所以我今次係好期待去睇呢個演唱會o架, 因為beyond o既歌根本就係陪伴住我o地成長, beyond亦都係我o地成長路o既一個印證! 佢o地d經典歌曲, 相信我o地呢個年齡+/-10歲o既人都會識得唱…所以如果佢o地醒水, 齋食老本齋唱舊歌大家都會好受落!

本來一開場頭個半鐘, 佢o地不停咁唱番d經典歌曲好似“逝去日子” (yeah…好令人有衝動拿番“淘氣雙子星”vcd出o黎睇!), “亞拉伯dancing girl…”, “真的愛你”等等…好多好多! 我已經諗定至少要o係呢度俾200分呢個演唱會…更加要歌頌一下呢個咁精彩o既演唱會! 因為呢d歌其實唔單止係好聽咁簡單, 仲包含o左我o地+前後兩代年青人o既集體回憶! 所有成長於80年代尾至90年代初o既朋友們, 都一定有見證過beyond o既光輝歲月! 所以聽番呢d歌曲簡直有回憶返埋o黎o既感覺!

點知一講到家駒死o左之後, 就完全唔掂喇! 我諗住佢o地頂多唱番三兩隻o個d佢o地“三子時代”o既歌o者, 咁我都仲可以接受呀…點知佢真係想挑戰大家忍耐o既極限, 一連唱o左差唔多一個鐘d完全無人識o既歌! 大家由之前o個個半鐘o既熱血沸騰, 一下子變成悶到hup眼“目訓”…完全唔知佢地想點?! 其實佢o地都已經無需要再o係度嘗試“打”d無人識o既歌…因為打極都唔會hit! 雖然大家都唔想特別強調, 但不得不承認無o左家駒o既beyond真係失色不少…beyond最好聽o既歌, 亦都係由家駒一手創作!

佢o地3個一齊或自己作出o黎o既歌…真係無一隻hit囉! 所以我真係好想同佢o地講: 算吧啦! 繼續食老本吧啦…大家唔介意o架! 總好過你俾d怪歌大家聽以為一新大家o既耳目呀!

雖然之後佢o地都有唱埋“光輝歲月”同埋“amani”等, 但係居然無唱我最鍾意o既“不再猶豫”! 仲有, 其實佢o地仲有好多hit歌未唱, 根本唔需要唱o個d怪歌呀! 佢將大家推向一個悶局之後, 根本大家就好難再興奮番…真係失策!

我同beyond fan屎dr. wong講話呢兩part拉埋我只可以俾50分呢個演唱會…佢話我咁樣一定會俾人打, 話叫我至少要俾70分! 咁我都知beyond d fans出名瘋狂o既, 所以公平d講句, 如果無o左“新歌”o個part, 真係值101分…但拉埋o個part, 真係頂多俾70分囉!

p.s. 世榮唱歌真係進步o左好多, at least把聲響o左好多, 我聽到佢唱咩囉!

1-29(sat) 2004頒獎禮

2005-01-29T03:37:00.000+08:00

呢期勁聽hocc隻碟, 真係幾好聽喎! 同埋佢把聲真係幾特別, 至少唔係一般d嬌o爹少女聲…which我最怕! 容祖兒唔係唱得唔好, 只係我個人buy低音多過高音o者!

仲有, 我發覺“女生宿舍”d歌都幾好聽o下, 尤其係“換個話題”同埋新o個隻“俾反應”都唔錯! 獎門人依家一見到佢o地d cd就話: “你偶像呀…!” 其實我只係覺得佢o地d歌揀得幾好, 同埋唱+跳都唔錯o者, 尤其係佢o地唱live都好過初出道o既cookies好多…不過我都係鍾意cookies多d!

我相信過多一排如果女生宿舍可以洗走d娘味 (最娘其實係個組合名!), 都係可造之材o黎o既…最唔掂反而o係o個個土生土長仲中大畢業o既macy; 反而大陸落o黎o既elise都幾ok, 當然最掂係無線高層梁家樹個女toby啦…幾型喎! 所以傳聞話佢o地好快就解散, 淨係留低toby同elise…我覺得都好合理囉!

再回顧番之前想講o既頒獎禮…今年忙到無時間逐一o係呢度discuss, 再加上其實已經熱情不再…睇就依然會睇o既, 但係絕對唔會好似以前咁緊張!

“勁爆”如常地分豬肉, 完全無代表性, 不過當係一個show睇, 星光熠熠, 人人有份永不落空, 都ok o既! 至少皆大歡喜呀!

“叱咤”亦一如以往地懶煽情, 我諗如果d歌星今年唔夠激動, 下年都唔洗旨意可以得獎! 最欣賞係克勤o係古巨基喊到豬頭時露出鄙視o既神色…好抵死! 果然係寸, 但佢依家寸得起呀! 有性格…我鍾意! 不過我亦不得不佩服商台堆人o既說話+煽情技巧, 一日到晚o係度巧立名目, 牽動情緒…佢o地唔去做保險真係o徙o左!

以前細個曾經一度以為“叱咤”真係最公平公開公正o既頒獎禮…當時我真係年少無知…其實呢個世界又邊有公平o架呀…天下o既烏鴉一樣黑! 可能當時覺得佢o既賽果最另類, 又懶係有佢一套評分機制, 仲要現場唱票添…好似好公平咁! 其實所有頒獎禮都只係一場遊戲!

“勁歌”又係一樣啦, 不過今次分豬肉得o黎都幾出人意表…我估到無線今年一定俾華仔重奪最受歡迎男歌手, 但估唔到真係會俾埋亞太區佢囉! 當佢拿完亞太區之後, 個樣真係好失望…我諗住佢實無份啦, 希望又係克勤拿都好過o個個10億作狀古巨基或者已經可以不理o既cheap霸許志安…點知居然又係華仔! 無線果然每年都會搞d gimmick出o黎為大家製造話題…好似當年安仔同sammi一齊得最受歡迎男女歌手而爆出o既“廚房宣言”, 都係因為無線製造o左呢個綽頭出o黎先得以傳頌一時!

至於最尾o個個港台“十大中文金曲”, 好明顯又係力谷華仔, 又力谷埋容祖兒囉…無啦啦俾成半個鐘華仔重演一次佢個演唱會…真係好騎呢! 仲有港台似乎都好buy方力申…以佢o既資力同埋地位, 有咩可能會兩年都有金曲呀? 舊年隻“好心好報”都叫做大hit過, 今年隻“好好戀愛”其實只係一般hit…唔知點解會得金曲, 反而“新四大天王”o既娘炳食o左個白果!

論歌o黎講, 薛凱琪隻“奇洛李維斯回信”真係有大hit過, 同埋真係幾好聽! 如果選金曲, 呢隻真係應該得! 新人獎亦都好應該係佢拿! 唯一唔明o既就係有咩可能吳日言可以打低佢o係新城拿“女新人王”? 之後仲橫掃其餘3個頒獎禮…反而英皇今年滑鐵盧…首次捧新人而居然一個獎都拿唔到…重要係佢o地重點出擊o既isabella, 而唔係話3T o既其餘2T喎! 好神奇!

1-27(thurs) hocc

2005-01-27T03:34:00.000+08:00

o岩o岩聽o左何韻詩隻新碟…真係掂喎! 雖則我不嬲都好buy佢, 但客觀地評論, 我真係覺得呢隻碟抵讚…唔怪得知佢話劉培基都罕有地send個message去讚佢!

最抵讚o既係佢呢張大碟o既主題…居然係向我最鍾意o既80年代致敬…“政治”十分正確呀! 所以隻隻歌都好有80年代色彩…尤其依家plug緊向梅姐致敬o既“如無意外”…我直頭以為係改篇自80年代o既舊歌添! 真係幾好聽!“艷光四射”o既快慢版都各有特色, 改o左陳百強隻“等”o既“明目張膽”亦都唔錯…係一隻水準之作! 無啦啦寫o左個碟評添…但係我真係想向大家推介hocc隻新碟嘛!

“勁歌”無o左hocc做主持, 確係失色不少…一係搵鄭中基, 一係搵佢個緋聞男友劉浩龍都ok 呀(劉浩龍依家俾人o既感終於都無咁廢…我都好戥佢高興!)…點會又係amigo o架?!

雖然我仍有每個禮拜“追看”(基本上由8歲開始都keep住有個個禮拜睇), 但係已經無咁熱衷…畢竟好似hocc呢d又唱得又talk得o既主持, 真係無咩幾個…我諗到o既就只有李克勤同埋鄭中基, 女o既就真係只得佢一個! (90年代初sammi主持“週點”都做得幾好o既!) 靚佢就真係唔多靚o架喇…但勝在有型同埋有性格嘛!

1-11(tues) 愛(下)

2005-01-11T03:26:00.000+08:00

繼續回顧番上個禮拜個show…都真係好眾志成城o既, 因為有十幾個台聯播!

全晚最好反應我諗係beyond唱amani o個part, 全場歡呼…反而我o地o既特首出場我好似聽到d噓聲?! Beyond果然受歡迎, 呢隻歌亦都係好受歡迎!

最好睇o個part除o左beyond, 就當然係全人類大合唱啦, 又係o個句:“眾志成城”嘛! 尤其係7點鐘o個part一開始時個個齊齊整整排晒o係度, 好grand, 好感動…但係又好似TQ囉!

總好過6:30前o個一part 主要由新人或者過氣偶像演出, 一片混亂, 好唔掂! 唱大會主題曲時仲要係無人記得歌詞, 再加上張柏芝唔識唱但又肉緊地胡亂領唱…真係好失禮! d大牌歌星反而記好晒歌詞, d新人或3線歌手一句歌詞都唔記, 真係抵佢o地唔紅! 我覺得4:00-6:30 o個段其實似rehearsal多d!

2R唱“同步過冬”居然可以一句都唔識, 好心唔識唱就搵幾個鐘背熟佢, 唔好咁核突! 仲有e-kids懶型咁rap, 但完全唔到beat, 破壞晒我隻“同步過冬”呀!

更加估唔到林志美都唱得好難聽, 以前佢把聲好好聽o架嘛…反而薛海琪唱得幾好喎! 抵佢橫掃所有樂壇頒獎禮…係唔明點解個冬菇頭妹妹吳日言都可以個個台都有獎…佢個樣又唔多靚唱歌又唔多好…如果真係因為佢個突出o既形象, 我真係要寫個“服”字俾佢間唱片公司!

依家d新人真係多o左好多機會, 上次“忘我大匯演”廿幾個新人先集齊o係一part每人唱一段(包括我當時最喜愛o既sammi)…今次d新人都可以攝到o係4:00-6:30 唱成隻歌!

最騎呢係見到4:00 o個part由草蜢打頭陣囉…仲要只係得蔡一傑同蘇志威! 事關當年“忘我”又係佢o地打頭陣, 但係當時佢o地係因為大紅大紫所以有得o係呢個有利時間表演, 今次就好明顯因為係禮拜5, o個個時間大部份人都未放工放學, 擺明係因為佢o地已經風光不再, 所以要放o係“新人/3線歌手”時段度! 關淑怡反而可以o係黃金時間演出…不過佢又真係唱得幾動聽o既!

仲有龍劍笙同梅雪詩…好可怕…尤其見到"阿嗲"都想嘔! 阿刨就其實ok o既, 同埋幾有任姐o既影子 (但平常講o野都有d恐怖…同呀寶珠姐都好似有語障咁! 阿嗲就更加唔洗講…一開口真係令人打十億個冷震!)! 不過講句公道說話, 佢兩個又真係唱得好過其他人o既…雖然我一d都唔buy粵曲! 但自從聽過twins唱粵曲之後, 我發覺佢o地真係唱得好好聽…又係抵佢o地咁紅o既!

阿寶珠姐就真係唔該唔好再咩都拖埋佢個“經經”出o黎…佢都成30幾歲人仲成日黐住呀媽, 又帶極都紅唔起, keep住o係3-4線o既位置…真係好令人難受!

仲有許冠文, 佢講o既笑話真係已經唔再好笑, 現場亦都唔見有人笑…我諗許氏兄弟真係正正式式咁out o左喇!

同埋maria cordero…好怕佢永遠都係以“友誼之光”腔口去唱任何歌…太激動喇!

反而鍾意tony jaa…因為佢個名好得意, 好似“湯渣”! 仲有阿祖明…因為佢真係有d似snoopy!

仲有同學仔陳貝兒, 真係做得幾好, 咁大個show都咁淡定…同埋佢個拍檔呀“6號”都係我o係有線主播之中比較欣賞o既…其他就真係唔該晒喇! 所以有線派佢兩個出o黎確係明智之舉!

仲有, 志偉講o野真係好掂, 簡直係我偶像…認真又得, 煽情又得, 搞笑又得, 抵死又得!

唯一唔明係點解唔好似上次咁o係禮拜六搞? 咁樣好過weekdays好多…可能真係因為無線勁歌總選所以要讓路…咁無線實在係太巴閉喇!

1-8(sat) 愛(上)

2005-01-08T03:08:00.000+08:00

又俾人呃…今次係俾無線呃! 尋晚明明check晒所有節目表又睇埋電視預告, 佢講到明話6點先開始直播大匯演o架嘛, 咁我咪6點先開始錄囉…點知佢又呃我…最終4點就開始播…搞到我miss o左兩個鐘! 明知人o地幾咁緊張睇呢次大匯演o架啦…太過份喇!

亞視又係咁, 全部都欺騙晒我…點解要咁喎?! 其實我應該諗到…咁大個show, 無理由唔由頭播o架嘛…佢o地兩台亦都無理由讓有線專美! 我太太太蠢喇…!

好彩依家資訊發達o左好多, 電視台都多o左n個…比起91年o既“忘我大匯演”, 依家即使miss o左都多好多機會重溫番! 一到呢d大型節目或者有大事件發生, 我就發覺有線o既可愛! 佢播完又播, miss o左都可以睇番…“手禁”“手禁”o下仲發覺華娛同埋另外一d國語電視台都播緊, 一到廣告即刻“手禁”去o個d台錄!

所以最終我諗諗o下都係留番o係屋企睇好過去現場, 事關現場實睇得無咁清楚…同埋錄唔到咁多!

今日咁落力咁去追睇呢個籌款show, 真係好令我憶起當年o既“忘我大匯演”, 但係當日我部錄影機居然壞o左…一個咁重要o既世紀大show我居然錄唔到, 造成我往後十年o既一大遺憾! 唔單只無錄, 仲有好多part無睇…唔知點解咁重要o既日子我仲咁無聊碌落留下合唱團練歌…練少一日唔會死o既o者?! 之後又去o左親戚度食晚飯, 搞到連黎明o既經典走音版“對不起我愛你”都無聽到…what a pity!

好彩! 皇天不負有心人…11年後終於俾我搵到原來愛妃有錄起呢個節目仲有keep起餅帶! 我先可以o係多年後重溫番呢個節目…解開呢個心結!

睇完今次個show, 更加令人想睇番03年o既“1:99音樂會”…無睇到, 又係一個遺憾! 無o左梅姐, 所有籌款節目都真係失色不少!

不過即使到今次個節目完結o個一刻, 都不其然有一絲失落感! 雖然上次“忘我”真係做得好好多, 無咁多悶場, 又多好多variety, 唔會淨係唱歌! 但睇得出今次個節目都有用心去做, 所以都好值得支持! 必須要好好錄起佢, 作為歷史o既見證!

(下期續)

1-6(thurs) 愛心無國界演藝界大匯演

2005-01-06T02:52:00.000+08:00

聽日就係“愛心無國界演藝界大匯演”喇…好緊張呀! 相信會係91年“演藝界總動員忘我大匯演”之後最盛大o既振災show, 感覺極之萬眾同心, 眾志成城…好偉大呀! 唔知華仔今次仲會唔會表演“大石碎心口”然後扮嘔血呢?! 仲有, 黎明又會唔會再o黎一次走音版“對不起我愛你”呢?! 好期待!

其實自上次“忘我大匯演”, 之後所搞o既籌款show已經再無搞得咁有聲有色, 唔知點解?! 即使今次個災難明顯係比華東水災勁好多, 但我相信都無可能再好似上次搞得咁出色…係咪因為演藝界已經無以前咁掂呢? 我唔知!

不過值得一讚係今次大會特登整o左首主題曲…因為自華東水災創作o左隻“滔滔千里心”之後, 13年來有親咩振災節目都係用番呢首歌! 不過講真, 呢隻歌真係揀得好好, 亦都填得好好…尤其係以咁短時間o黎講! 所以呢隻歌咁多年o黎都係我o既favorite!

今次揀o左“We are the World”o黎改篇, 其實都揀得好好, 而鄭國江老師o既詞亦都好有感染力, 係唔錯o既作品!

?面仲有句歌詞好搞笑, 我初時聽以為係粗口添! 仲要呢句係由曾經諗住同譚校長組一隊“小李老譚”o既李克勤唱出o黎, 就更加抵死!

呢句就係:“是愛心動力　小我也顯出魄力” (sorry, 係我個人粗鄙囉…!)

雖然首歌無“滔滔千里心”咁好聽, 但整體o黎講都真係唔錯, 又請到小鳳姐重出江湖, 仲見埋草蜢3個人一齊添! 係唯獨成龍大哥依舊唱得好難聽但都搶住o黎唱, 仲有杜麗莎同Maria Cordero有10個作狀! 但點都唔夠古巨基…佢自從做完“情深深”等劇再走番出o黎唱歌之後…作狀指數去到200!

如果我呢個日記真係如大家所講有咁多人睇, 我希望o係呢度呼籲大家記得去捐錢! 係咁多!

全曲歌詞

曲： Jackson Micheal / Lionel Richie
編：林道善 / Paco Lam
調： We Are The World
詞：鄭國江
監：倫永亮

獻出愛心　誰願見這不幸
真心愛　實踐　四海一心
在這天地內　充滿關心慰問
傷痛　誰也動了　惻隱

獻出愛心　全力挽這災難
急需以　信心　愛心支撐
讓愛心做旗艦　衝破阻隔界限
苦痛　誰也願意　分擔

不分遠近　不分富或貧
分擔責任　同情共慰問　正因我亦是人
為救急　為活命　將愛心送贈
此際願世上每顆心都靠近

不要嘆息　求盡你每一分力
哀傷?　更應學會　珍惜
是愛心動力　小我也顯出魄力
今天安泰惟盼　學會感激

不分遠近　不分富或貧
分擔責任　同情共慰問　正因我亦是人
為救急　為活命　將愛心送贈
此際願世上每顆心都靠近

患難?照應　每顆心盡全力　
默默送暖意　愛心應是無敵
珍惜生命力　哀傷?添新價值
今天以找夤矂?煨??
不分遠近　不分富或貧
分擔責任　同情共慰問　正因我亦是人
為救急　為活命　將愛?乃唾?
此際願世上每顆心都靠近

1-1(sat) 周星馳—喜劇之王的誕生

2005-01-01T02:16:00.000+08:00

新一年, 新展望…希望2005年一切都開心順利, 唔好再有天災人禍!

1月7號將會有演藝界總動員o既籌款活動, 我諗會好似1991年o既“忘我大匯演”咁盛大, 我好期待…因為好鍾意o個種“眾志成城為公益”o既感覺…所以曾幾何時, 我次次唱k都會唱“同步過冬”…(亦都好o岩呢幾日唱, 因為真係凍到抽筋)! 如果唔係咁凍, 我想親身走去睇…但我唔明點解佢會揀禮拜5, 放得工o黎都蚊?啦!

再有劣作面世, 請大家再俾d意見我!

我要證清我從來都唔係周星星o既fans, 大家唔好誤會…佢o個套萬眾期待o既“功夫”我都有去睇, 懷住一個預o左佢會好悶o既心情去睇; 終於真係睇到?o左3,4次…sorry, 我覺得好悶!

其實周星星自從走o左入電影圈後, 我真係唔多識欣賞佢o既funny, 我都係欣賞電視年代o既佢多d…以前睇呢d電視劇真係會引到我發笑…所以我寫o既呢篇article係完全無違背良心o既! 哈哈!

要多謝晒上次大家俾我o既feedback, 又幫我check有無錯別字, 有咩資料上o既錯漏又即刻話番俾我聽…真係唔該晒!大家對我o既厚愛, 令我有種受寵若驚o既感覺 …簡直係2005年最佳o既新年禮物! 當然唔少得Amy姐送俾我o既TVB-YesAsia精美座"木台"年曆…好靚, 好型, 好o岩我! 係我今年最鍾意o既聖誕+新年禮物!

12-22(wed) 多多指教

2004-12-22T05:33:00.000+08:00

多謝大家連日來o既feedback, 仲有o個d 擺明“做妹”但又盡量顯得唔係太“做妹”o既留言…好搞笑! 亦都估唔到仲有其他咁多唔識o既人會留言…原來呢d site真係會有好多人睇! 所以亦都好多謝所有提供過資料俾我, 話俾我聽有d咩資料錯o左或者漏o左, 同埋話我知邊d字打錯o左o既朋友…呢個係各方集思廣益o既成果! 唔該晒!

大家都話好戥我高興, 有d仲話為我感到“驕傲”??? 因為我可以做到d同自己興趣有關o既o野, 寓工作於娛樂…話係好難得o既事! 咁我都覺得呢個係一個好難得o既機會, 同埋其實係幾有滿足感o既…有無其他回報只係其次! (當然有就再開心d啦!)

尤其我o既正職咁悶, 呢d絕對係精彩o既點綴! 有幾晚我都dug o左o係間coffee shop度寫作, 覺得自己好型囉 (呵呵!)…直頭好似“殭屍”?面o既“瑤瓊”咁 (無錯, 唔係“瓊瑤”…如果大家有睇“殭屍”就會知我講咩!), 一日到晚坐o係coffee shop度用電腦打小說! 一個字: “型”囉!

好多朋友叫我唔好再o係yim悶界浪費我o既青春…應該盡展所長…進軍娛樂界! 佢o地話話唔定第時台慶d人唔再多謝珍姐, 改為多謝芒姐…哈哈! 好好笑! 大家咁抬舉我真係多謝晒!

好多朋友問我係咪用o左好多時間research, 其實我無咩點re囉…因為我o個排真係無咩時間! 但其實你亦都可以話我係re o左廿幾年, 由我一出世開始已經research緊! 同埋佢俾我由十幾套戲?面揀十套去寫, 我都係揀番自己最熟o個幾套, 所以其實幾得手o下! 反而第2篇我就用多o左時間research, 因為我同個主角無咁熟, 唔re o下我真係唔會太清楚佢d o野!

如果你問我o個十套最鍾意邊套, 唔知大家會唔會估到…因為其實以前我都有o係呢度提過! 就絕對唔係“壹號皇庭”…雖然我唔排除佢有份推我向依家行緊o既路! 而係…

無錯! 大勇同 “車匙”! 當時真係一返學大家就o係度discuss…亦都因為呢套戲, 我首次提早o係9點前溫好書, 安安樂樂咁坐o係度睇電視…可見佢影響力有幾咁大! 連我d咁懶同埋咁臨急抱佛腳o既人都可以改變到…! 至於有無邊套我係唔多鍾意o既?! 絕對有, 不過我唔會講囉…費事倒自己米!

其實雖然篇article都寫得好係我個style, 不過大家會發現有一樣顯著o既唔同…就係讚多過彈 (基本上係無彈…真係想倒米咩?)! 平時我個人出名把口賤, o係我個口度出o黎o既有幾多係讚o架呀? 但係今次要sell o野, 緊係要hard sell d o架啦…為達到目的, 更嘔心o既說話都講得出 (你睇最尾o個段都夠“手羅”膽啦!)…我其實可以係一個好嘔心o既人! 死未?!

最後, 我要鄭重咁宣佈呢篇其實係一篇好認真o既文章囉…唔知點解有人會覺得好好笑?! 不過唔緊要, 我幾喜歡呢個令人快樂o既感覺! 正如d人話見到我個樣就好歡樂, 好想笑…咪隨便笑囉!

12-19(sun) TVB劇集─十大經典重現眼前

2004-12-19T05:31:00.000+08:00

之前講過話忙緊一個大project, 依家終於大功告成…好感動! 見到大家精心製作o既成果面世, 直頭好似睇住自己個仔出世咁…好偉大的工程啊!

其實事前唔係講o左俾好多人知…費事太張揚, 亦都費事到時搞唔成令大家失望!

不過真係要好多謝各位知情朋友o既鼓勵同埋打氣, 佢o地聽到我搞緊壇咁得意o既o野, 反應係比我更興奮, 更緊張, 仲成日吹我叫我send個page俾佢o地! 尤其我o地個yim悶界別o既同業…個個聽到我有機會做d同呢個行業無關但又咁切合我本人o既o野, 都比我更開心…好明顯大家都覺得呢個行業o既生活太乏味, 太苦悶, 太厭惡!

可以有今次呢個咁有趣o既機會, 最緊要多謝YesAsia o既賞識…有人欣賞我搵我寫o野, 其實我真係好開心o架! 再次見到自己有作品面世 (講到好似好high咁…), 心情好亢奮呀…簡直好似當年第一次見到自己o既新聞稿刊登o係星島咁…不過今次無用自己真名…費事啦! 咁樣唔應該知道o既人又可以繼續唔知, 但要知道o既人又一定會知道係我, 所以我覺得呢個安排幾好!

好! 講o左咁耐, 麻煩大家去俾d意見我呀…

12-17(fri) 童年張柏芝

2004-12-17T05:39:00.000+08:00

12-17(fri) 童年張柏芝

想講一樣好無聊o既o野, 之前有一晚深夜睇電視, 見佢重播“情場智多星”…居然o個集o既嘉賓係我近期o既“偶像”溫兆倫…但咁都唔夠騎呢…鏡頭一轉過觀眾席, 我見到一個好熟面口o既洋女人, 睇真d原來係張柏芝個媽咪…雖然係10幾年前o既節目, 但佢個樣咁易認, 一定唔會認錯!

再望真d佢隔離o個個大約10歲o既細路女, 好明顯係張柏芝o黎啦! 真係估唔到呀柏芝連呢d節目都o岩! 不過話時話, 個節目有個環節叫“少年一山的煩惱”, 都幾好笑o架!

12-13(mon) 歡樂滿東華2004 (下)

2004-12-13T05:49:00.000+08:00

繼續講埋“歡樂滿東華”先…基本上d環節係一d都唔精彩, 但勝在騎呢…起碼得啖笑都好呀!

最難聽都係twins唱粵曲…如果大家之前有睇過預告, 都應該知道有幾咁難聽…到真正唱晒成隻, 個可怕程度去到10! 須知道粵曲唔係人人都唱到, 要唱得好就更加難! 我本人就真係唔多識欣賞呢種國萃…不過今次咁有娛樂性, 都姑且用盡我o既忍耐力去睇晒成part“香夭”! 嘩! 真係好可怕!

尤其係呀嬌唱o既女聲…真係前所未有地難聽…平時d人唱粵曲都已經幾難聽o下, 但佢真係我聽o左咁多年最難聽o個個! 呀sa反而唱得ok, 起碼唔會令人毛管棟…同埋佢掌握感情都好過呀嬌好多! 不過講句公道說話, 女聲真係好難唱得好, 事關粵曲唔只要高音, 仲要唧起把聲唱…平時o個d pro o既粵曲人唱女聲都已經嚇死人 (可能再加上我一向都好怕d高音人), 何況呀嬌本身唱高音都已經好“mun”!

唔知d粵劇人平時作現場表演係咪唱live o既呢? 但係次次睇電視播o既都係錄定音…好似無咩意思咁!

反而秀姑真係唱得好掂喎, 個扮相亦都算幾嬌俏…佢仲要唔係唱歌出身都唱得咁好 (定係佢係但我唔知呢?)…呀嬌應該好好向佢學習! 秀姑咁多才多藝…抵佢以前咁紅o既!

一相比起呢d外行人唱粵曲, 原來蓋明輝真係唱得好好…唔怪得知佢有咁多歌迷! 但係佢一“男扮女裝”做時裝劇o既時候…就直係嚇死人! 佢都係做番粵劇扮番男人算啦!

跟住又有東華主席自己捐錢俾自出o黎唱opera, 仲有成個環節咁大把! 雖然佢係唱得唔差, 但用自己o既職權去安排一個環節俾自己表演…好核突!

再o黎係唯一o既當家花旦表演環節…黎姿solo佢同林保怡隻“砒霜”…難聽指數亦都係有10! 我只係想講句: 唔該晒! 枉佢仲話曾經做過歌星 (雖然做過歌星都唔係咩質素o既保證)…佢都係表演番自己隻“白恤衫”會好睇d!

另一發現就係Boyz 唱live唱得好o左好多, 比起“la la世界”時大有進步, 仲唱得好過佢o地o既師姐Twins! 佢o地隻“手足”亦都幾好聽!

而我一向好鄙視o既一味靠黐“男版徐浩縈”--劉浩龍, 無可否認唱歌又真係大有進步o既…睇無?o既舖排, 今年都一定係佢同薛海琪拿新人獎!

仲有佢個前度女友何韻詩, 真係非常歌精舞勁, 好有台型! 平時到點幾?大家由晚裝換晒?友b之後, 通常一有人表演, d主持同人同藝員就會?晒覺…但係到呀詩表演時, d人真係望晒過去全神貫注地睇, 拍晒手掌! 佢真係好掂! 今年仲有得擔大旗做總選司儀…幾年內一定可以做到最受歡迎女歌手!

另外, 我真係無辦法相信林一峰同林二汶係兩兄妹…真係無一忽似! 仲有佢兩個一定係調轉o左性別!

oh, 仲有, 深夜有個叫d藝員爬?o既環節, 幾新鮮o下…不過好騎呢! 唔知大家有無睇到呢?!

12-11(sat) 歡樂滿東華2004 (上)

2004-12-11T05:52:00.000+08:00

o岩o岩過o左o既12月11日, 又係“歡樂滿東華”o既大日子, 年年都有o係度講o下呢個show, 今年都唔可以破例! 可惜我個歡樂滿東華ringtone已經無用武之地, 因為我長期都係用震機!

而我亦都無再好似以前咁神心特登碌番屋企睇“東華”, 只係錄o左佢就算! 但係咁o岩o個晚又係“我和殭屍有個約會III”大結局, 取捨之下唯有放棄“殭III”, 希望佢好快會重播啦! (但係佢今次又真係無咩點重播喎, 之前“殭I”&“殭II”都係一日播幾次, 跟住weekend又再播…保證你唔會miss o架嘛! 今次可能因為要出vcd, 所以唔重播!)

之前先o係度講緊話不如打個電話去捐o下錢, 支持o下我最愛看o既籌款show! 但唔知捐$10得唔得o既呢?! 又或者捐$500但係叫佢分50次打出o黎又得唔得呢?! 須知道電視o既air time係好貴o架嘛, 有得出多d緊係開心d啦! 仲要係我咁多年o黎都好鍾意睇o既節目喎! 記得我以前細個好鍾意同表姐一邊睇呢d籌款show, 一邊o係電話度輪流跟住字幕讀出善長o既名稱…但依家可能疏於練習, 再加上個人真係老喇, 所以睇o左一陣眼都花埋, 仲睇到好心煩, 好氣燥…可能係更年期o既徵狀!

至於個節目本身, 真係悶到抽筋! 其實近年o黎都幾悶o架喇…不過今年簡直yim悶指數創新高!

最好睇o個part當然係我每年都會向大家推介o既“全台藝員卡拉之星大唱遊”啦…簡直係極盡騎呢之能事! 大家無論點都一定要睇, 因為即使你有咩唔開心, 睇完都包你開心番晒…笑到肚攣! 我直頭坐o係度自己同自己指住個電視笑o左一大餐囉! 雖然我真係好眼“目訓”, 但都死撐睇埋呢part先!

我完全唔知點解有d人會咁唔知個醜字點寫?! 其實佢o地都明知其他人, 包括d觀眾都係笑緊佢o地o架啦, 但都要年年咁自己搵個機會俾人笑, 真係唔明! 除o左家燕姐之外, 其他o個9個藝員基本上係全年o係其他大show都唔會見到佢o地o既蹤影, 唯獨o係呢度可以滿足o下佢o地o既表演慾, 但真係好似睇動物園o既表演咁…d人o既奇裝異服同出位行徑, 真係嚇到你死!

o個個上年做手語唱“強”o既王維德 (無線4線咖喱啡…但大家睇到佢個樣一定認得!), 話自己今年練o左隻更快更勁o既歌…原來係“無極”喎! 佢真係標準城城fans…今次仲著埋d野人衫做手語, 好頂癮!

仲有o個個黃樂兒, 依家好似做掌門人o既獎品小姐…當年我睇兒童節目都有見到佢o架, o個時叫黃玉鳳嘛…又係o個句, 改o左名完全唔見得會紅o左! 佢o係兒童節目唱歌都算ok o既, 但絕對唔會係好o個隻囉, 同埋絕對唔可以出o黎表演囉! 佢仲要著條公主裙…我仲以為halloween表演添! 仲有佢d濃裝…嚇死我! 以前睇兒童節目都覺得佢幾唔靚o下 (因為d兒童節目姐姐大部份都係揀d好樣o架嘛), 但係有一日o係銅鑼灣地鐵見到佢…又唔太差喎! 不過佢上鏡就真係…! 同埋佢d騎呢o既舉動+懶可愛o既表情+聲線…簡直令我乳鴿都差d嘔埋出o黎!

再o黎幾個都係年年都會出現o個隻…鄺佐輝啦, 魯振順啦, 王俊棠啦, 同埋鄧汝超! 全部都笑爆咀!

另加一兩個連我都o翕唔出名o既 (可知佢o地o既知名度有幾高)…但通常呢幾個都反而會唱得幾好! 但係呢d人就真係只會曇花一現…下年都未必再會見到佢o地出o黎!

(下期續)

12-10(fri) 霑叔

2004-12-10T05:57:00.000+08:00

12-10(fri) 霑叔

前幾日收到hku o既email, 見到有另一個紀念霑叔o既網頁…都幾好睇喎, 事關有好多佢o係hku時o既資料, 同埋佢寫o既幾篇論文! (其實流行文化o個d o野真係幾好玩, 幾好寫, 幾好讀! 最緊要係幾o岩我嘛! 真係有d後悔無讀social sciences!)

http://www.hku.hk/alumni/DrJamesWong

嘩! 原來佢除o左我之前講o既有才華, 中英文好, 成績好, 音樂好; 仲畫畫靚, 而最掂o既係寫字靚嘛! 手字靚o既人已經加晒分, 仲要係寫字靚o既男人, 真係絕無僅有! o係圈中手字靚o既男藝人, 我記憶所及係得華仔, 克勤同埋學友(呢個唔sure)! 其他藝人手字基本上好多都可以形容為illegible!

霑叔咁有才華, 唔怪得知雖然佢唔算靚仔, 但係咁多女人lum佢!

我已經同朋友仔約好一齊去k唱霑叔d歌…pay tribute to一代鬼才!

霑叔逝世之後o個日睇o左兩份報紙(因我屋企有買太陽同經濟), 特登睇晒兩份o既專欄同埋社論之類o既o野…發覺其中兩篇專欄內容十分相似，雖然用詞同埋舖排有些少唔同，但d重點基本上一樣，所以我絕對有理由相信係同一個人寫o既！不過其實要寫兩篇內容一樣但又要扮唔同o既o野都好難…所以雖然我覺得騎呢，我都好佩服呢個作者!

其實我最想講o既係，o個個作者寫o既o野我都幾認同囉…佢話霑叔o既不文絕非不雅，佢只係以粗鄙o既字眼去挑戰世人o既虛偽，嘲笑o個ｄ自以為高人一等o既雅人…完全同意！仲有，佢話霑叔曾經為風流同下流兩字下定義：“自己叫雞就係風流，人o地叫雞就係下流。”…絕!

12-7(tues) 千山我獨行．．．不必相送

2004-12-07T06:00:00.000+08:00

(續前篇)

前一篇講緊霑叔，今期再續！

上個禮拜睇到霑叔個“自編自導自演”ｏ既超低調喪禮．．．真係愕ｏ左一然，但又覺得佢超級型！

同佢寫ｏ既詞一樣．．．“千山我獨行．．．不必相送”！人都死ｏ左，又確係無咩必要搞咁多ｏ野ｏ既！有人話喪禮係俾生人睇, 唔係俾死人睇…某程度上, 我同意!

不過我真係未見過咁低調o既名人/明星葬禮…霑叔果然係有佢o既style! 無o左o係殯儀館內/外o既呼天搶地, 反而來得瀟灑…真係你估佢唔到!

仲有o個個開埠以來最多人參加o既追思會, 可見霑叔o係香港人心目中o既地位! 我本來都知個追思會一定會overrun, 所以特登錄多半個鐘到5點…點知都係錄唔晒…睇唔到後尾o個段…好唔開心! 好彩有線都有不停咁重播番d重要片段, 有線終於有佢o既用處!

仲有佢o地個獨家林燕妮訪問, 都幾好睇! 如果唔係聽埋佢o個邊o既version, 會覺得係佢錯晒…o係人o地死o左之後數呢個o個個o既不是 (雖然佢咁做確係唔係太恰當)…但佢都有佢o既原因o既! 咁又係“hing”o既 (如果佢講o既係事實), 俾個“o靚妹”成日寫fax去佢屋企向佢男友示愛 (不過佢自己何嘗唔係搶人老公?!)…仲要係佢自己介紹入o黎公司o既員工…又的確係幾唔俾面佢! 仲要最終o個個人真係做o左黃太, 而林小姐o既身份一路都只係女友!

又難怪佢o係訪問之中3句唔埋兩句就話: “黃霑欠佢一個身份”…所以佢唔知可以以咩身份去做任何ｏ野, 亦都無人邀請佢出席喪禮咁話! 好酸溜溜囉!

其實佢同霑叔又真係襯o既, 一個才子, 一個才女…不過太登對o既人反而永遠都唔會一齊!

佢話佢o既悼念方式係重新睇多一次“大家樂”…我都好想睇番呢套戲呀! 又係我喜愛o既青春歌舞片, 仲有當年o既溫拿添, 仲有“l-o-v-e love”, “齊心就事成”同埋“陪著她”等歌曲…舊年已經想重溫o架喇, 點知o個日有線重播我又miss o左…點解成日都係咁o架?!

嘩! 好勁呀! 有得download霑叔o既紀念特刊…大家唔洗爭崩頭喇…!

http://www.wongjim.com/

(幅畫同埋d字都係佢自己寫o既…真係好勁!)

12-5(sun)　salute to 霑叔

2004-12-05T06:02:00.000+08:00

12-5(sun)　salute to 霑叔

呢排日日返到屋企又要追睇有關霑叔ｏ既節目．．．真係愈睇愈欣賞佢．．．果然係好有性格＆才華ｏ既一個人！

不嬲都知佢有才華，前幾年去睇煇黃演唱會聽到佢填ｏ既詞，都發覺全部都好耳熟能詳，膾炙人口．．．隻隻都係ｈｉｔ歌中ｏ既hit歌！

話雖如此，之前真係無好認真咁去咀嚼佢ｄ歌詞；即使知道係寫得好，但都無去研究有幾咁好！係到佢死ｏ左之後，重溫番佢ｄ作品，先知道原來真係絕核成咁！大部份人都係到失去ｏ左先識得珍惜，先懂得欣賞．．．無錯，我都係咁ｏ既人！（呢期我部mp3都係播緊煇黃ｏ既歌！）

呢排因為ｏ個ｄ追思霑叔ｏ既節目，聽番好多佢ｏ既歌．．．先發現，oh！原來呢隻係佢寫ｏ架？ｏ個隻都係佢寫ｏ架？

由充滿詩情畫意ｏ既“兩忘?水?”、到豪邁ｏ既“蒼海一聲笑”、“上海灘”、再到充滿愛國愛港情懷ｏ既“勇敢的中國人”同埋“這是我家”、仲有最經典ｏ既“明星”同埋輕鬆淺白o既“問我”．．．真係咩題材佢都寫得咁到肉！點可能有人咁有文采ｏ架？！仲係各方面都寫得咁好喎！

佢不文起ｏ黎可以好不文，但係又居然可以寫出充滿童真ｏ既“世界真細小”．．．有人話呢份中文詞比原裝ｏ既英文版寫得更好．．．我同意！

但係又邊有人寫中文詞寫得咁好，居然連英文詞都咁好ｏ架？！恕我孤陋寡聞，我一直都唔知“L－O－V－E．．．LOVE”係出自佢ｏ既手筆！雖然我不嬲識晒成首歌ｏ既歌詞，但我居然一路都無為意呢隻歌係霑叔寫ｏ既．．．真係失禮晒！我一路都以為係改篇英文歌詞，係洋人作ｏ既，如果唔係無理由寫得咁好ｏ架？！真係枉費我一路都話好欣賞呢隻歌！

亦都再恕我孤陋寡聞，我一路都以為霑叔淨係識寫詞，作曲頂多都係得“蒼海一聲笑”一隻ｈｉｔ歌咁大把．．．但今日聽番霑叔ｏ既生平，先知原來好多歌都係佢一手包辦曲詞，好似“忘記他”、“舊夢不須記”等．．．真係唔講唔知！佢仲又識得彈琴，又吹得一口好口琴，原來仲話佢曾經係“喇叭”ｏ既head boy！邊有人咁“他－lented”ｏ架？！

以前一路都真係無為意，可能ｏ係我長大ｏ既80年代，佢ｏ既形象已經係“不文霑”！所以我印象最深刻ｏ既都係佢主持“今夜不設防”或者“亞姐”ｏ個ｄ！當時佢ｏ既形象的確不甚討好！

不過正如佢個女黃宇詩所講，我都好同意佢話最鍾意霑叔呢幾年老ｏ左ｏ既look．．．好一個慈祥ｏ既長者！

（下篇續）

11-29(mon) “我本善良”…結局篇

2004-11-29T06:07:00.000+08:00

11-29(mon) “我本善良”…結局篇

上個weekend終於睇晒“我本善良”, 雖然我都知我真係講得太多呢個話題, 但請容許我講埋少少觀後感!

我覺得個結局篇其實真係幾sad, 睇完之後我真係心o翕o左好一陣子…有d覺得自己搵o黎搞…睇埋d咁o既戲!

雖然一早已經知道伊明最終會盲, 而點解會盲同埋往後佢返o左英國間屋度等齊浩男o既情節, 全部都已經聽過晒…但真係睇落去o既時候唔知點解都係咁sad! 有d覺得應該唔好鬼睇…免得影響本人o既心情! 同埋有d慶幸當年10歲o既我特登唔睇呢套戲…否則可能會對我o既弱小心靈造成不能磨滅o既影響! (原來小時候o既我係好有先見之明)

不過我諗極都唔明當時我點可以“逃避”唔睇呢套戲…話晒佢7:30播, 好明顯係我屋企o既食飯時間; 而我本人當時就算唔係食飯時間個電視都係長開o架啦…唔開電視我根本做唔到功課讀唔到書 (雖然到中學之後, 我發現呢個只係我冠冕堂皇o既藉口…不過算啦…你理得我呀! 我o個時確係睇住電視讀到書嘛!)…咁我究竟用咩方法去避過唔睇呢套戲呢?! 我到依家都諗唔到! 定係我o個排特登走去睇亞視呢?! 但係亞視o個期又做緊d咩好戲咁吸引呢?! (知道o既朋友唔該話我知)…真係一個謎!

所以到大個o左先第一次睇呢套戲反而仲有意思…因為當中好多道理可能作為一個10歲o既小朋友根本唔能夠透徹咁了解! 同埋再可以見證o下兩位主角10幾年後o既下場, 真係好有意思…無人會估到當時紅極一時o既當家小生花旦, 依家會變成咁…畢竟睇番d舊雜誌, 溫兆倫當年除o左歌視兩凄之外, 無線幾乎個個大show都有佢做司儀 (o個日仲無端端睇到一個因台慶而整出o黎o既特備兒童節目, 係回顧番咁多年o黎o既兒童節目環節呀, 精彩兒歌咁! 除o左聽o左好多精彩o既兒歌外, 最大發現就係再次聽到早期“閃電傳真機”?面一個叫“戴家庭”o既環節o既主題曲…聽聽o下居然發現係溫兆倫唱o既…真係唔聽番都唔記得!); 而邵美琪原來仲勁到o係90年獲選為最受歡迎電視女藝員第1位…你又點會估到今日o既佢o地已經淪落到做d2,3線“甘草演員”呢?!

反而當年劇中o既甘草演員, 個個都仲活躍於呢個圈, 10幾年後依然無論樣貌定地位都無咩點變! 上個禮拜睇台慶仲見到修哥, 白茵姐, 夏萍姐等風采依然…但係o個d當時o既“年青一輩”就已經全數消聲匿跡, 或者由前排最中間o既位置 (即係依家林保怡同黎姿o既企位), 調到去後排o既甘草位…哎! 你話呢個世界幾咁跟紅頂白呀!

最搞笑係有一晚睇呢套劇o既錄影帶, o個集係講夏萍, 胡楓同曾江3母子 (夏萍做佢兩個o既呀媽)…點知睇完一stop部機, 就exactly o係粵語長片度見番佢3個o既年青時代…當時夏萍同胡楓係飾演兩夫婦…又一次印證女人真係唔kum老! 唔排除過多幾年o係d戲度會見到邵美琪飾演溫兆倫o既呀媽!

仲有, 上個禮拜終於去唱o左“笑看風雲變”同埋o係某一集播晒成首o既草蜢“歲月燃燒”…唔o係套戲度聽到都唔發覺原來呢隻歌真係幾好聽…確係“蒼海遺珠”!

最後要講o既係結局o個集居然有一幕o係我屋企附近拍, 仲影到一幢已經拆o左o既樓…好有親切感; 亦都播o左兩次“沒有你之後”…呢首歌又確係溫兆倫最好聽o既歌…亦都係佢填得比較好o既歌 (at least好過“今生無悔”隻插曲“仍是痛在我心的你”)…不過呢期已經俾我聽到爛晒!

11-25(thurs) 11月25日

2004-11-25T18:18:00.000+08:00

尋日一起身就睇到霑叔逝世o既消息, 跟住全日睇o左無數有關佢o既節目! 霑叔呢種人就exactly係我欣賞o個隻…配合我成日強調o既“唔怕你賤, 至怕你呆”o既style! 仲有佢都算幾懂得窒人…呢d人先有腦先funny…所以我更加欣賞曾志偉!

而霑叔寫o既歌又真係好雅俗共賞o架喎, 而佢講o野, 亦都係幾有point o架喎!

我幾得幾年前有一次o係hku一個通識教育o既course係講“香港流行文化”o既…每次都會請一個嘉賓o黎講talk…其中一次請o左霑叔o黎. 從佢講o野你都可以sense到佢非常知識好廣博, 風趣幽默, 又有才華…果然係掂! 不愧為“鬼才”!

其實佢個女黃宇詩都ok o架…唔知點解紅極都紅唔起呢?! 個樣ok, 做主持都ok, d前輩又會睇住佢 (如果大家有睇今年台慶, 一開場無耐肥姐抽到黃宇詩中獎, 幾鬼開心話“oh, 世侄女!”…換轉係第二d3,4線藝員, 佢睬佢都傻啦!)…不過亦都有可能因為佢係名人之後, 反而阻礙o左佢o既發展!

另外, 我“laap”o左一集“天涯俠醫”+一集“我係tuni fi”…兩者都唔多好睇, 又可以慳番d時間! “tuni fi”的確係有寶珮如, 仲有後來去o左拍3級o既陳穎芝…再加上鄧浩光同姜皓文做男主角…個cast確係幾唔吸引o下…完全可以不理! 亦得到朋友o既證實, 呢個劇確係改篇自電台廣播劇…佢話佢居然有o個本小說喎!

11-23(tues) 台慶後記

2004-11-23T18:19:00.000+08:00

講開台慶, 循例都要講番少少觀後感…一個字:“悶”!

d朋友話連我呢d咁hardcore fans都話悶, 咁就一定真係悶到揪筋! 的而且確係好悶, 枉費我特登趕返屋企睇 (雖然某程度上我都係預o左咁悶)! 基本上你係完全知道佢成個節目個flow會係點, 因為呢3,4年o黎年年都一樣…完全無驚喜! 開場一輪歌舞之後, 就抽o下獎, 跟住就頒獎, 然後就係表演環節, 如此類推…!

我完全唔明點解咁都可以有平均35點收視?! 大家真係好俾面tvb! 可能真係個台慶頒獎禮效應…因為今年男女主角獎“競爭激烈”, 所以大家都好緊張碌番屋企睇! 不過話時話, 我都識/聽到好多唔算係電視迷o既朋友都話會碌番屋企睇台慶, 可見台慶就係有一定吸引力!

不過d表演環節真係悶到暈, 又吃力不討好! 根本d藝人就唔係train做雜技團, 你要佢o地玩d高難度動作, 又無咩時間練習…做o既辛苦, 睇o既又辛苦…完全係搵o黎搞! 十多年前d表演高難度得o黎都有d美感…依家只可以話係混亂!

好多人問我對今次台慶頒獎禮o既賽果係咪好失望?! 其實又無咩特別感覺…事關d頒獎禮從來都係一場遊戲一場夢! 不過我估唔到依家連台慶頒獎禮都變到樂壇頒獎禮咁黑暗…之前幾年未鬧到咁大o既時候, 反而個賽果會“公平”好多 (公平as in同公眾o既想法接近好多, 無咁多內幕交易)!

不過佢依家整d驚人賽果都有佢o既好處, 至少可以引起好多talking point, 仲可以搵埋材料俾第一集o既“香港直播”做…又搵高層, 又搵男女主角上去做直播訪問…一舉十幾得! 可以拉高收視嘛! 又可以等黎姿晒o下佢o既演技…即場感觸落淚…演技的確係好過城城好多! 抵佢得獎! 同埋佢同林保怡呢兩個月o黎咁落力搏宣傳, 正如我之前所謂:“無功都有勞”嘛, 應該俾佢o地o既!

最重要係可以俾個機會無線高層解釋o下個投票機制, 話除o左觀眾投票之外, 最重要o既一關係高層o既“專業”評選…所以你又唔可以話佢唔公平喎! 總好過o個d打正“民意為尊”旗號o既頒獎禮…賽果反而就最另類, 名符其實o既小圈子玩意!

如妃亦都一如早前報紙所講“lum”庄做“實力非凡女演員”…咪即係好似華仔年年分得一個 “亞太區最受歡迎男歌手”咁囉…掛名好似更加勁咁, 事實咪係一個安慰獎…真係唔俾好過俾!

11-19(fri) 2004無線台慶

2004-11-19T18:20:00.000+08:00

HAPPY BIRTHDAY~YEAH~YEAH!

又到一年一度o既TVB台慶, 真係話咁快又一年!

已經係第3年o係呢度寫有關台慶o既o野…所以今年會盡量簡短 (注意: 只係盡量o者! 我都知我一向口水多過茶!), 因為已經無以前咁eager! 最eager o個次都係2002年第1次o係呢度講台慶…事關o個年o係英國無得現場睇, 所以搞到個人心掛掛! 永遠都係得唔到o既o野你先會珍惜o架嘛…所以無得睇咪會特別想睇囉!

兩年前我寫道:

…“今日又係一年一度o既tvb台慶, 熟悉我o既人都知道, 台慶對我o黎講基乎緊要過自己生日; 今年仲要係第35年, 咁大日子, 又點可以錯過呢!…

如果o係香港, 我一定會推晒所有節目, 乖乖留o係屋企睇現場直播…你可能會覺得我好無聊, 係呀, 我係咁o架喎! 雖然依家唔可以安坐家中睇現場直播, 我都有每日留意o下報紙同埋tvb.com o既報導, 唔會俾自己太out!”

一年前我寫道:

…“估唔到話咁快就一週年, 時間真係過得快到你估唔到…好多謝咁多位支持o左我一整年o既“忠實讀者”, 遲o下如果我發o左達, 一定會搞d有獎遊戲報答下大家…好似台慶o個d “8喜臨門連環賞”咁! ~~等我~~!”

可惜我到依家都未發達…再等我啦o下!

哈哈! 所以依家我身在香港, 唔留o係屋企睇直播好似有d對唔住自己+6叔+利孝和夫人…因此俾我推o左幾朋友, 請唔好怪我…畢竟“台慶大過天”(呢個係舊年o個篇台慶article o既heading)! 我唔睇台慶, 會愧對o左我作為“千年電視精”o既身份!

點都好啦, 雖然已經“熱情不再”, 但循例都要預測o下賽果, 我尋晚仲用埋sms玩o左個“台慶互動giv”…都仲幾落力o下o架!

1) 男主角: 莫探員啦! 講真, 我覺得黃子華真係做得幾好…好過林保怡好多! 不過林保怡就異常落力去宣傳同埋出席function, 仲同黎姿夾緋聞+自爆有多年女友 (while大眾都知佢係基o既!)…咁落力…正所謂“無功都有勞”…無線可能會俾佢! 不過個人喜好, 都係睇高莫探員一線!

2) 女主角: 唔洗講啦…人人都會投如妃一票! 真係“眾志成城選如妃”! 就算我唔睇“金枝慾孽”, 都知佢人氣有幾勁! 同埋我不嬲都ok buy鄧萃雯…80年代o既演員先係真正有“食力”o架嘛! 再者個獎俾o左佢, 大家都唔洗拗…o個d姐仔呀佘佘, 黎姿同埋張可頤都唔洗爭餐死…皆大歡喜啦! 估唔到鄧萃雯舊年拿到個變相“甘草”獎, 今年居然可以坐正…我都戥佢好高興!

3) 躍進男演員: 今年真係無心水, 之前兩年都有陳豪同林峰我都幾鍾意…今年真係無個特別buy…我估如外界所說係鄭嘉穎! 佢由“分分鐘記起”o既“棒球小子”歌星形象到依家10年後o既電視人…都捱o左好多年, 俾佢都好應該呀! 如果唔係佢, 我會估黃宗澤…雖然我真係由始至終都好唔buy佢! 典型o既mk少年!

4) 躍進女演員: 個人喜好係廖碧兒, 但係佢今年無代表作, 淨係得套“皆大歡喜”…機會無咁大, 除非無線真係諗住全力去捧佢! 至於機會最大o既應該係另一個備受力捧但係我又係勁唔buy o既楊思琦…佢無論聲線, 語氣定係外型都好似一個小學生 (雖然佢呢期變成一個“人工發育”o左o既小學生)…仲要講o野作狀到好似朗誦咁…好恐怖! 不過我唔buy還我唔buy, 珍姐buy呀嘛! 仲要佢為o左綵排台慶表演而受傷, 實加晒分啦! 俾佢得獎仲有更大宣傳效果添!

5) 男甘草 (實力非凡男演員): 蔣志光啦…史sir幾過癮! 一係就“隔世追兇”o既許紹雄…我覺得佢同郭晉安o既父子情寫+做都好好!

6) 女甘草: 皇后陳秀珠…因為無咩第2個好估! 如果如妃唔係今年拿硬女主角, 可能會係佢o既!

7) 最佳拍檔(戲劇) : 我鍾意莫探員拍李慧慧! 如果子華拿唔到男主角, 應該會俾呢個獎佢o地…但如果佢拿到, 咁就應該會俾埋“金枝”o個4個妃s!

8) 最佳拍檔(非戲劇) : 唔知點解4葉草o個幾個主角會係呢個category, 舊年我都講過呢個point, 所以唔再講喇! 是但啦, 我都係想估佢o地!

無線37周年台慶, 亦都意味著呢度開“台”兩周年, 事關第一日真正將d o野dum上網o既日子, 亦都係11月19日(之前o個d係一早打好但未有時間+“能力”放上網, 後尾backdate番o既)!

11-17(wed) 沒有你之後

2004-11-17T18:22:00.000+08:00

好! 今日“我本善良”終於都大結局喇…睇少一線劇集, 慳番好多時間!

我本來對“天涯俠醫”o個隻劇種都幾有興趣, 不過同時段要睇“殭屍”(“殭3”無錯係幾唔好睇o下, 但基於當年呢個強烈情意結, 我都會睇埋佢…本來想講“殭屍”好耐, 奈何中途殺出套“我本善良”…所以要留番下幾期先講!) , 同埋d女角嚴重克人僧…有大眾都“見佢前面憎埋佢後面“o既梁詠琪 (雖然只係客串, 但已經足以令大家對呢套劇印象大打折扣), 同埋個樣係靚但唔知點解咁克人僧o既郭羨妮…所以即使d男角我幾buy, 都唔可以吸引到我為o左佢而放棄我o既“殭屍”! 或者我今晚返去錄一套睇一套, 試o下睇o下佢d劇情all唔“all-light”啦!

其實“我本善良”呢兩個禮拜已經無咁好睇…事關進入尾聲開始“死得人多”, 平均每日都要死一個…好怕睇d咁heavy o既戲!

而齊浩男亦都無之前咁型…好似傻仔咁俾齊喬正點, 我覺得根本係佢間接地一步一步咁推伊明向俾人整盲o既境地!

是但啦, 橫掂都完喇…永遠d戲都係中段最好睇, 到後尾就係因為睇開唔好o徙, 所以唯有睇埋佢!

當年o既溫兆倫, 的確係ok型o既…我呢期同d朋友講開, 原來有好多人當年都“迷戀”過佢, 有個朋友仲話當時知道o溫兆倫o係海外出o左本寫真集, 仲特登搵朋友幫佢o係第2度買番o黎添! 真係估佢唔到! 我最勁都係以$38元 (對一個無咩零用錢o既小六學生o黎講, 其實係好落本o架喇!) 買o左本“今生無悔”特刊 (呢本o野當時好hit, 我知有好幾個同學仔都買o左!)…但絕對唔係因為溫兆倫同邵美琪…o個套戲大眾都係buy黎明同周海媚!

仲有, 朋友燒俾我隻齊浩男精選碟, 好好聽…但只限於“沒有你之後”同埋“我是情痴”! “從未試過擁有…”都ok o既 (加埋佢o既獨特“尾音拖長”唱腔)…o個隻寫俾佢舊情人李麗蕊o既“我的sara”就幾難聽o下, 而其他歌就真係…同埋佢o既唱腔亦都…!

上個禮拜唱k又唱多一次“沒有你之後”…果然係重複重複再重複…不過個mv都拍得幾好! 可惜唔記得o左唱“笑看風雲變”同埋“歲月燃燒”! 仲有, 原來“心仍是冷”根本唔係呢套劇o既插曲…唔知點解我十幾年來都以為係?!

11-11(thurs) EYT

2004-11-11T18:24:00.000+08:00

嘩! 好累呀! 因為我呢期太投入睇電視, 晚晚睇到兩,三點!

依家已經唔止係睇“我本善良” (因為呢幾集真係幾悶o下!), 而係因為“我本善良”而引領我重新投入並戀上我最親愛o既80/90年代…所以不停咁睇番d舊錄影帶!

繼重溫o左多年o既台慶之後 (不過上個禮拜6無線做o個個“經典台慶趣劇重溫”就真係悶到抽筋!), 我前晚執屋 (好難得地) 搵到一餅舊錄影帶, 錄o左90年o既“唱談普通話”, 後面居然額外送多一段“歡樂今宵”片段…當日應該係修哥生日, 大家同佢慶祝! 睇開場唱歌“日頭猛做”o既片頭 (當然, 好似到o左o個段時期已經改o左歌詞…呢段時間隻歌係由林憶蓮唱o既!), 居然見到有阿齊浩男…原來佢當年做過歡樂今宵…我一d都唔記得! 依家諗番起好似記得佢有做過其中一個趣劇-由陳敏兒主演o既“哎o也表妹”?!

不過呢集就唔見有佢, 反而又見到money姐, 仲著到“鬼5馬6”咁…原來佢同智叔有個環節叫咩“無厘由講場” (咁上o下啦!)…講o下d無厘頭 (當時o岩o岩興起o既詞語) 句語…仲有個榜數top5…當日第1位居然係: “你食o左飯未呀?”…真係好無厘頭…咁都可以講一餐! 仲話呢個問候句語其實好有意思…因為你咁樣問人可以顯示到你o既關心但又不失大體…好過你問人: “你刷o左牙未呀?”或者“你沖o左涼未呀?”喎…!

跟住就話最新o既一句問候語應該係: “你走得未呀?” (imply“你移到民未?” <當時最貼身o既話題> 或者“你轉到工未?”)…話人人聽到都會高興…因為表現你睇得起對方! 真係好騎呢…好“無厘由”…我對呢個環節簡直完全無印象…!

“EYT”後面再加映一集“娛樂新聞眼”…o個集係雷宇揚同劉秀萍 (好記得當年華仔話佢靚) 主持…o個集無咩特別, 但依家睇番都幾得意!

仲有, 尋日睇到節目表, 話亞視下個禮拜開始晨早重播“我係tuni fi”…應該又係10幾年前o既戲…類似無記o既處境喜劇! 我當年都覺得幾好睇, 幾好笑! 呢個劇係由當時o岩o岩過檔亞視o既何美婷主演, 好似仲有寶珮如 (呢個唔sure), 仲好似本來係電台節目o黎o既添 (呢個更加唔sure!) 等我睇o下再refresh o下我o既memory再話俾大家知!

11-10(wed) “永遠的偶像-part 3”

2004-11-10T17:32:00.000+08:00

講埋上期未講完o既邵美琪先啦…呢個網頁抵死呀…放o左d“年華老去”o既女星20年前後o既對比…差d唔記得o左一個當年“靚絕5台山”o既藍潔瑛…佢依家o既景況比邵美琪更坎坷!

http://ent.qianlong.com/4543/2004/09/20/233@2286270.htm

當年邵美琪大紅o既時候, 鄭伊面只係一個初出茅廬o既無名小卒; 邵美琪為o左碗咁o既伊面o係最光輝o既時候引退, 做佢個所謂“背後的女人”…最終落得如斯下場!

到佢俾人飛o左之後又要出返o黎無線拍戲, 但係已經由當家分旦淪為2,3線大配角…一係就不停咁o係d戲度演繹番佢自己o既故事, i.e.同d細路 (e.g.曹永廉, 吳奇隆) 上演忘年戀…好慘!

最慘係佢個樣變得蒼老, 憔悴, 雙眼無神, 仲好神經質…完全失去晒佢90年代o既光彩!

好可憐…真係愈睇佢當年有幾掂就愈覺得佢可憐…佢o既人生實在太坎坷喇!

究竟呢碗面有咩咁好食呢? 搞到無論20出頭o既阿sa, 定係將近40o既石伊明…都為o左佢而爭磞頭?!

呢篇又係寫得好好: (邵美琪：??女人不太冷？)

http://ent.sina.com.cn/s/h/2003-11-10/0809230353.html

11-8(mon) “永遠的偶像-part 2”

2004-11-08T17:18:00.000+08:00

今期應該講到我另一個“偶像”邵美琪…雖然佢做o既戲我幾鍾意睇, 而佢o係“皇上保重”同埋“義不容情”o既look我都覺得好靚, 但一路以o黎其實都未真係鍾意過邵美琪!

估唔到因為一套14年前o既劇, 令我真真正正咁“迷上”o左佢!

其實邵美琪可以好靚, 因為佢輪廓分明, 眼大而有神, 個樣仲幾精靈o下 (當然, 自從“奪面雙琪”事件之後, 佢個人嚴重失去神彩!)…我記得我曾經o係呢度講過, 佢後生時確係靚過o個個咁o既梁詠琪多多聲!

不過佢成日疏埋d怪髮型, 一係就“今生無悔”個蓋頭 (正確o係講係一個頭盔), 一係就今次“我本善良”個被我形容為“俄羅斯屋頂頭”(雖然我同一個比我大少少o既朋友仔傾開石伊明呢個頭, 佢話可能佢當年呢個髮型其實係好型o個隻…只係我o地依家睇覺得騎呢o者! um…或者係啦)! 如果佢疏個靚髮型, 佢會再靚d囉! 不過又或者佢想表現出佢倔強o既一面…起碼咁樣特別d, 可以開一條獨特o既戲路…因為無線o既女星真係無咩幾個長期走呢個短髮型格路線!

呢種有型, 倔強, 自信, 獨立o既形象…我一向都好buy…所以石伊明, 的確係一個十分討好o既角色…可惜, 佢最後盲鬼o左!

本來已經好憎梁詠琪呢個物體 (雖然阿媽每次話好睇唔順眼佢同鄭伊面o既時候, 我都會懶理智咁話:“人o地感情o既o野你又點知誰對誰錯呢?”但話雖如此, objectively我係咁諗/講o既; 但subjectively, 我都同樣地討厭呢個女人! 可能係鄭伊面處理得差, 又或者真係唔係我o地想像中咁…不過佢個樣係太得戚, 太克人憎…所以我同10個人講, 又係有12個人都唔鍾意佢! 依家話阿sa暗戀伊面, 我都好想佢可以o係個好勝gigi手上再奪走呢碗面! 咁就大快人心!)…睇完o個d文章之後就更加不屑佢o既行為, 同埋鄙視鄭伊面扮情聖, 講埋d“照顧佢一生一世”o既諾言, 但係全部都兌現唔到!

邵美琪反而好有品咁一句聲都無出過, 仲幫鄭伊面講好話! 雖然佢o地一齊到後期o既時候, 確係幾唔襯, 邵美琪個樣真係老過伊面好多, 同埋佢都變到神神化化咁…我都估到佢遲早會飛佢, 但我估唔到成件事會搞到咁核突!

我覺得佢先應該向鄭伊面索償“青春損失費”囉…因為佢真係完全賠上o左佢o既青春年華, 同埋佢o係演藝圈最光輝o既時刻!

(又明天再續)

11-7(sun) 騎著電單車的黑皮褸…真人版!

2004-11-07T17:00:00.000+08:00

根據一輪research+網友提供資料後, 我終於證實o左原來“我本善良”係o係95年台慶獲得類似叫“80/90年代我最喜愛電視劇集選舉”o既第一位(or第三位…唔多清楚)…可惜我幾乎有晒近10年o既台慶錄影帶, 唯獨係無keep住o個年 (註: 應該係劉華講“杏加橙”o個年)…無得重溫番! 返hku睇明週都唔覺有呢d資料…我諗真係要出動我d陳年香港電視 (但係呢樣俾返hku睇雜誌更大工程)...

原來呢套劇當年(甚至依家)真係好受觀迎…o係網上面亦都真係好多人談論 (唔知點解當初search唔到)…仲話係佢o地咁多年o黎覺得最好睇o既劇…唔怪得知可以得獎咁巴閉啦!

我仲o係屋企o既“私家影院”度重溫o左80-90年代好幾年o既經典台慶, 因為無線曾經o係30週年台慶時, 重播o左某幾年o既台慶…我當時錄起o左!

睇番87年台慶, 見到當時仲係青春少艾o既money姐同梅小惠等人表演繩索雜技 (唔知點解年年…至少我睇o個幾年…都有梅小惠表演雜技或者高難度動作…唔通佢身手非常不凡?); 再到90年, 更加有當時紅極一時o既齊浩男列入8大 (定10大?) 司儀行列…幾勁呀! 而佢o既表現亦都真係唔差, 口才好, 反應快…最緊要有型嘛! (當時!)

依家你話俾人聽鍾意溫兆倫, 簡直笑大人個口啦 (最主要係因為佢近年o黎形象真係太差!)…再睇番02年o既台慶, 溫兆倫又出番o黎…雖然仍然俾佢“maan”車邊列入當家小生行列, 有得同撈家+郭晉安等 (呢兩位小生當年都係o係佢主演o既“城市故事”?面做配角jar…但係依家…真係要再講句:“10年人事幾翻新”!)一齊o係最尾小生花旦表演環節度唱歌…但係已經要企到最邊邊, 同埋要以d好誇張o既表情去搶鏡但係都無人理佢!

一連睇o左兩屆台慶, 睇到個咁大o既contrast…見到當年無線最紅o既小生搞成咁, 真係不得不再嘆句: “一剎那光輝唔係永恆” (紅唇皇子, 借你o既名句o黎用一用呀唔該!)!

而02年齊浩男o既打扮, 仍然係已經變到超out o既蓋過籮黑皮褸+黑皮褲…好明顯佢仲停留o係“騎著電單車的黑皮褸”o既年代! 好慘!

11-4(thurs) 成千上萬

2004-11-04T16:54:00.000+08:00

11月4日係“芒姐日記”o既大日子, 事關呢度第1次衝破o左一萬大關, 真正達至成千上萬o既境地!

多謝晒各位自2003年7月o既10,000次瀏覽…直頭好似我睇番d舊報導話溫兆倫當年隻“沒有你之後”銷量衝破雙白金咁勁秋! (當我o係電話度朗讀呢d關於“發瘟”當年o既威水史俾獎門人聽o既時候, 好明顯佢真係覺得我發o左瘟! 佢話好後悔推介o左呢套劇俾我睇, 令我發o左瘟…瘋狂程度比佢更甚!)

由2002年o既“英倫遊記”, 到2003年7月返番o黎香港演變成o既“芒姐日記”…都好多得大家同我共同創造呢個“成千上萬”神話!

其實尋日我都有特登留意住呢個歷史性時刻, 再多得金美姐姐特登send個message o黎提我影低佢, 等我“捕”蛋咁“捕”o係度親自見證呢個歷史時刻! 好彩, 終於都俾我捕捉到呢一刻…影低o左…搞掂! 再下次就唔知要等幾耐喇!

(好似“我本善良”有一集浩男同伊明講話1999年將會有“獅子座流星雨”…伊明話9年後咁耐o既事又邊有人會知係點呀?! 無錯…佢又點會諗到o係99年會發生“奪面雙琪”事件呀?…當然, 到依家睇番, 又係另一番感受…佢所講咁耐之後o既9年, 都已經又再過o左5年…聽佢咁講番好得意囉! 我o地year1 o個年都好似真係有碌入去UST睇佢o地o係90年曾經提及o既呢場流星雨…不過我唔覺得我睇到d咩?!)

問: 99年“獅子座流星雨”同今次“成千上萬”有咩關係呀?
答: 無錯…係一d關係都無! 但係我忽然諗起, 想講咪講囉!

對唔住…好無聊! 多謝你o地陪我無聊o左10000次!

11-3(wed) 齊浩男

2004-11-03T17:45:00.000+08:00

呢期寫“我本善良”寫得好興起, 所以大家見我不停咁update!

好鍾意齊浩男呢個名, 因為好型! 其實成套戲d名都好型, 除o左“齊浩男”&“石伊明”…“齊喬正”個名都好型, 好配合曾江個角色! (跟住尋晚去睇“桃色”, 居然o係套戲?面見到“齊喬正”同佢真正o既老婆焦姣, 但係佢o係戲?面做正義差人…無咁有型! 仲有, 套戲爛到爆! 大家唔洗o徙錢睇, $35都俾多佢! 呀章小姐無謂o既露6點 [兩點x3次], 真係唔知為咩?! 有個咁o既呀媽, 我真係唔知佢d仔女點見人? 佢唔為自己諗, 都為o下d小朋友呀…洗唔洗去到咁盡呀? 畢竟佢都曾經叫做係“名媛”呀?!)…真係嚇死人!

仲有“石常春”, “桂枝”, “玉冰”, “方菱”, “浩宜”…呢d名全部都改得好配合角色o既人物性格, 真係一套??外外都好成功o既戲!

11-2(tues) “永遠的偶像-part 1”

2004-11-02T17:37:00.000+08:00

有呢個地方真係好 (我指呢個俾我發o翕風o既地方), 可以暢所欲言! 雖然其實我都有去留言版或者討論區同其他電視迷切磋o既…但係呢度更加可以由我話晒事嘛…鍾意o翕咩topic都得…同埋可以過多幾年睇番自己當時對某d o野o既感想!

好, 繼續講番上期未講完o既“我本善良”+溫兆倫+邵美琪…!

睇o左好多篇關於溫兆倫同埋邵美琪o既o野…其實佢兩個都有個共通點, 就係曾經非常光輝過, 但係依家都跌o左落人生一個低點, 但又仲o係個圈度浮浮沉沉緊!

原來一剎那o既光輝, 真係唔代表永恆…由呢兩個曾經係90年代無線最當紅o既小生同埋花旦o黎演繹就最貼切不過!

愈睇就愈心o翕, 睇佢兩個現實中o既故事, 就好似以前會考中文科讀o個d詩人老o左被貶官o既悲涼故事! 亦都活生生咁引證o左作為藝人o既“壽命”真係好短暫, 完全無得預測…你今日好紅, 聽日可能跌到落谷底! (蔡楓華就係最好o既例子…雖然佢係曾經失言, 但我覺得都未至於要落得如斯田地! 依家o個d所謂名星講o野咪仲不知所謂…佢唯有慨嘆自己唔係生於呢個年代!)

某程度上, 我覺得蔡楓華其實講得好有道理, 因為“一剎那o既光輝真係唔代表永恆”!

曾經佢o地係一年可以有6,7部劇擔正做主角o既當紅藝人…依家o既佢o地…溫兆倫都叫做好少少, 仲有男主角做o下…不過係無得播o個隻(好似佢同郭羨妮o個套訂情作“牛郎織女”), 邵美琪再出番o黎已經係做人o地阿媽…even係郭羨妮呀媽, 陳綿鴻呀媽, 佘佘呀媽…好慘! 佢年紀都唔係大呢d人好多o者! 但無可否認…佢昔日o既光彩真係不復再! 不過商天娥o係“隔世追兇”都要做郭晉安呀媽…所以話, 女人真係唔kum老!

呢d全部當年紅得發紫o既演員, 依家都淪為2,3線, 甚至大配角…有幾多個可以好似佢個好友呀鄧萃雯咁, 到呢個年紀再創事業新高峰呀? 所以今年“我最喜愛的女主角”一定要俾佢…咁樣先至皆大歡喜, 係最完滿o既賽果!

我覺得溫兆倫某程度上都有少少自己“手羅”o黎, 因為佢同佢d老婆同埋女友分手時搞得太核突…睇番d報導, 原來佢除o左追番陳梅馨d掟煲費之外, 仲曾經向佢第一任老婆追討“青春損失費”…真係核突到極點…邊有d咁無風度o既男人o架?!

佢雖然演技好又有型 (當時), 做主持仲好鬼馬, 不過佢個人本身就真係唔多掂…所以佢搞成咁都係抵佢o既! (不過我相信最大原因都係因為佢已經年華老去…雖然呢方面佢作為一個男藝人已經著數過女藝人好多!)
又一篇好詳盡o既分析同埋介紹: (不過又係簡體o既)

http://ent.sina.com.cn/s/h/2003-11-10/0810230354.html

(又再下期續)